“მანჩესტერ იუნაიტედის” მთავარი მწვრთნელი დევიდ მოიესი “გლადბახი” – “ბაიერნის” მატჩს დაესწრო, რომელიც ბუნდელსიგი მეთვრამეტე ტურის ფარგლებში დღეს გაიმართა. ჯერ-ჯერობით უცნობია, რას უკავშირდებოდა მანჩსტერული კლუბის მწვრთნელის გერმანული ვოიაჟი.
შეხვედრა “ბაიერნის” გამარჯვებით დასრულდა – 2:0. გოლები გიოტცემ და მიულერმა გაიტანეს.
“მანჩესტერის” მთავარმა მწვრთნელმა დევიდ მოიესმა განაცხადა, რომ მიუხედავად “არსენალთან” 14 ქულიანი ჩამორჩენისა, მისმა გუნდმა სწორედ ტიტულისთვის უნდა გააგრძელოს ბრძოლა. არსანიშნავია, რომ პირველ რვა ადგილზე მყოფ გუნდებთან გამართულ 9 შეხვედრაში “მანჩესტერმა” მხოლოდ 5 ქულის მოპოვება შესძლო.
“მანჩესტერი არ უნდა დანებდეს. ჩვენ ტიტულისთვის უნდა ვიბრძოლოთ. მიზანი პირველობაა და ამისათვის ყველაფერს გავაკეთებთ” – განაცხადა მოიესმა.
“მანჩესტერ იუნაიტედის” მთავარმა მწვრთნელმა დევიდ მოიესმა განაცხადა, რომ მასა და უილფრიდ ზაჰას სორის კონფლიქტს ადგილი არ ჰქონია. რამოდენიმე დღის წინ გავრცელებული ინფორმაციით, 21 წლის ფორვარდი უკმაყოფილოა. ზაჰა იჯარის წესით სხვა კლუბში ითხოვდა გაშვებას. მიმდინარე სეზონში ახალგაზრდა მოთამაშემ მხოლოდ 2 შეხვედრაში მიიღო მონაწილეობა.
“ზაჰას ვუთხარი, რომ იჯარით მხოლოდ იმ შემთხვევაში გავუშვებ, თუ მას თამაშის შანსი არ ექნება. მაგრამ, ტრავმებმა ძალიან შეგვაწუხეს და ზაჰაც აუცილებლად გვჭირდება.
კონფლიქტი ჩვენს შორის ნამდვილად არ ყოფილა. ვარჯიშზე მხოლოდ 30 წამი ვისაუბრეთ” – განაცხადა მოიესმა.
ტურისინის “იუვენტუსის” მთავარმა მწვრთნელმა ანტონიო კონტემ “კალიარისთან” მატჩის შესახებ ჟურნალისტებს ესაუბრა. ტურინელებმა მეტოქე 4:1 დაამარცხეს.
“მარკიზიო ჩვენთვის ძალიან მნიშვნელოვანი მოთამაშეა. მართალია ბოლოს დროს ხშირად უწევს სათადარიგოთა სკამზე ყოფნა, მაგრამ ის ნამდვილი პროფესიონალია და ამას გაგებით ეკიდება. დღეს ალბათ დარწმუნდით, რომ კლაუდიო შესანიშნავ ფორმაშია.
პირლო ტრავმის შემდეგ ახალი გამოჯანმრთელებულია და ბუნებრივია, რომ სტაბილურობა აკლია. საბედნიეროდ გუნდში მყავს ისეთი ფეხბურთელები, ვისაც სიტუაციის გამოსწორება ნებისმიერ დროს შეუძლიათ” – განაცხადა კონტემ.
აღსანიშნავია, რომ მატჩს “მანჩესტერის” მთავარი მწვრთნელი, დევიდ მოიესი ესწრებოდა, რომელიც მარკიზიოს თამაშს აკვირდება.
“მანჩესტერ იუნაიტედის” მთავარმა მწვრთნელმა დევიდ მოიესმა “სუონსი” წინააღმდეგ ჩატარებული მატჩის (2:0) შემდეგ გამართულ პრესკონფერენციაზე საკუთარი გუნდი შეაქო და ახალგაზრდა ადნან იანუზაის თამაში აღნიშნა.
“ძალიან კარგი შეხვედრა ჩავატარეთ და გულშემატკივარმაც სიამოვნება მიიღო. მათ მხარდაჭერას მთელი მატჩის განმავლობაში ვგრძნობდით.
პირველი ათი წუთი ვდომინირებით, მაგრამ “სუონსიმ” მალე აუღო ალღო ჩვენს თამაშს, თუმცა მეორე ტაიმში ყველაფერი თავის ადგილზე დადგა.
ცალკე მინდა ავღნიშნო ადნან იანუზაის თამაში. მეორე ნახევარში კაგავამ ნახევარდაცვას მეტი სიმტკიცე შესძინა, რითაც შესანიშნავად ისარგებლა იანუზაიმ და შექმნილი თავისუფალი ზონები ძალიან გონიერად გამოიყენა. “მანჩესტერი” მისთვის იდეალური კლუბია” – განაცხადა მოიესმა.
“მანჩესტერ იუნაიტედის” მთავარმა მწვრთნელმა, დევიდ მოიესმა რუნის კონტრაქტის შესახებ კომენტარი გააკეთა. მოიესის განცხადებით, თუ მანჩესტერული კლუბი ოთხეულს მიღმა დაასრულებს ჩემპიონატს, დიდი შანსია, რომ რუნიმ “ოლდ ტრაფორდი” დატოვოს. შეგახსენებთ, 20 ტურის შემდეგ “მანჩესტერ იუნაიტედი” მეშვიდე პოზიციაზეა.
