“მონაკოს” ნახევარმცველი კეიტა ბალდე კარიერას მილანის “ინტერში” გააგრძელებს. ამ ინფორმაციას Sky Sports ავრცელებს იტალიურ გამოცემებზე დაყრდნობით.
“ნერაძური” “მონაკოსთან” 23 წლის ფეხბურთელის არენდით აყვანის თაობაზე შეთანხმდა. იტალიელები იჯარაში 5-6 მილიონს გადაიხდიან, მომავალ წელს კი მისი გამოსყიდვის უფლება 30 მილიონ ევროდ ექნებათ.
გეტყვით იმასაც, რომ “მონაკომ” სენეგალელი კეიტა ბალდე ლიგა 1-ის პირველი ტურის მატჩის განაცხადშიც კი არ შეიყვანა, რაც კიდევ უფრო ზრდის ამ ტრანსფერის შანსებს.
რომის “ლაციოს” პრეზიდენტი, კლაუდიო ლოტიტო ადასტურებს ინფორმაციას, რომლის მიხედვითაც, კლუბმა კეიტა ბალდეს ტრანსფერის თაობაზე რამდენიმე შეთავაზება უკვე მიიღო.
როგორც იცით, 22 წლის ფეხბურთელის მიმართ, რომელმაც გასული სეზონის 31 მატჩში 16 გოლის გატანა შეძლო, “ინტერის”, “იუვენტუსისა” და “ვესტ ჰემის” მფლობელები იჩენენ ინტერესს.
“თუ სიტუაცია მნიშვნელოვნად არ შეიცვლება, ის მომავალ სეზონშიც “ლაციოს” ღირსებას დაიცავს და ინძაგი (მწვრთნელი) მას სურვილისამებრ გამოიყენებს.
“ინტერისა” და “იუვენტუსისგან” წინადადება ჯერ არ მიგვიღია, მაგრამ არის რამდენიმე შეთავაზება უცხოეთიდან. თუ კეიტას წასვლა უნდა, მას გავუშვებთ, ოღონდ ამისთვის შესაბამისი წინადადება უნდა მივიღოთ,” – აცხადებს ლოტიტო.
