ჭდე: მადრიდის რეალი მსოფლიო საკლუბო ჩემპიონატზე

დღეს მსოფლიო საკლუბო ჩემპიონატის ფინალში მადრიდის “რეალი” ბრაზილიურ “გრემიოს” დაუპირისპირდა და საინტერესო ბრძოლაში 1:0 დაამარცხა მეტოქე.

პირველი ნახევარი არც თუ ისე მაღალ ტემპში წარიმართა, ესპანელები უპირატესობას მოედნის ცენტრში ფლობდნენ, თუმცა სახიფათო მომენტის შექმნას ვერ ახერხებდნენ. მეორე ტაიმში “რეალის” ფეხბურთელებმა ზეწოლა გაზარდეს, მაგრამ იღბალი აშკარად ბრაზილიელების მხარეს იყო, თუმცა კრიშტიანუ რონალდუმ საჯარიმო დარტყმა საკმაოდ კარგად შეასრულა და 53-ე წუთზე ესპანელები დააწინაურა. ამის შემდეგ “გრემიოს” ფეხბურთელებმა სცადეს შეხვედრის გადარჩენა, თუმცა უშედეგოდ და მატჩი “რეალის” გამარჯვებით 1:0 დასრულდა.

საბოლოოდ მადრიდის “რეალი” მსოფლიო საკლუბო ჩემპიონატის გამარჯვებული ზედიზედ მეორედ გახდა, ხოლო ბოლო 4 წელიწადში მესამედ მოიგო.

როგორც მოგეხსენებათ, დღეს მსოფლიო საკლუბო ჩემპიონატის მეორე 1/2 ფინალში მადრიდის “რეალი” და “ალ ჯაზირას” დაუპირისპირდა და საინტერესო ბრძოლაში 2:1 დაამარცხა მეტოქე.

შეხვედრა ესპანელთა აშკარა უპირატესობით დაიწყო. კრიშტიანუ რონალდუს რამდენიმე კარგი მომენტი შეექმნა, პორტუგალიელს რამდენიმეჯერ იღბალმა უმტყუნა, რიგ შემთხვევებში კი “ალ ჯაზირას” მეკარე თამაშობდა დამაჯერებლად. ასევე კარგი შანსი ჰქონდა ლუკა მოდრიჩსაც, მაგრამ ამ შემთხვევაშიც ჰუსანი თამაშობდა დამაჯერებლად. ტაიმის მუწურულს კი, უკვე ნომინალურ მასპინძლებს მიეცათ რეალური შანსი, რომელიც რომანიომ ზუტად გამოიყენა და პირველი ნახევარი “ალ ჯაზირას” გამარჯვებით 1:0 დასრულდა.

მატჩი განსხვავებული მსვლელობით არც მეორე ნახევარში წარმართულა, “რეალი” უპირატესობას მთელი შეხვედრის განმავლობაში ფლობდა და საბოლოოდ რონალდუმ 53-ე წუთზე ანგარიში გაათანაბრა, ხოლო 81-ე წუთზე რამდენიმე წამით ადრე შემოსულმა გარეთ ბეილმა მადრიდელები წინ გაიყვანა. ამის შემდეგ უელსელს კიდევ ერთხელ მიეცა თავის გამოჩენის საშუალება, როდესაც აკრობატულ ნახტომში სცადა გოლის გატანა, მაგრამ “ალ ჯაზირას” კიპერმა ამჯერადაც შეუცდომლად ითამაშა. საბოლოოდ შეხვედრა “რეალის” გამარჯვებთ 2:1 დასრულდა.

შეგახსენებთ, რომ მადრიდელები 16 დეკემბერს საკლუბო მუნდიალის ფინალში ბრაზილიურ “გრემიოს” დაუპირისპირდება.

როგორც მოგეხსენებათ, რამდენიმე წუთში მადრიდის “რეალი” მსოფლიო საკლუბო ჩემპიონატის 1/2 ფინალში “ალ ჯაზირას” დაუპირისპირდება.

გთავაზობთ გუნდების სასტარტო შემადგენლობებს:

“ალ ჯაზირა”: ხასეიფი, რაშიდი, ჯუმა, აიედი, ფაიეზი, მუბარაქი, აბდულა, ალჰოსანი, ალ ატასი, რომარინიო, ალი მაბხოუთი.

“რეალი”: ნავასი, ჰაკიმი, ნაჩო, ვარანი, მარსელო, ისკო, კოვაჩიჩი, კაზემირო, მოდრიჩი, ბენზემა, რონალდუ.

ხვალ მადრიდის “რეალი” მსოფლიო საკლუბო ჩემპიონატში ჩაერთვება, დღეს კი ესპანელებმა მატჩისწინა ვარჯიში გამართეს, ხოლო შემდეგ გუნდის ვიცე-კაპიტანი მარსელო ჟურნალისტების წინაშე წარდგა და მოახლოვებულ შეხვედრაზე ისაუბრა.

“მომავალ მეტოქეზე ვიცი, რომ ბევრი ნიჭიერი ახალგაზრდით არის დაკონპლექტებული, მაგალითად როგორიცაა ბრაზილიელი რომანიო. ჩვენთვის ცნობილია, როგორ დავამარცხოთ მეტოქე, საკმაოდ მოტივირებულები ვართ, რომ შეხვედრა წარმატებით დავასრულოთ. დარწმუნებული ვარ “რელის” ფეხბურთელები მაქსიმუმს გაიღებენ, რათა მიზანს მივაღწიოთ. ვფიქრობ ამჯერად გამოცდილება არაფერს ნიშნავს, რადგან მომავალი მატჩი ჩვენთვის ახალი გამოწვევა იქნება. რაც შეეხება ზამთრის სატრანსფერო ფანჯრის დროს მოსალოდნელ ტრანსფერებს, ეს ჩემი საქმე არ არის, “რეალი” საუკეთესო მოთამაშეებით არის დაკონპლექტებული, თუმცა ჩვენი კარი ყველასთვის ღიაა”, – აცხადებს მარსელო.

შეგახსენებთ, რომ 13 დეკემბერს 21 საათზე “რეალი” საკლუბო მუნდიალზე “ალ ჯაზირას” დაუპირისპირდება.