“ოკლაჰომა სიტის” კალათბურთელმა, სტივენ ადამსმა “დალას მავერიქსის” ქართველ ცენტრზე, ზაზა ფაჩულიაზე კომენტარი გააკეთა. 22 წლის ზელანდიელის თქმით, ქართველ კალათბურთელს დიდი თავი აქვს.
“დიახ, ის დიდი ბიჭია. გინახავთ მისი თავი? მართლაც ძალიან დიდი თავი აქვს. დამცინიან, თითქოს მე დიდი თავი მაქვს, მაგრამ…”, – აცხადებს ადამსი.
როგორც იცით, კატალონიის “ბარსელონას” სუპერვარსკვლავმა ლიონელ მესიმ ზაზა ფაჩულიას თავისი მაისური გაუგზავნა. ქართველმა კალათბურთელმა სოციალურ ქსელ Facebook-ში ამის დამადასტურებელი ფოტოც გამოაქვეყნა.
ამ ამბავს “დალას მავერიქსის” ლიდერი, გერმანელი დირკ ნოვიცკი გამოეხმაურა. ფაჩულიას თანაგუნდელმა გაიხუმრა და Twitter-ში ასეთი რამ დაწერა: “ტყუილია”.
— Dirk Nowitzki (@swish41) February 18, 2016
საქართველოს ეროვნული ნაკრებისა და “დალას მავერიქსის” კალათბურთელმა ზაზა ფაჩულიამ გუშინდელ მატჩში მომხდარ ინციდენტზე ისაუბრა.
მოგეხსენებათ, “სან ანტონიოსა” და “დალასს” შორის გამართული შეხვედრის მიმდინარეობისას, ერთ-ერთ ეპიზოდში ფაჩულიასა და უესტს შორის სიტუაცია დაიძაბა.
“უესტი და მე ვცდილობდით, რომ ჩვენს გუნდებს დავხმარებოდით. ის ბურთისთვის იბრძოდა, მე კი შეტევის მიმართულების შეცვლა გადავწყვიტე. სერიოზული არაფერი მომხდარა. ვფიქრობ, ამ ეპიზოდზე ბევრი ფიქრი საჭირო არ არის”, – თქვა ფაჩულიამ.
6 თებერვალს, NBA-ში ერთმანეთს ზაზა ფაჩულიას “დალასი” და “სან ანტონიო სპურსი” დაუპირისპირდნენ. შეხვედრა “სან ანტონიოს” გამარჯვებით, 116:90 დასრულდა.
მატჩის მეორე მეოთხედში, ქართველ კალათბურთელ ზაზა ფაჩულიასა და დევიდ უესტს შორის სიტუაცია დაიძაბა.
„დალას მავერიკსის“ ქართელმა ცენტრმა სეზონის 23-ე დუბლი მიითვალა. ზაზა ფაჩულიამ „მაიამის“ წინააღმდეგ დალასში გამართულ შეხვედრაში შედეგიანად ითამაშა, თუმცა დასანანია, რომ „მავერიკსმა“ შეხვედრა 3 ქულით – 90:93 დათმო.
ზაზამ თამაში სასტარტო ხუთეულში დაიწყო და მოედანზე 39 წუთი გაატარა. ქართველმა ცენტრმა 7 ცდიდან 4 ორქულიანი ჩააგდო, 5 საჯარიმოდან კი კალათში მხოლოდ 2 მოათავსა. ფაჩულიამ კარგად იმუშავა ფარქვეშ და 10 ქულასთან ერთად მატჩში უმეტესი 15 მოხსნა, 4 პასი და 1 ჩაჭრა მოაგროვა. ზაზას თანამებრძოლმა დირკ ნოვიცნიმ 35 წუთში 28 ქულა მოაგროვა, ჩანდლერ პერსონსის ანგარიშზე კი 12 ქულა დაგროვდა. ბოლო წამებზე დალასელებს შეეძლოთ გათანაბრება, მაგრამ რეიმონდ ფელტონის სამქულიანი კალათში არ ჩაეშვა.
28 მოგებითა და 24 მარცხით „დალასი“ დასავლეთ კონფერენციაში მე-6 ადგილზეა. მომდევნო მატჩი „მავერიკსს“ თანაშტატელ მძლავრ გუნდთან, „სან ანტონიოსთან“ ელის, რომელიც დალასში 6 თებერვალს გაიმართება.
