ჭდე: მათე

ოფიციალურად დადასტურდა, რომ მათე ვაწაძე თბილისის “დინამოში” გააგრძელებს კარიერას.

როგორც ცნობილია, 29 წლის თავდამსხმელმა მშობლიურ კლუბთან ხელშეკრულება სეზონის ბოლომდე გააფორმა. ვაწაძე “დინამოში” 2005 წლიდან 2010 წლის ბოლომდე ასპარეზობდა და ჩემპიონატში ჩატარებულ 68 მატჩში 32 გოლი აქვს გატანილი.

მათე ბოლოს დანიური “სილკებორგის” ღირსებას იცავდა, მანამდე კი იმავე ქვეყნის წარმომადგენელ “ვიბორგში” და “ორჰუსში” გამოდიოდა. ფეხბურთელს, ასევე, “ვოლგაში”, გორის “დილაში” და თბილისის “ლოკომოტივში” უთამაშია.