“პარი სენ-ჟერმენის” მთავარმა მწვრთნელმა უარყო ინფორმაცია იმის შესახებ, რომ “ბარსელონას” მარჯვენაფლანგელი მცველი დანიელ ალვესი პარიზულ კლუბში გადავა.
“დანი ალვესი “პარი სენ-ჟერმენში” არ გადმოვა”, – ციტირებს ბლანის სიტყვებს beIN SPORTS-ი.
პრესაში გავრცელებული ინფორმაციით, ბრაზილიელ ფეხბურთელს პარიზულ კლუბთან სამწლიანი კონტრაქტი უნდა გაეფორმებინა, წელიწადში კი ჯამაგირის სახით 3 მილიონ ევროს მიიღებდა.
“მანჩესტერ იუნაიტედის” დამრიგებლის, ლუი ვან გაალის ინტერესთა სფეროში “ბარსელონას” მცველი დანი ალვესი მოხვდა. ინფორმაციას Daily Mail-ი ავრცელებს.
ჰოლანდიელი სპეციალისტი თვლის, რომ ალვესს გუნდისთვის მნიშვნელოვან ფიგურად შეუძლია ჩამოყალიბება.
შეგახსენებთ, რომ ალვესს კატალონიურ კლუბთან კონტრაქტი უმთავრდება. “ბარსელონას” მიერ შეთავაზებ ახალ, მოკლდევადიან კონტრაქტზე კი ბრაზილიელმა მოთამაშემ უარი თქვა.
Goal.com-ის ინფორმაციით, „ბარსელონას“ ხელმძღვანელობა მცველ დანი ალვესს ახალი კონტრაქტის დეტალების თაობაზე შეუთანხმდა.
რამდენიმე ჩაშლილი მოლაპარაკების შემდეგ, როგორც ჩანს, მხარეებმა შეთანხმება მაინც შეძლეს – წყაროს ინფორმაციით, ბრაზილიელმა კატალონიელებთან მოქმედი ხელშეკრულების გახანგრძლივება კიდევ ორი წლით გადაწყვიტა.
აქამდე ევროპული პრესა ბრაზილიელის „პარი სენ-ჟერმენში“ შესაძლო გადასვლის შესახებ წერდა.
ცნობისთვის, პრიმერა დივიზიონის მიმდინარე სეზონის გათამაშების 29 მატჩში ალვესმა 6 საგოლე გადაცემა მიითვალა.
“ბარსელონას” მცველმა დანიელ ალვესმა სოციალურ ქსელში უცნაური ფოტო გამოაქვეყნა. სურათზე ბრაზილიელი ფეხბურთელი შარვალჩახდილი დგას.
გუშინ ალვესის ყოფილმა მეუღლემ და აგენტმა განაცხადა, რომ ფეხბურთელმა “ბარსელონასთან” სამწლიანი კონტრაქტის გაფორმებაზე უარი თქვა.
ალვესმა სოციალურ ქსელში გამოქვეყნებულ ფოტოს წააწერა:
“ცხოვრება დიდი თამაშია, მე კი პატარა მოთამაშე ვარ”.
გავრცელებული ინფორმაციით, „ბარსელონას“ პრეზიდენტი ხოსეპ მარია ბარტომეუ მიმდინარე კვირას დანიელ ალვესს შეხვდება. ამის შესახებ ცნობას ესპანური პრესა ავრცელებს.
კლუბს უკვე ახლა სურს იმის გაგება, ითამაშებს თუ არა ბრაზილიელი გუნდში მომავალ სეზონში.
შეგახსენებთ, რომ აქამდე ბრაზილიელის სახელს „პარი სენ-ჟერმენს“ უკავშირებდნენ.
„ბარსელონას“ მცველის დანი ალვესის აგენტი დინორა სანტანა პარიზში ჩავიდა, სადაც „პარი სენ-ჟერმენის“ ხელძღვანელობასთან მოლაპარაკებას დაიწყებს.
ცნობისთვის, „ბარსასთან“ კოტნრაქტი ბრაზილიელს ზაფხულამდე აკავშირებს და მას მოლაპარაკება ნებისმერ სხვა კლუბთან შეუძლია.
„თუ „ბარსელონა“ დღეს დამირეკავს, შესაძლოა, უკვე გვინიც კი იყოს“, – განაცხადა აგენტმა.
„ბარსელონას“ მცველის დანი ალვესის აგენტის თქმით, მისი კლიენტი სხვა კლუბთან კონტრაქტის გაფორმებასთან ახლოსაა.
