„გოლდენ სტეიტ უორიორსის“ გამთამაშებელმა სტეფ კარიმ 3-ქულიანების კონკურსი ვერ მოიგო, თუმცა დაამტკიცა, რომ მისი შორეული სროლები მეტოქეთათვის მაინც სახიფათოა.
„ოლ სტარის“ ბოლო წამებზე კარიმ მოედნის ცენტრიდან ჩააგდო.
ჯამში, მისმა მონაგარმა 26 ქულა, 5 მოხსნა, 6 პასი და 4 ჩაჭრა შეადგინა.
„მაიამი ჰიტის“ ფორვარდი კრის ბოში ტორონტოში ჩასატარებელ „ოლ სტარის“ მატჩს გამოტოვებს, რის შესახებ „იაჰუ სპორტსი“ იუწყება. ამის მიზეზი ტრავმაა, რომელიც კალათბურთელმა გუშინ მიიღო. აღმოსავლეთ კონფერენციის გუნდში კრისის ადგილს „ატლანტა ჰოუქსის“ კალათბურთელი ელ ჰორფორდი დაიკავებს.
აღსანიშნავია, რომ ჰორფორდისთვის კარიერაში ეს მეოთხე „ყველა ვარსკვლავის მატჩი“ იქნება. აქამდე მას 2010, 2011 და 2015 წლის „ოლ სტარებში“ უთამაშია.
მიმდინარე სეზონის 55 შეხვედრაში ჰორფორდის საშუალო მონაგარი სათამაშო დროის 31,3 წუთში 15,3 ქულას, 6,9 მოხსნასა და 3,1 გადაცემას შეადგენს.
სუპერლიგის „ოლ სტარის“ მატჩის MVP-მ გიორგი ბარბაქაძემ, რომელმაც ასევე ჩატენვების კონკურსიც მოიგო, პრიზების მიღების შემდეგ ჟურნალისტებს თავისი შთაბეჭდილება გაუზიარა.
„პირველ რიგში, დიდი მადლობა ორგანიზატორებს. ასევე სტუმარს თუ მასპინძელს, ბერა ივანიშვილს, მადლობა მას. გახარებული და ბედნიერი ვარ. ჩემს პრიზებს აქამდე MVP აკლდა, რომელიც დღეს გავასამმაგე“, – განაცხადა ბარბაქაძემ.
სუპერსტარის მატჩში ბარბაქაძემ მოედანზე ყველაზე მეტი – 31 ქულა დააგროვა.
ღამით ეროვნული საკალათბურთო ასოციაციის ოლ სტარი ლიგის ახალგაზრდა კალათბურთელებისა და ლეგიონერების ნაკრებების მატჩით გაიხსნა.
შეხვედრა ძალიან საინტერესო გამოდგა და, საბოლოოდ, ლეგიონერთა გამარჯვებით 112:121 დასრულდა.
საუკეთესო გამარჯვებულთა რიგებში ენდრიუ უიგინსი აღმოჩნდა, რომელმაც 22 ქულასთან ერთად 6 მოხსნა და 4 ასისტი მიითვალა. რაც შეეხება წაგებულებს, მათი შემადგენლობიდან ასევე 22 ქულით ვიქტორ ოლადიპო და ზაკ ლავინი გამოირჩნენ.
აშშ-ს გუნდი – მსოფლიოს ნაკრები 112:121 (67:69, 45:52)
აშშ: ოლადიპო (22 ქ. 3 მ. 4 ა. 4 ჩ.), ლავინი (22 ქ. 4 მ. 2 ა. 1 ჩ.), ბერკი (17 ქ. 1 მ. 4 ა. 2 ჩ.), პლამლი (13 ქ. 9 მ. 3 ა. 1 ჩ 2 ბ.), ზელერი (12 ქ. 4 მ. 1 ა. 3 ჩ.), შაბაზ მუჰამადი (10 ქ. 5 მ. 1 ა. 1 ბ.), კოლდუელ-პოუპი (8 ქ. 2 ა. 2 ჩ.), ნოელი (4 ქ. 4 მ. 1 ა. 2 ჩ. 2 ბ.), პეიტონი (2 ქ. 3 მ. 3 ა. 1 ჩ.), კოვინგტონი (2 ქ. 3 მ. 1 ა. 4 ჩ.)
