ჭდე: ბარნლი

“ჩელსიმ” “ბარნლი” დაძაბულ ბრძოლაში დაამარცხა (ვიდეო)

Posted on by იაკობ კაპანაძე

ინგლისის პრემიერ ლიგის 31-ე ტურის გადადებულ მატჩში ლონდონის “ჩელსი” მეშვიდეადგილოსან “ბარნლის” ეწვია და საკმაოდ დიდი ბრძოლაც გაუმართა. საბოლოო ჯამში გამარჯვება ანტონიო კონტეს შეგირდებს დარჩათ.

მატჩი გარდამავალი უპირატესობით მიმდინარეობდა. ანგარიში შეხვედრის მე-20 წუთზე გაიხსნა, როდესაც ლონგმა საკუთარ კარში ჩაჭრა ბურთი. 64-ე წუთზე ბარნსმა შეძლო გათანაბრება. გამარჯვების გოლი კი 69-ე წუთზე გავიდა და ის ვიქტორ მოზესის ანგარიშზეა – 1:2.

ჩატარებული 34 მატჩის შემდეგ “ჩელსის” 63 ქულა უგროვდება და მეხუთეა, “ბარნლი” კი 52 ქულით კვლავ მეშვიდეა.

“ბარნლი”: პოპი; უორდი, ტარკოვსკი, ლონგი, ლოუტონი; გუდმუნდსონი, ვესტვუდი, კორკი, ლენონი; ვუდი (ვოუკსი 72′), ბარნსი

მთავარი მწვრთნელი: შონ დაიჩი

“ჩელსი”: ტიბო კურტუა; ასპილიკუეტა, კეჰილი, რუდიგერი; მოზესი, ბაკაიოკო, კანტე, ემერსონი (ზაპაკოსტა 84′); პედრო, მორატა (ედენ აზარი 71′); ოლივიე ჟირუ

მთვარი მწვრთნელი: ანტონიო კონტე

“ლივერპულმა” “ბარნლი” ბოლო წუთებზე გატანილი გოლით დაამარცხა (ვიდეო)

Posted on by იაკობ კაპანაძე

პრემიერ ლიგის 22-ე ტურში მერსესაიდის “ლივერპული” “ბარნლის” ეწვია და მოედანზე სამი ქულისთვის გავიდა. მართალია, მასპინძლები ძალიან ახლოს იყვნენ ქულის მოპოვებასთან, მაგრამ რაგნარ კლავანმა “წითლებს” საწადელი მაინც აუხდინა.

მატჩი მეტად კორექტული გამოდგა და სტუმრების უპირატესობით წარიმართა. ანგარიშიც “ლივერპულმა” გახსნა – შეხვედრის 61-ე წუთზე მანემ გამოიჩინა თავი. თამაშის 87-ე წუთზე გუდმუნდსონმა ვოუკსის პასი გამოიყენა და ანგარიშიც გაათანაბრა.გადამწყვეტი გოლი კი კლავანმა გაიტანა ლოვრენის საგოლე გადაცემის წყალობით.

შედეგად, “ლივერპულმა” მორიგი სამი ქულა ჩაიწერა აქტივში და ახლა 22 ტურის შემდეგ 44 ქულა უგროვდება, იმდენივე, რამდენიც მესამე ადგილზე მყოფ “მანჩესტერ იუნაიტედს” (თუმცა, “წითელ ეშმაკუნებს” ერთით ნაკლები მატჩი აქვს ჩატარებული). “ბარნლი” კი 34 ქულით კვლავ მეშვიდეა.

