დღეს მადრიდის “რეალმა” აბუ დაბიში მსოფლიო საკლუბო ჩემპიონატის 1/2 ფინალის წინ პირველი ვარჯიში ჩაატარა.
გუნდი მინდორზე 24-კაციანი შემადგენლობით გამოვიდა, მაგრამ გარეთ ბეილი და რაფაელ ვარანი სრული დატვირთვით ვარჯიშს ვერ ახერხებენ. ჯერჯერობით, უცნობია შეძლებს თუ არა ეს ორი ფეხბურთელი საკლუბო მუნდიალზე ასპარეზობას. “ბლანკოსის” აღნიშნულ საწვრთნელ პროცესს დღეს ორი ლეგენდარული მოთამაშე, რაულ გონსალესი და მიჩელ სალგადო დაესწრნენ. მათ ფეხბურთელებთან ერთად სამახსოვრო ფოტო გადაიღეს.
შეგახსენებთ, რომ 13 დეკემბერს თბილისის დროით 21:00 საათზე “რეალი” “ალ ჯაზირას” დაუპირისპირდება. 