„სხვა კლუბთან კონტრაქტის გაფორმაბასთან ახლოს ვართ. მოლაპარაკება კარგად მიმდინარეობს. დანის „ბარსელონაში“ დარჩენა ჯერ კდიევ შეუძლია, მაგრამ კლუბის ხელმძღვანელობას ის დიდ ხანს ვერ დაელოდება. ამ სიტუაციაში ალვესის ცუდ ადამიანად გამოყვანას ცდილობენ, მაგრამ ეს ასე არ არის“, – განაცცხადა აგენტმა.
ცნობისთვის, „ბარსასთან“ კონტრაქტი ბრაზილიელს ზაფხულამდე აკავშირებს.
კატალონიური გამოცემა “მუნდო დეპორტივო” იუწყება, რომ “ბარსელონას” მცველი დანიელ ალვესი ზაფხულში კარიერას “პარი სენ-ჟერმენში” გააგრძელებს.
31 წლის ბრაზილიელ ფეხბურთელს “ბლაუგრანასთან” მოქმედი კონტრაქტის ვადა მიმდინარე წლის ივნისში ეწურება, შესაბამისად – ის პარიზულ კლუბს თავისუფალი აგენტის სტატუსით შეუერთდება. პრესაში გავრცელებული ინფორმაციის თანახმად, დანი ალვესის მიმართ ინტერესს “მანჩესტერ იუნაიტედიც” იჩენდა.
ალვესმა მიმდინარე სეზონში “ბარსელონას” ფორმით 26 მატჩი ჩაატარა და ოთხი საგოლე გადაცემა გააკეთა.
საფეხბურთო პორტალმა FTBPRO-მ დაასახელა ათი საუკეთესო ფეხბურთელი, რომელთა შეძენაც კლუბებს ზაფხულში უფასოდ შეეძლებათ.
10. ანდრე აიუ (“მარსელი”)
9. ემანუელ ადებაიორი (“ტოტენჰემი”)
8. ნაიჯელ დე იონგი (“მილანი”)
7. ანდრე პიერ-ჟინიაკი (“მარსელი”)
6. უინსტონ რიდი (“ვესტ ჰემი”)
5. გლენ ჯონსონი (“ლივერპული”)
4. ფაბიან შერი (“ბაზელი”)
3. რონ ვლაარი (“ასტონ ვილა”)
2. დანიელ ალვესი (“ბარსელონა”)
1. სამი ხედირა (“რეალი”)
„ბარსელონას“ მცველმა დანიელ ალვესმა ძირითად ჯგუფთან ერთად ვარჯიში დაიწყო.
სავარაუდოდ, კატალონიელთა სამწვრთნელო შტაბი ბრაზილიელს „ატლეტიკოსთან“ ესპანეთს თასის 1/4-ფინალურ მატჩში ათამაშებს. მიკროტრავმის გამო ალვესს გუშინწინანდელი ვარჯიშის გამოტოვება მოუწია.
სავარაუდოდ, „ატლეტიკოსთან“ ჩავიც ითამაშებს, რომელსაც კუნთის პრობლემა აწუხებდა.
თავის მხვრივ, ინდივიდუალური პროგრამით მუშაობას აგრძელებს ჟერემი მატიე, რომლის მადრიდელებთან თამაში კითხვის ნიშნის ქვეშაა.
Onda Cero-ს სცნობით, “ბარსელონას” ხელმძღვანელობა დანი ალვესს კონტრაქტს არ გაუხანგრძლივებს, რის გამოც ბრაზილიელი მცველი კტალონიას მიმდინარე სეზონის დასრულების შემდეგ დატოვებს.
დანი ალვესის წასვლის შემდეგ “ბარსელონაში” აქცენტის გაკეთებას მარკ ბარტრაზე და მარტინ მონტოიაზე აპირებენ.
მიმდინარე სეზონში პრიმერას 12 შეხვედრაში ალვესმა 2 საგოლე გადაცემის გაკეთება შეძლო.
გუშინ „ბარსელონამ“ „ხეტაფეს“ დამარცხება ვერ მოახერხა, მატჩის შემდეგ კი, დანი ალვესმა ტრავმა მიიღო.
სავარაუდოდ, ბრაზილიელი „უესკასთან“ ესპანეთის თასის მატჩს გამოტოვებს. გარდა ამისა, ალვესი, დიდი ალბათობით, ვერც „კორდოვასთან“ ითამაშებს.
მიმდიანრე სეზონში პრიმერაში დანიმ 12 მატჩი ჩაატარა და 2 შედეგიანი საგოლე გადაცემა მიითვალა.