“ბარნლი”: პოპე; ტეილორი, მიი, ტარკოვსკი, ბერდსლი; გუდმუნდსონი, დეფური, კორკი, არფილდი (უელსი 86′); ჰენდრიკი (ვოუკსი 71′); ბარნსი

მთავარი მწვრთნელი: სიმონ დაიჩი

“ლივერპული”: მინოლე; ალექსანდერ-არნოლდი, ლოვრენი, კლავანი, გომესი; ემრე ჯანი, ვეინალდუმი; მანე (ფირმინო 72′), ლალანა (მილნერი 86′), ოქსლეიდ-ჩემბერლინი; სოლანკე

მთავარი მწვრთნელი: იურგენ კლოპი

გოლები: გუდმუნდსონი 87′ – სადიო მანე 61′, რაგნარ კლავანი 90+4′

მოურინიო: “ბარნლის” ევროპა ლიგაზე მოხვედრისთვის ბრძოლა შეუძლია”

Posted on by იაკობ კაპანაძე

“ოლდ ტრაფორდზე” “ბარნლისთან” გასამართი მატჩის წინ ჟოზე მოურინიომ შონ დაიჩის გუნდს შეაქო და აღნიშნა, რომ მათ ევროპა ლიგის საგზურისთვის ბრძოლა შეუძლიათ. სეზონის პირველი წრე “ბარნლიმ” მეშვიდე ადგილზე დაასრულა.

“თუ მათი მთავარი მიზანი პრემიერ ლიგაში დარჩენა იყო, მაშინ ეს უკვე ჯიბეში აქვთ. ყველაფერს ისინი აკონტროლებენ. თუ სეზონის ათეულში დასრულებაზე ფიქრობენ, ისინი ამას შეძლებენ.

ვფიქრობ, ახლა მათი მიზანი ევროპის ჩემპიონატზე მოხვედრაა და “ბარნლის” ნამდვილად შესწევს ამის ძალა. ასე რომ, ძლიერი მეტოქის წინააღმდეგ მოგვიწევს თამაში.

მიუხედავად იმისა, რომ ბოლო მატჩში სამი გული გაუშვეს, ისინი მაინც დაცვით ფეხბურთზე გააკეთებენ აქცენტს და მაქსიმალურად უნდა ვცადოთ ზონების განთავისუფლება. რთული იქნება მოგება ასეთ მატჩში,” – აცხადებს მოურინიო, რომლის გუნდიც მეორე პოზიციას იკავებს სატურნირო ცხრილში.

ზუმას ტრავმა არც ისე მარტივია – ფრანგი “ვესტ ჰემთან” იუქმებს

Posted on by კახა ყიფიანი

ლონდონის “ჩელსის” ფეხბურთელმა, კურტ ზუმამ, რომელიც ამჟამად “სტოკ სიტიშია”, პრემიერ ლიგის მეჩვიდმეტე ტურში,”ბარნლის” წინააღმდეგ, მუხლის ქვედა მყესის ტრავმა მიიღო. მინიმალური ანგარიშით წაგებული დაპრისიპირების შემდეგ, მთავარმა მწვრთნელმა, მარკ ჰიუზმა განაცხადა, რომ ფრანგის დაზიანება არც ისე სერიოზული იყო და ის უიქენდზე გუნდს დაუბრუნდებოდა.

როგორც ირკვევა, უელსელი სპეციალისტი მართალი არ აღმოჩნდა. 23 წლის ცენტარლური მცველი ლაზარეთში კიდევ რამდენიმე დღე დარჩება. რაც იმას ნიშნავს, რომ იგი “სტოკს” ინგლისის ჩემპიონატის მეთვრამეტე ტურში (16 დეკემბერს), “ვესთ ჰემის” წინააღმდეგ მატჩში ვერ დაეხმარება.

“სამწუხაროდ, კურტი ამ უიქენდზე ჩვენთან არ იქნება. იმედგაცრუებულები ვართ, თუმცა ფაქტს თვალი უნდა გავუსწოროთ. თუმცა, კარგი ამბავი ისაა, რომ დაზიანება ხანგრძლივი არაა და, დიდი ალბათობით, ზუმა მომავალ კვირაში დაბრუნდება,” – აცხადებს ჰიუზი.

“ლივერპულმა” გულშემატკივრებს იმედი კიდევ ერთხელ გაუცრუა (ვიდეო)

Posted on by იაკობ კაპანაძე

პრემიერ ლიგის მეხუთე ტურის მატჩში მერსესაიდის “ლივერპულმა” საკუთარ მოედანზე “ბარნლი” მიიღო. მატჩი ფრედ, ანგარიშით 1:1 დასრულდა და გუნდებმა თავიანთ მონაგარს თითო-თითო ქულა დაუმატეს.

