ვოიცეხ შესნი – Fanebi.Com – ფეხბურთი, კალათბურთი, რაგბი, სხვა

“ნაპოლი” შჩესნის 3-წლიან კონტრაქტს სთავაზობს

Posted on მაისი 25, 2017მაისი 26, 2017 by იაკობ კაპანაძე

იტალიური “რომასა” და ინგლისური “არსენალის” მეკარემ, ვოიცეხ შჩესნიმ ნეაპოლიტანური გრანდის ხელმძღვანელთა ყურადღებას მიიპყრო. ამ ინფორმაციას Sportitalia-ს რედაქციაც ადასტურებს.

როგორც იცით, “ნაპოლის” ამჟამინდელ მეკარეს, პეპე რეინას არც ისე კარგი ურთიერთობა აქვს კლუბის პრეზიდენტთან, აურელიო დე ლაურენტისთან და კლუბის დატოვებასაც აპირებს. დე ლაურენტისი კი შესნიში რეინას ბრწყინვალე შემცვლელს ხედავს.

აქვე გეტყვით იმასაც, რომ პოლონელი მეკარე კვლავ “არსენალის” კუთვნილებაში იმყოფება და მასსა და “მეთოფეთა” კლუბს შორის არსებულ კონტრაქტს ვადა 2018 წლის ივნისში ეწურება.

წყაროს ცნობით, “ნაპოლი” 27 წლის შესნის 3-წლიან კონტრაქტს სთავაზობს.

ვოიცეხ შესნი პრემიერ ლიგაში აპირებს დაბრუნებას

Posted on მაისი 8, 2017 by იაკობ კაპანაძე

ბრიტანულ პრესაში გავრცელებული ინფორმაციის მიხედვით, ლონდონის “არსენალის” კუთვნილებაში მყოფი პოლონელი მეკარე, ვოიცეხ შესნი პრემიერ ლიგაში აპირებს დაბრუნებას.

როგორც იცით, პეტრ ჩეხის მოსვლის შემდეგ, პოლონელი “რომაში” გაანათხოვრეს, სადაც მისი კარიერა არც ისე კარგად აეწყო და ახლა ყველაფრის გაკეთებას ცდილობს, რომ უკან დაბრუნდეს.

წყაროს ცნობით, “რომას” ახალმა დირექტორმა, მონჩიმ უკვე დაიწყო ახალი მეკარის ძიება.

ასე რომ, შესნი “არსენალს” უბრუნდება, სადაც პირველ მეკარედ ყოფნის გარანტია ნამდვილად არ ექნება. არის შანსი იმისა, რომ “მეთოფეებმა” 27 წლის მეკარე რომელიმე სხვა ბრიტანულ კლუბში გაანათხოვრონ.

“ნაპოლი” მზადაა, “არსენალს” შესნის სანაცვლოდ 10 მილიონი გადაუხადოს

Posted on აპრილი 20, 2017 by იაკობ კაპანაძე

იტალიურ პრესაში გავრცელებული ინფორმაციის მიხედვით, “ნაპოლის” ხელმძღვანელები აქტიურად მუშაობენ ვოიცეხ შესნის ტრანსფერზე.

როგორც ცნობილი ხდება, ნეაპოლელები მზად არიან, 10 მილიონი ევრო გადაუხადონ “არსენალს” შესნის სანაცვლოდ, რომელიც ამჟამად “რომაშია” განათხოვრებული.

“ნაპოლი” ალტერნატივად ალექს მერეტისა და მატია პერინის ტრანსფერებსაც განიხილავს.

აქვე გეტყვით იმასაც, რომ “ჯალაროსის” ხელმძღვანელები დიდად კმაყოფილები არ არიან პოლონელი მეკარის თამაშით და მის სანაცვლოდ 10 მილიონის გადახდას არ აპირებენ. ასე რომ, “ნაპოლის” მისი გადაბირების საკმაოდ კარგი შანსი აქვს.

