საფრანგეთის ჩემპიონატის 25-ე ტურში “მონაკოსა” და “მონპელიეს” შორის გასამართი მატჩი მეტეოროლოგიური პირობების გამო გაურკვეველი ვადით გადაიდო.
მონტე კარლოში ძლიერად წვიმს. მატჩის ჩატარების თარიღი მოგვიანებით დაზუსტდება.
საფრანგეთის ჩემპიონატის სატურნირო ცხრილში “მონაკოს” მე-5, “მონპელიეს” კი მე-7 ადგილი აქვს დაკავებული.
„მილანის“ თავდამსხმელ მბაიე ნიანგს, რომელიც იჯარის წესით ფრანგულ „მონპელიეში“ თამაშობს, საფრანგეთში მომხდარი ინციდენტის გამო პატიმრობა მიესაჯა.
შეგახსენებთ, რომ 2 თებერვალს 19 წლის ფეხბურთელი „ფერარის“ მარკის ავტომობილით კლუბის ბაზის მახლობლად ხეს შეეჯახა.
პროკურორი 170 საათის განმავლობაში საზოგადოებისათვის სასარგებლო შრომის გაწევას მოითხოვდა, თუმცა სასამართლომ ნიანგი რამდენიმე პუნქტით სცნო დამნაშავედ (გადაჭარბებული სიჩქარე, ავტომობილის მართვის მოწმობის გარეშე ტარება, ფეხით მოსიარულეთა სიცოცხლისთვის საფრთხის შექმნა, შუქნიშანზე წითელი ფერის იგნორირება) და 18 თვით პატიმრობა მიუსაჯა.
მიმდინარე სეზონში ნიანგმა საფრანგეთის ჩემპიონატის 7 მატჩში მიიღო მონაწილეობა და სამი გოლი გაიტანა.
ბექა დოგრაშვილი
საქართველოს სარაგბო ნაკრების ლიდერმა მამუკა გორგოძემ საფრანგეთის ტოპ-14-ის განვლილ ტურში, „ბორდოსთან“ გამართულ მატჩში (28–23) ფეხის ტრავმა მიიღო და „ბორჯღალოსნებს“ ბელგიასთან გასამართ ერთა თასის შეხვედრაში ვერ დაეხმარება. გორგოძე ვერც მეორე ტურში, პორტუგალიასთან სტუმრად გასამართ მატჩში ვერ მიიღებს მონაწილეობას. მის ნაცვლად ნაკრებში გამოძახებულია თბილისის „ლოკომოტივის“ მესამეხაზელი გია ბერიშვილი.
ხვალ, 29 იანვარს „ბორჯღალოსნები“ 2014 წლის პირველ ღია ვარჯიშს შევარდენის სანაკრებო ბაზაზე გამართავენ, რომელიც 11:00 საათზე დაიწყება.
შეგახსენებთ, რომ ევროპის ერთა თასის 2014 წლის გათამაშების შეხვედრა საქართველოსა და ბელგიის ეროვნულ ნაკრებ გუნდებს შორის პირველ თებერვალს, ავჭალის სარაგბო სტადიონზე გაიმართება და ის 15:00 საათზე აიღებს სტარტს. მატჩზე დასასწრები ბილეთის ფასი 3 ლარს შეადგენს.