მატჩში ანგარიში 27-ე წუთზე არფილდმა გახსნა, რომელმაც ბრედის საგოლე გადაცემა გამოიყენა. ანგარიშში წონასწორობის აღსადგენად მუჰამედ სალაჰს სულ რაღაც სამი წუთი დასჭირდა.

მომდევნო ტურში “წითლები” “ლესტერს” ეწვევიან, “ბარნლი” კი “ჰადერსფილდს” მიიღებს.

“ლივერპული”: მინოლე; რობერტსონი, კლავანი, მატიპი, ალექსანდერ-არნოლდი; კოუტინიო (სოლანკე 80′), ემრე ჯანი, მილნერი; ფირმინო (ჩემბერლინი 79′), სტარიჯი, მუჰამედ სალაჰი

მთავარი მწვრთნელი: იურგენ კლოპი

“ბარნლი”: პოპე; ლოუტონი, ტარკოვსკი, მიი, ვორდი; გუდმუნდსონი (ბარნსი 60′), დეფო, კორკი, ბრედი; არფილდი, ვუდი

მთავარი მწვრთნელი: სიმონ დაიჩი

“ჩელსი” – “ბარნლი”: ლონდონელებმა კვლავ საშინლად დაიწყეს (ვიდეო)

Posted on by იაკობ კაპანაძე

პრემიერ ლიგის 2017/18 წლების გათამაშებაში ლონდონის “ჩელსიც” ჩაერთო, რომელმაც სადებიუტო მატჩში საკმაოდ დასანანი მარცხი განიცადა “ბარნლისთან”.

მატჩში ანგარიში გარი კეჰილის გაძევებიდან (14′) ათ წუთში, სემ უოკსმა გახსნა. 39-ე წუთზე ვორდმა ორამდე გაზარდა სხვაობა, 43-ე წუთზე კი ვოუკსმა დუბლის გაფორმება შეძლო.

მატჩის მეორე ნახევარში “ჩელსი” უფრო დამაჯერებლად თამაშობდა. 69-ე წუთზე ალვარო მორატამ სადებიუტო გოლის გატანა შეძლო. 81-ეზე ფაბრეგასმა მეორე ყვითელი ბარათი მიიღო, 88-ზე კი ლუისმა ერთ ბურთამდე შეამცირა სხვაობა.

მომდევნო ტურში “ბარნლი” ვესტ ბრომს” მიიღებს, “ჩელსი” კი “კრისტალ პალასს” ეწვევა.

“ჩელსი”: კურტუა; კეჰილი, ლუისი, რუდიგერი; ალონსო, კანტე, ფაბრეგასი, ასპილკუეტა; ბოგა (კრისტენსენი 18′), ვილიანი; ბატშუაი (ალვარო მორატა 59′)

მთავარი მწვრთნელი: ანტონიო კონტე

“ბარნლი”: ჰიტონი; ლოუტონი, მიი, ტარკოვსკი, ვორდი; ჰენდრიკი, დეფუ (უოლტერსი 75′), კორკი; გუდმუნდსონი (არფილდი 75′), ბრედი; ვოუკსი

მთავარი მწვრთნელი: დაიჩი

ინგლისური კლუბების სამიზნემ, ჰიტონმა საკუთარ მომავალზე ისაუბრა

Posted on by იაკობ კაპანაძე

ინგლისური “ბარნლის” მეკარემ, ტომ ჰიტონმა, რომლის გადაბირების სურვილსაც “კრისტალ პალასისა” და “ნიუკასლის” ხელმძღვანელები გამოთქვამენ, საკუთარ მომავალზე ისაუბრა.

“ჩემი მთავარი მიზანი პრემიერ ლიგაში თამაში და ამით ინგლისის ნაკრებში მოხვედრის შანსების გაზრდაა. ინგლისის ნაკრებში თამაშს გემო უკვე გავუგე და ახლა მინდა, რაც შეიძლება მეტჯერ მომეცეს შანსი.