მსოფლიო: უიგინსი (22 ქ. 6 მ. 4 ა.), გობერი (18 ქ. 11 მ. 3 ბ. 4 ჩ.), მიროტიჩი (16 ქ. 4 დ.), ბოგდანოვიჩი (16), დიენგი (14), შრედერი (13 ქ. 8 ა.), ადეტოკუნბო (12 ქ. 9 მ. 5 ა. 4 ჩ. 5 დ.), ეკზამი (4 ქ.), დელავედოვა (4 ქ.), პაპანიკოლაუ (2 ქ.)
მოგეხსენებათ, გასულ კვირას ეროვნული საკალათბურთო ასოციაციის 2015 წლის ოლსტარის შემადგენლობა დასახელდა, რომელშიც „ლოს-ანჯელეს ლეიკერსის“ ლიდერი კობი ბრაიანტიც მოხვდა. სამწუხაროდ, კობი ხსენებულ შეხვედრაში ვერ ითამაშებს, რამეთუ მას მორიგი გრძელვადიანი ტრავმა აქვს. სავარაუდოდ, „შავი მამბა“ მოედანზე მხოლოდ სექტემბერში დაბრუნდება.
გუშინ ოლ სტარში ბრაიანტის შემცვლელის ვინაობაც გაირკვა – „ლეიკერსის“ მთავარი ვარსკვლავის ადგილს „საკრამენტო კინგსის“ ლიდერი დემარკუს კაზინსი დაიკავებს.
აღსანიშნავია, რომ 24 წლის ბიგმენი მიმდინარე სეზონში, შედეგიანობის მხვრივ, მეხუთე ადგილს იკავებს – მისი მონაგარი 23,8 ქულასა და 12,3 მოხსნას შეადგენს.
25 იანვარს, 16 საათზე, რუსთავი საკალათბურთო სუპერლიგის “ყველა ვარსკვლავის” მატჩ-აქციას უმასპინძლებს. ამით გრძელდება ოლ სტარის რეგიონებში ჩატარების ტრადიცია, რაც კალათბურთის მთლს ქვეყანაში განვითარებას ემსაურება. ქვემო ქართლში თავს ეროვნული ჩემპიონატის წამყვანი კალათბურთელები მოიყრიან, რომლებიც საჩვენებელ მატჩთან ერთად 3-ქულიანებისა და ჩატენვების კონკურსებში მიიღებენ მონაწილეობას.
რუსთავში კალათბურთი ისედაც უყართ, თუმცა “ყველა ვარსკვლავის” მატჩი-აქციით ამ რეგიონში სპორტის ეს სახეობა უფრო მეტ დაინტერესებას ჰპოვებს. ბოლო წლებში ოლ სტარი ძირითადად ქუთაისში ტარდებოდა, 2011-ში კი სპორტის სასახლეში გამართულმა “ყველა ვარსკვლავის” მატჩმა გრანდიოზული შოუ-წარმოდგენის თანხლებით ჩაიარა. საყოველთაოდ ცნობილმა რეჟისორმა, ჩემპიონთა ლიგის გახსნის დამდგმელმა ლაშა ონიანმა კალათბურთის მოყვარულებს დაუვიწყარი წარმოდგენა უჩვენა.
დღეს, ოლ სტარამდე 2 დღით ადრე, რუსთავში პრომო-აქცია გაიმართა: რუსთაველებს მატჩი-აქციის საინფორმაციო ფლაერები დაურიგდათ. აქციაში მონაწილეობა საკალათბურთო კლუბ “რუსთავის” კალათბურთელებმაც მიიღეს. ლევან ხმელიძემ, ქაქუცა აბაიშვილმა და დავით არწივიძემ აქციის სხვა წევრებთან ერთად მოქალაქეები ოლ სტარზე დაპატიჟეს. სარეკლამო ფლაერებთან ერთად რუსთაველები ინფორმაციას ოლ სტარის პარტნიორი “რედ ბულის” პრომო-ავტომობილიდანაც იღებდნენ. რუსთაველები ინტერესით შეხვდნენ დაგეგმილ აქციას და უმრავლესობამ მასზე დასწრების სურვილი გამო თქვა.
