მადრიდის “რეალის” და ბრაზილიის ნაკრების ყოფილმა მცველმა რობერტო კარლოსმა ბუნდესლიგის გუნდის გაწვრთნის სურვილი გამოთქვა. ამჯამად კარლოსი თურქული “სივასპორიტს” მთავარი მწვრთნელია.
“ბუნდესლიგა ძალიან მომხიბვლელი ჩემპიონატია. გვარდიოლა გერმანიაში მხოლოდ კარგი ლუდის გამო არ წავიდოდა. შესაძლაო, მე პირველი ბრაზილიელი გავხდე, რომელიც ბუნდესლიგის ბინადარ გუნდს ჩაიბარებს” – განაცხადა რობერტო კარლოსმა, რომლის გაწვრთნილი “სივასპორი” თურქეთის ჩემპიონატში მეხუთე პოზიციაზე იმყოფება.
ბრაზილიის ეროვნული ნაკრების ყოფილმა მცველმა რობერტო კარლოსმა „მილანის“ მთავარი მწვრთნელის, კლარენს ზეედორფის პერსპექტივები შეაფასა. ბრაზილიელის თქმით, ზეედორფისგან მშვენიერი სპეციალისტი დადგება.
„ეჭვიც არ მეპარება, რომ ზეედორფი გაიზრდება და მისგან შესანიშავი მწვრთნელი დადგება. მოედანზე ის ყოველთვის ლიდერი იყო, ფეხბურთს მიღმა მისგან ბევრ რამეს ვსწავლობდი.
კაკამ მითხრა, რომ კლარენსს ფეხბურთელებთან ძალიან კარგი ურთიერთობა აქვს. ეს მანამდეც ვიცოდი. ზეედორფს ყოველთვის შეეძლო, მის გარშემო კარგი ატმოსფერო შეექმნა, რაც არც მუშაობას უშლის ხელს და თან საქმეც იოლდება“, – კარლოსის სიტყვები იტალიურმა გამოცემა „ლა გაძეტა დელო სპორტმა“ გამოაქვეყნა.
ბექა დოგრაშვილი