მინდა ყოველდღიურად გავაუმჯობესო ჩემი დონე, რისთვისაც აქ დარჩენა საუკეთესო ვარიანტია, აქ თავს ბედნიერად ვგრძნობ, ” – აცხადებს ჰიტონი.

ცნობისთვის გეტყვით, რომ ჰიტონი, რომელმაც ინგლისის ჩემპიონატის მიმდინარე სეზონში 10-ჯერ შეინახა კარი მშრალად, ორჯერ მოგვევლინა ინგლისის ნაკრების კარის დარაჯის როლში.

რატომ არ უნდა დახარჯოს “ლივერპულმა” მაიკლ კინის ტრანსფერში 25 მილიონი?

Posted on by იაკობ კაპანაძე

მერსესაიდული “ლივერპულის” ლეგენდარული ფეხბურთელი, ჯეიმი კარაგერი “ბარნლის” მცველის, მაიკლ კინის “ლივერპულში” გადასვლის წინააღმდეგია.

“ბარნლიდან” “ლივერპულში” გადასვლა საკმაოდ დიდი კარიერული ნახტომია. ამ კლუბებს შორის დიდი განსხვავებაა, მათ განსხვავებული სათამაშო სტილი გააჩნიათ.

მაიკლ კინის ტრანსფერი დაახლოებით 25 მილიონი ფუნტი დაჯდება. ის ახალგაზრდა, ინგლისელი ფეხბურთელია. ჯობს თუ არა ლოვრენსა და მატიპს? არ ვიცი, ალბათ ერთ დონეზე იმყოფებიან.

ჯობს 25 მილიონი იმ ფეხბურთელში გადავიხადოთ, რომელიც გუნდში რაიმე ახალს შემოიტანს, რამეს შეცვლის. კინი კი ამის გარანტიას ნამდვილად არ იძლევა,” – აცხადებს კარაგერი.

“ტოტენჰემმა” “ბორნმუთი” გაანადგურა (ვიდეო)

Posted on by იაკობ კაპანაძე

პრემიერ ლიგის 33-ე ტური ლონდონის “ტოტენჰემისა” და “ბორნმუთის” დაპირისპირებამ გახსნა. “მამლები” მოედანზე გამარჯვებისვის გამოვიდნენ და მიაღწიეს კიდეც სასურველ შედეგს.

მატჩში ანგარიში მე-16 წუთზე გაიხსნა, გოლი დემბელეს ანგარიშზეა. სამიოდე წუთში სონმა სხვაობა ორამდე გაზარდა. მეორე ტაიმში კი კეინმა და იანსენმაც მოახერხეს თავის გამოჩენა და საბოლოო ანგარიშიც დააფიქსირეს – 4:0.

შედეგად, 32 თამაშის შემდეგ “ტოტენჰემს” 71 ქულა დაუგროვდა და მეორე პოზიციას იკავებს. “ბორნმუთი” კი 35 ქულით მეთხუთმეტეა.

“ტოტენჰემი”: ჰუგო ლორისი; დეივისი, ვერტონგენი, ალდერვეირელდი, უოლკერი; დემბელე, დაიერი; სონი, დელე ალი (სისოკო 84′), ერიქსენი; ჰარი კეინი (ვიქტორ ვანიამა 79′)

მთავარი მწვრთნელი: მაურისიო პოჩეტინო

“ბორნმუთი”: ბორუცი; სმიტი, ფრანცისი, კუკი, დენიელსი; სტანისლასი (ფრეიზერი 69′), არტერი, უილშეარი (ლ. კუკი 57′), პუჰი; კინგი; აფობე

მთავარი მწვრთნელი: ედი ჰაუ

“მანჩესტერ სიტიმ” საკუთარ მოედანზე “ბარნლის” სძლია (ვიდეო)

Posted on by კახა ყიფიანი

პრემიერ ლიგის მე-20 ტურში, “ეტიჰადზე” “მანჩესტერ სიტი” “ბარნლის” დაუპირისირდა.

პირველ ტაიმში, 32-ე წუთზე ფერნანდინიო გააძევეს და მასპინძლები უმცირესობაში დარჩნენ.