შესნი: “სპალეტიმ 4 თვეში უფრო მეტი მასწავლა, ვიდრე ვენგერმა მთელი 10 წლის მანძილზე”

Posted on მაისი 21, 2016 by იაკობ კაპანაძე

ვოიცეხ შესნი თვლის, რომ მისთვის ლუჩიანო სპალეტისთან არსებული 4-თვიანი თანამშრომლობა უფრო სასარგებლო იყო, ვიდრე ვენგერთან გატარებული 10 წელი.

“სპალეტმა 4 თვეში უფრო მეტი რამ მასწავლა, ვიდრე ინგლისში 10 წლის მანძილზე ვისწავლე.”

როგორც იცით, პოლონელ მეკარეს ჯერ კიდევ აკავშირებს კონტრაქტი “მეთოფეებთან”, თუმცა ის თვლის, რომ მისთვის უკეთესი იქნება, თუ კარიერას რომში გააგრძელებს.

“კარგად ვიცი, თუ სად ვითამაშებ მომავალ სეზონში, თუმცა ამის თქმას არ ვაპირებ.

თუ რომში დავრჩები, ეს ჩემს პროგრესს გამოიწვევს და თუ ლონდონში დავბრუნდები შევძლებ მიღებული გამოცდილების გამოყენებას.”

შესნის მომავალი ევროპის ჩემპიონატის შემდეგ გაირკვევა

Posted on ნოემბერი 13, 2015 by Alix

„რომას“ მეკარემ ვოიცეხ შესნიმ, რომლის სატრანსფერო უფლებები ლონდონის „არსენალს“ ეკუთვნის, თავისი მომავალის შესახებ ისაუბრა.

„ჩემი ბედი ევროპის ჩემპიონატის შემდეგ გადაწყდება. „არსენალი“ მიყვარს, მაგრამ „რომაშიც“ ბედნიერი ვარ. არ ვიცი, ვჭირდები თუ არა „რომას“, თუმცა „არსენალში“ დაბრუნებაში პრობლემას ვერ ვხედავ. „მეთიოფეების“ დატოვება გამიჭირდა, ამ გადაწყვეტილების მღება მძიმე იყო. სხვა ინგლისურ კლუბში საკუთარ თავს ვერ ვხედავ“, – ციტირებს შესნის „სქაი სპორტსი“.

შესნი: „იდიოტი არ ვარ“

Posted on ნოემბერი 7, 2015 by Alix

„რომას“ მეკარემ ვოიცეხ შესნიმ, რომლის სატრანსფერო უფლებები „არსენალს“ ეკუთვნის, აღიარა, რომ „მეთოფეთა“ თავკაცის არსენ ენგერის ადგილას „ჩელსის“ მეკარეს პეტრ ჩეხს ისიც დაიმატებდა.

„მე ხომ იდიოტი არ ვარ – თუ კლუბი მსოფლიოს ერთ-ერთ საუკეთესო მეკარეს ყიდულობს, გასაგებია, რომ ეს ტრანსფერი სათადარიგოთა სკამის გასაძლიერებლად არ ორგანიზდება. რა თქმა უნდა, „არსენალში“ დარჩენა და ჩეხთან ადგილისთვის ბრძოლა მსურდა, მაგრამ ვენგერთან საუბრის შემდეგ მივხდი, რომ ახალი სამუშაო ადგილის ძებნა დამჭირდება.

უნდა ეყიდა თუ არა ვენგერს ჩეხი? ხუმრობთ? მან მსოფლიოს ერთ-ერთი საუკეთესო გოლკიპერი ძალიან დაბალ ფასად დაიმატა. თუ კრიშტიანუ რონალდუს დაბალ ფასად შემოგთავაზებენ, წინადადებას თქვენც დათანხმდებოდით. მწვრთნელი გუნდზე უნდა ფიქრობდეს“, – ციტირებს ფეხბურთელს „Futbolfejs“-ი.

„რომა“ შესნისთან კონტრაქტის გასაფორმებლად მზადაა

Posted on ივლისი 21, 2015 by Alix

თუ გამოცემა „Il Tempo“-ს დავუჯერებთ, „რომას“ ხელმძღვანელობა ლონდონის „არსენალის“ მეკარესთან ვოიცეხ შესნისთან კონტრაქტის გასაფორმებლად მზადაა.