GBF.GE
როგორც იცით, 22 იამვარს NBA-ს ყველა ვარსკვლავის მატჩის გამოკითხვის შედეგები გამოქვეყნდა. ყველასათვის მოულოდნელად, რეიტინგში ზაზა ფაჩულიამ დიდი პროგრესი განიცადა. ამან კი ამერიკელი გულშემატკივრებიც გააკვირვა.
“ხალხო, ზაზა ფაჩულია, საშუალოდ, ტიმ დანკანზე მეტ ქულასა და მოხსნას აგროვებს.”
People, ZaZa Pachulia is averaging more rebounds and points than Tim Duncan.
— Lance Roberson (@lance_972) January 22, 2016
“როგორ მოახერხა ზაზა ფაჩულიამ დრეიმონდ გრინზე მეტი ხმის მოგროვება?”
How does Zaza Pachulia end up with more all star votes than Draymond Green???? ???? — Mike Diaz (@mike_diaz37) January 22, 2016
“სიმართლე გითხრათ, ვფიქრობ, რომ ზაზა ფაჩულია სათადარიგოთა რიგებში მაინც უნდა მოხვდეს. “დალასში” მისი სტატისტიკა არ უნდა დააიგნორონ.”
@NorthsideEmoney Honestly I think Zaza Pachulia should be a reserve his stats on DAL are too good to ignore
— L² (@PanaMALAL2) January 22, 2016
“ზაზა ფაჩულია ყველა ვარსკვლავის მატჩზე აუცილებლად უნდა მოხვდეს.”
Zaza Pachulia might actually be an All-Star this season — vesky (@chrisves_) January 22, 2016
“ზაზა ფაჩულიას დრეიმონდ გრინსა და დემარკუს კაზინსზე მეტი ხმა აქვს. ცუდად ვარ.”
Zaza Pachulia had more votes than Draymond Green and DeMarcus Cousins. I’m sick.
— Logan Kirby (@lkirbyyy) January 22, 2016
“ხალხი გაბრაზებულია, თუმცა მე ვფიქრობ, რომ ზაზა ყველა ვარსკვლავის მატჩზე უნდა მოხვედრილიყო.”
@IanDougherty People are enraged about that being a possibility. Im the oposite. Pachulia in the all-star game would have been must watch TV
— Mauro Tardella (@MauWinterheart) January 22, 2016
დღეს, 22 იანვარს, სოციალურ ქსელ Twitter-ში NBA-ს ყველა ვარსკვლავის მატჩის ოფიციალურმა გვერდმა ოფიციალური შედეგები გამოაქვეყნა.
დასავლეთიდან, ყველა ვარსკვლავის მატჩის სასტარტო შემადგენლობაში ეს ხუთეული იქნება: კავაი ლეონარდი, რასელ ვესტბრუკი, კობი ბრაიანტი, სტეფ კარი, კევინ დურანტი.
რაც შეეხება ზაზა ფაჩულიას, მან 768 112 ხმა დააგროვა. ქართველ კალათბურთელს მესამე ადგილზე გასულმა კავაი ლეონარდსმა მხოლოდ 14 227 ხმით გაასწრო.
Here's the voting breakdown. Any surprises? pic.twitter.com/iqOWrfRVXK
— NBA on TNT (@NBAonTNT) January 22, 2016
Here are your West #NBAAllStarTO Starters pic.twitter.com/R9S5lzhNQT
— NBA on TNT (@NBAonTNT) January 22, 2016
შეგახსენებთ, რომ ყველა ვარსკვლავის მატჩი 14 თებერვალს გაიმართება.
ზაზა ფაჩულიას კიდევ ერთი გამორჩეული შედეგი. მართალია, „დალას მავერიკსის“ ქართველ ცენტრს ორმაგი დუბლი არ მიუთვლია, თუმცა „ბოსტონთან“ მატჩში 19 მოხსნა მოაგროვა, რაც ნებისმიერი მეფარისთვის ბრწყინვალე შედეგია.