მეორე ნახევარში, 58-ე წუთზე ჯერ კლიშიმ გახსნა ანგარიში, ხოლო 62-ეზე აგუერომ ორამდე გაზარდა სხვაობა. 70-ე წუთზე ბენ მიმ ერთი გოლის გაქვითვა მოახერხა. საბოლოოდ – 2-1.

ამ გამარჯვების შემდეგ “ქალაქელებს” 42 ქულა აქვთ და მე-3 ადგილზე არიან. რაც შეეხება “ბარნლის”, ამ გუნდს 23 ქულა აქვს და მე-11 პოზიციაზეა.

იხილეთ ვიდეო

 

 

ჰომოფობიური პოსტების გამოქვეყნებისთვის, გრეის 4-მატჩიანი დისკვალიფიკაცია მიანიჭეს

Posted on by იაკობ კაპანაძე

ინგლისური “ბარნლის” ფორვარდი, ანდრე გრეი 4-მატჩიანი დისკვალიფიკაციით იქნა დასჯილი, სოციალურ ქსელში ჰომოფობიური პოსტების გამოქვეყნების გამო.

2012 წელს მის მიერ გამოქვეყნებული პოსტები მას შემდეგ გახდა პოპულარული, რაც მან “ლივერპულთან” მოგებულ მატჩში გოლის გატანა მოახერხა (2-0). მის ერთ ერთ ტვიტში ვკითხულობთ :”მე მეჩვენება, თუ მართლა გეები არიან ყველგან? #დაწვით #მოკვდით #ცუდადმხდის”.

თავისმხრივ, გრეიმ ამ სიტუაციიდან თავის გამოძვრენა მობოდიშებით სცადა. მისი თქმით, ის ახლა სრულიად განსხვაევებული პიროვნებაა.

გრეი, რომელიც გასულ სეზონში გუნდის საუკეთესო ბომბარდირი იყო, პრემიერ ლიგაში “ბარნლის” შემდეგ კლუბებთან დაპირისპირებაში ვერ დაეხმარება: “უოტფორდი”, “არსენალი”, “ევერტონი” და “საუთჰემპტონი”.

პრემიერ ლიგა: კონტე მოგებათა სერიებს აგრძელებს (ვიდეო)

Posted on by იაკობ კაპანაძე

მესამე ტურში ანტონიო კონტეს შედარებით სუსტ მეტოქესთან, “ბარნლისთან” მოუწევს თამაში. აღნიშნულ მატჩში ლონდონელებს მხოლოდ გამარჯვება დააკმაყოფილებს მაშინ, როდესაც სტუმრები 1 ქულასაც დიდი სიამოვნებით დათანხმდებიან.

ლონდონელებმა სეზონის პირველ მატჩში “ვესტ ჰემის” დამარცხება მოახერხეს დიეგო კოშტას გოლის წყალობით. ბრაზილიელმა ფორვარდმა იგივე გააკეთა “უოტფორდთან” მატჩში – შედეგად, “ჩელსი” ქულების მაქსიმალური რაოდენობით მე-4 პოზიციას იკავებს.

ბრიტანულ ჩემპიონატში ახლადგადმოსულმა “ბარნლიმ” კი სეზონი “გედებთან” განცდილი მარცხით დაიწყო, რასაც “ლივერპულთან” მოპოვებული მოულოდნელი გამარჯვება მოჰყვა.

8-Recovered

“ჩელსი”: ტიბო კურტუა; ტიმ კეჰილი, ბრანისლავ ივანოვიჩი, ჯონ ტერი, ასპილიკუეტა, ნემანია მატიჩი; კანტე, ვილიანი(მოზესი ’77), ოსკარი, ედენ აზარი(პედრო ’81); კოშტა(ბატშუაი ’80)

მთავარი მწვრთნელი: ანტონიო კონტე

“ბარნლი”: ჰიტონი; ლოუტონი, კინი, მი, უორდი, ბოიდი; მარნი(ტარკოვსკი ’72), დეფური(ო’ნილი ’57), არფილდი(გუდმუნდსონი ’57), ვოუქსი, გრეი

მთავარი მწვრთნელი: დაიკი

გოლი: აზარი 9′, ვილიანი 41′, მოზესი 89′