ამერიკისა და კანადის ერთობლივი საფეხბურთო ლიგის (MLS) რჩეული ფეხბურთელებისგან შემდგარი გუნდი წელს ტურინის “იუვენტუსს” დაუპირისპირდება. მატჩი ზაფხულში “მერსედეს ბენც სტედიუმზე” გაიმართება.
როგორც იცით, მსგავსი ტიპის თამაშებს ყოველწლიური დატვირთვა აქვს და ამერიკული ლიგის მესვეურები მუდამ განსხვავებულ კლუბებს ირჩევენ. გასულ წელს მათი მეტოქე “რეალი” გახლდათ, მანამდე კი – “არსენალი”.
“მივესალმებით “იუვენტუსს” – ერთ-ერთ ყველაზე ცნობილ კლუბს – როგორც ჩვენს მეტოქეებად 2018 წლის MLS “ოლ-სტარ” მატჩში. წელს ჩვენს რჩეულ ნაკრებს უდიდესი ისტორიის მქონე კლუბის წინააღმდეგ მოუწევს თამაში,” – აცხადებს MLS-ის უფროსი, დონ გარბერი.