წყაროს ცნობით, რომალელებმა პოლონელ მეკარეს კონტრაქტის დეტალების შესახებ უკვე შეუთანხმდნენ და ახლა ტრანსფერს „არსენალთან“ განიხილავენ.

25 წლის შესნიმ გასულ სეზონში ძირითად შემადგენლობაში ადგილი დავიდ ოსპინას დაუთმო. მოახლოებულ სეზონში მას თამაში, დიდი ალბათობით, ასევე არ მოუწევს, რამეთუ „მეთოფეებმა“ პეტერ ჩეხი დაიმატეს.

შესნი „არსენალში“ 2010 წლიდან თამაშობს. პოლონეთის ნაკრებში მას 23 მატჩი აქვს ჩატარებული.

შესნი „არსენალიდან“ წასვლას არ აპირებს

Posted on ივნისი 28, 2015 by Alix

ლონდონის „არსენალის“ მთავარი მწვრთნელი არსენ ვენგერი მეკარე ვოიჩეხ შესნის შეხვდა.

საუბრის დროს მხარეებმა პეტრ ჩეხის შესაძლო ტრანსფერი განიხილეს, რომელიც „მეთოფეთა“ ძირითადი მეკარე იქნება. ასე რომ, სურვილი შემთხვევაში, პოლონელ კიპერს ახალი კლუბის ძებნა მოუწევს.

თუმცა, შესნიმ „არსენალიდან“ წასვლა იუარა და ვენგერს უამბო, რომ შემდეგ სეზონში ძირითად შემადგენლობაში ადგილისთვის ბრძოლას აპირებს.

შეგახსენებთ, რომ გასული სეზონის მეორე ნაწილში 25 წლის მეკარემ ძირითად შემადგენლობაში ადგილი უკვე დაკარგა.

ვენგერი: „არსენალს“ სამი უმაღლესი დონის მეკარე ჰყავს“

Posted on თებერვალი 3, 2015 by Alix

ლონდონის „არსენალის“ მთავარმა მწვრთნელმა არსენ ვენგერმა თავისი გუნდის მეკარეები შეაფასა.

„ოსპინას ადაპტაციისთვის დრო სჭირდებოდა, რადგან, როდესაც იგი ჩვენთან მოვიდა, მას ტრავმა ჰქონდა. ამ დროში დავიდმა აჩვენა, თუ რამდენად კარგი მეკარეა. ამჟამად იგი შჩესნისთან ერთად ძირითად შემადგენლობაში მოხვედრისთვის იბრძვის. ვოიცეხი ნომერ პირველი მეკარეა, თუმცა ბოლო დროს ოსპინას ვათამაშებთ. გააგრძელებს თუ არა იგი შემადგენლობაში მოხვედრას? ამასთან დაკავშირებით რამეს მოვიფიქრებთ. ასევე მარტინესის შესახებ არ გვავიწყდება – მასაც მაღალი დონის მეკარედ ვაფასებთ. გუნდში სამი უმაღლესი დონის გოლკიპერი გვყავს“, – განაცხადა ფრანგმა სპეციალისტმა.

ლევანდოვსკი: „შესნის ჩემი „არსენალში“ ნახვა სურდა“

Posted on თებერვალი 5, 2014 by Alix

დორტმუნდის „ბორუსიას“ თავდამსხმელმა რობერტ ლევანდოვსკიმ აღიარა, რომ მისი თანამემამულე ვოიცეხ შესნი მას ლონდონის „არსენალში“ გადასვლას სთავაზობდა.

„აღნიშნულ თემაზე რამდენიმეჯერ ვისაუბრეთ. ძირითადად, იგი კლუბზე, მის ცხოვრებასა და არსენ ვენგერზე მიყვებოდა. გარდა ამისა, ჩვენს ვარჯიშს არაერთხელ „მეთოფეთა“ წარმომადგენლებიც დაესწრნენ“, – განაცხადა ლევანდოვსკიმ.

ალექსანდრე მატევოსოვი