“მოსალოდნელია, რომ ოთხეულში ვერ მოხვედრის შემთხვევაში, რუნიმ ახალი კონტრაქტი არ გააფორმოს. მიმდინარე სეზონში ის თავს არ ზოგავს და მაქსიმუმ აკეთებს კლუბისათვის. რუნის პახი ტრავმის გამო “სანდერლენდთან” სათასო დაპირისპირებას გამოტოვებს” – განაცხადა მოიესმა.
“მანჩესტერ იუნაიტედის” მთავარმა მწვრთნელმა დევიდ მოიესი თვლის, რომ მისი გუნდის 18 წლის ნახევარმცველ ადნან იანუზაის დიდი მომავალი აქვს. შეგახსენებთ, რომ იანუზაიმ მიმდინარე სეზონში დაიწყო ძირითადში თამაში და საკმაოდ წარმატებულადაც ასპარეზობს.
“ის ძალიან ნიჭერია და ეჭვიც არ შეგეპაროთ, რომ მალე ინგლისში ერთ-ერთი საუკეთესო ფეხბურთელი იქნება. მახსოვს, როდესაც აქ კრიშტიანუ რონალდუ აღმოჩნდა, ბევრი მასზეც ეგრე ლაპარაკობდა. იანუზაის რონალდუს არ ვადარებ, მაგრამ ის ჯერ 18 წლის არის და უკვე ძალიან დიდი პროგრესი აქვს” – განაცხადა მოიესმა.
“მანჩესტერ იუნაიტედის” მთავარი მწვრთნელი, დევიდ მოიესი აცხადებს, რომ მისი გუნდი ინგლისის პრემიერ ლიგის მოგებისათვის იბრძოლებს.
26 დეკემბერს, “მანჩესტერ იუნაიტედი” “ჰალ სიტის” ესტუმრა. თავდაპირველად, მოიესის შეგირდები ორბურთიანი სხვაობით მარცხდებოდნენ, თუმცა მათ მატჩის შემოტრიალება მაინც მოახერხეს და მეტოქე ანგარიშით 3:2 დაამარცხეს.
“სასიხარულოა, რომ მატჩის ბედის შემოტრიალება შევძელით. ჩემპიონატის დასრულებამდე დიდი დროა, ამრიგად ჩვენ ტიტულის მოგებისათვის აუცილებლად ვიბრძოლებთ”, – ამბობს მოიესი.
შეგახსენებთ, რომ ამჟამად, მანჩესტერელები პრემიერ ლიგის ცხრილში, 31 ქულით, მეშვიდე პოზიციას იკავებენ.
ბრაზილიურმა სპორტული ბიზნესის კომპანია Pluri Consultoria-მ ყველაზე მაღალანაზღაურებად მწვრთნელთა სია გამოაქვეყნა.
სიაში პირველ ადგილს მიუნხენის “ბაიერნის” თავკაცი ხოსეპ გვარდიოლა იკავებს. ესპანელი სპეციალისტი ბავარიული კლუბისგან, წელიწადში, ხელფასის სახით 17 მილიონ ევროს იღებს.
მეორე პოზიციას იკავებს ლონდონის “ჩელსის” მთავარი მწვრთნელი, ჟოზე მოურინიო, რომელსაც ინგლისურ კლუბში 10 მილიონ ევროს უხდიან.
გთავაზობთ ყველაზე მაღალანაზღაურებად მწვრთნელთა ათეულს:
1. პეპ გვარდიოლა (მიუნხენის “ბაიერნი”) – 17 მილიონი.
2. ჟოზე მოურინიო (ლონდონის “ჩელსი”) – 10 მილიონი.
3. მარჩელო ლიპი (“გუანჟოუ ევერგრანდი”) – 10 მილიონი.
4. არსენ ვენგერი (ლონდონის “არსენალი”) – 8.2 მილიონი.
5. ფაბიო კაპელო (რუსეთის ნაკრები) – 7.8 მილიონი.
6. კარლო ანჩელოტი (მადრიდის “რეალი”) – 7.5 მილიონი.
7. დევიდ მოიესი (“მანჩესტერ იუნაიტედი”) – 5.9 მილიონი.
8. ხერარდო მარტინო (კატალონიის “ბარსელონა”) – 5.4 მილიონი.
9. იურგენ კლოპი (დორტმუნდის “ბორუსია”) – 4.3 მილიონი.
10. მანუელ პელეგრინი (“მანჩესტერ სიტი”) – 4.1 მილიონი.
დიტო ჭიჭინაძე
“მანჩესტერ იუნაიტედის” მთავარი მწვრთნელი, დევი მოიესი დონეცკის “შახტარის” 23 წლის ნახევარმცველით, ალექს ტეიშეირას გადაბირებით არის დაინტერესებული. თუმცა, ეს ტრანსფერი მხოლოდ იმ შემთხვევაში განხორციელდება, თუ მანჩესტერმა “რომადან” კანადელი კევინ სტოტმანის წამოყვანა ვერ შესძლეს. ამის შესახებ ინგლისური პრესა იუწყება, თანაც იმასაც აღნიშნავს, რომ ბრაზილიელმა ძალიან კარგი მატჩი ჩაატარა ჩემპიონათა ლიგის უკანასკნელ ტურში “მანჩესტერს” წინააღმდეგ.
ტეიშეირას სატრანსფერო ფასი 25 მილიონ გირვანქას შეადგენს. მიმდინარე სეზონში ბრაზილიელმა 17 მატჩში მიიღო მონაწილეობა და 4 გატანილ გოლს 1 საგოლე გადაცემაც მიამატა.