„დალასი“ „ბოსტონ სელტიქსს“ მასპინძლობდა და შეხვედრა დაძაბულ, ოვერტაიმიან ბრძოლაში მოიგო – 118:113. ფაჩულიამ 36 წუთი ითამაშა და 5 ქულა, 19 მოხსნა და 2 პასი მიითვალა. ზაზამ 4-დან 1 ორქულიანი და 4-დან 3 საჯარიმო ჩააგდო, 1 სამიანი კი ააცილა. ზაზა სამიანებს არ ესვრის და ამჯერად საკუთარი მოედნიდან ტყორცნა მოუხდა, რადგან დრო იწურებოდა. ქართველ ცენტრს რომ ჩაეგდო, ოვერტაიმი აღარ ნაინიშნებოდა, მაგრამ… დალასელთაგან საუკეთესო შედეგი დირკ ნოვიცკიმ დააფიქსირა, რომელმაც 31 ქულა და 11 მოხსნა მიითვალა. 20 ქულა ჰქონდა დერონ უილიამსს, ხოლო 16 ჩანდლერ პერსონსს.
ფაჩულიას გუნდი დასავლეთ კონფერენციაში მეხუთე ადგილს „მემფისთან“ იყოფს. ორივე გუნდს 24 მოგება და 19 მარცხი აქვს. შემდეგ მატჩს დალასელები ისევ შინ, ჩვენი დროით 21 იანვრის გარიჟრაჟზე, „მინესოტასთან“ გამართავს.
GBF.GE
ინტერნეტ-სივრცეში საქართველოს ეროვნული ნაკრებისა და “დალას მავერიქსის” კალათბურთელის, ზაზა ფაჩულიას ქართველ რეპერ ბედინასთან ერთად ჩაწერილი რეპი გავრცელდა.
ალბათ, ბევრმა არ იცის, რომ თავის დროზე ზაზა ფაჩულიას გაურეპავს!ამ დროს ზაზა 20 წლის იყო…#NBAVOTE Zaza Pachulia
Posted by Fanebi.Com on Thursday, 14 January 2016
დღეს, 14 იანვარს, სოციალურ ქსელ Twitter-ში NBA-ს ყველა ვარსკვლავის მატჩის ოფიციალურმა გვერდმა აქამდე არსებული მონაცემები გამოაქვეყნა.
დღეს გამოქვეყნებული შედეგების მიხედვით, ზაზა ფაჩულია ისევ მე-8 პოზიციას იკავებს.
შეგახსენებთ, რომ ყველა ვარსკვლავის მატჩი 14 თებერვალს გაიმართება, ხოლო ხმის მიცემა 21 იანვარს შეწყდება.
Carmelo & Draymond hold slim leads for starting spots in third returns of #NBAAllStarTO Voting presented by @Verizon pic.twitter.com/1KdQVhrYy8
— 2016 NBA All-Star (@NBAAllStar) January 14, 2016
საქართველოს ეროვნული ნაკრებისა და “დალას მავერიქსის” კალათბურთელმა ზაზა ფაჩულიამ სოციალურ ქსელ Instagram-ში ვიდეო გამოაქვეყნა, რომელშიც ჩანს, თუ როგორ აგდებს მისი შვილი ბურთს კალათში.
პატარა კალათბურთელმა ბრწყინვალე 3-ქულიანი მამამისის თანაგუნდელის, უესლი მეთიუზის სტილში აღნიშნა.
როგორც იცით, 9 იანვარს, “მიულოუკი ბაქსის” გულშემატკივრების გარკვეული ნაწილი “დალას მავერიქსის” კალათბურთელის, ზაზა ფაჩულიას მისამართით უსიამოვნო შეძახილებს სკანდირებდნენ. ამ ფაქტს ქართველი კალათბურთელი სოციალურ ქსელ Twitter-ში გამოეხმაურა და ასეთი რამ დაწერა: “Squad 6″ ხართ თუ რაც ხართ, ბიჭებო, თქვენ კლასი გაკლიათ. იდიოტების გროვა ხართ.”
სულ მალე, ზაზას ამ განცხადებას მისი ყოფილი კლუბის, “მილოუკი ბაქსის” ოფიციალური გვერდი გამოემხაურა: “მილოუკში ჩვენ შენ გაფასებთ. ისინი ჩვენი ფანების ნაწილს არ წარმოადგენენ, მათი საქციელის გამო კი ბოდიშს გიხდით.”
