ჩემპიონთა ლიგის ჯგუფური ეტაპის პირველ ტურში ბერძნულმა “ოლიმპიაკოსმა” მადრიდის “ატლეტიკო” მიღო და მეტოქე ანგარიშით 3:2 დაამარცხა.
“ოლიმპიაკოსი” 3-2 “ატლეტიკო”
გოლები: მასუაკუ 13′, აფელაი 31′, მიტროღლუ 73′ — მანჯუკიჩი 38′, გრიზმანი 86′.
ჭდე: Olympiakos Piraeus
„ოლიმპიაკოსი“ საბერძნეთის ჩემპიონია
„ოლიმპიაკოსი“ ჩემპიონთა ლიგის მერვედფინალურ ეტაპზე „მანჩესტერ იუნაიტედთან“ განმეორებით გასამართ მატჩს მშვენიერი განწყობით ხვდება. გუნდი საბერძნეთის ჩემპიონი ისტორიაში 41-ედ გახდა.
„წითელ-თეთრებმა“ საბერძნეთის სუპერლიგის 29-ე ტურში „პანათინაიკოსი“ მიიღეს და დაუძინებელი მეტოქე ანგარიშით 2:0 დაამარცხეს, რითაც სეზონის დასრულებამდე ხუთი ტურით ადრე ჩემპიონობა გაინაღდეს.
მოიესი: „ეს ევროპაში ჩატარებული ჩვენი ყველაზე ცუდი მატჩი იყო“
უეფას ჩემპიონთა ლიგის მერვედფინალური ეტაპზე „მანჩესტერ იუნაიტედი“ პირეოსში „ოლიმპიაკოსს“ ეწვია და ანგარიშით 0:2 დამარცხდა. მატჩის შემდეგ „წითელი ეშმაკების“ მთავარმა მწვრთნელმა დევიდ მოიესმა განაცხადა, რომ ევროსარბიელზე ეს მისი გუნდის ყველაზე ცუდი შეხვედრა იყო.
„ეს ევროპაში ჩვენი ყველაზე ცუდი გამოსვლა იყო. არაფერს არ ვიმსახურებთ. გაკვირვებული ვარ. ვერ ვხედავ, რომ ჩვენი თამაშის დონე იზრდებოდეს. მატჩს კარგ ფორმაში და კარგი განწყობით შევხვდით, მაგრამ ვერაფერი ვერ გავაკეთეთ. სრულ პასუხისმგებლობას საკუთარ თავზე ვიღებ. უკეთ უნდა გვეთამაშა, ჩვენ ეს შეგვიძლია.
ერთადერთი კარგი რამ არის ის, რომ განმეორებითი მატჩი იქნება. „ოლდ ტრაფორდზე“ გასამართ შეხვედრას დიდი იმედით ველოდები“, – მოიესის სიტყვები „სქაი სპორტსმა“ გამოაქვეყნა.
„მანჩესტერ იუნაიტედსა“ და „ოლიმპიაკოსს“ შორის განმეორებითი მატჩი 19 მარტს შედგება.
ბექა დოგრაშვილი
მოიესის „მანჩესტერ იუნაიტედი“ საბერძნეთში დაეცა
უეფას ჩემპიონთა ლიგის მერვედფინალური ეტაპის მატჩში ბერძნულმა „ოლიმპიაკოსმა“ პირეოსში „მანჩესტერ იუნაიტედი“ მიიღო და მეტოქე ანგარიშით 2:0 დაამარცხა. მატჩისწინა პრესკონფერენციაზე „წითელი ეშმაკების“ მთავარმა მწვრთნელმა დევიდ მოიესმა კი თქვა, საბერძნეთში რთული შეხვედრა გველისო, მაგრამ ინგლისელთა ასეთ უსუსურ თამაშს, ალბათ, ცოტა თუ წარმოიდგენდა. სტუმრებმა მთელი შეხვედრის განმავლობაში მხოლოდ 3-ჯერ დაარტყეს მასპინძელთა კარში, შექმნეს ერთი რეალური მომენტი, რომელიც რობინ ვან პერსიმ ქარს გაატანა. საოცრად მოტივირებული ბერძნების ფონზე, მოიესის გუნდი სრულიად დემორალიზებული გამოიყურებოდა.
ანგარიში მატჩის 38-ე წუთზე ალეხანდრო დომინგესმა გაიტანა, რომელმაც იანის მანიატისის დარტყმის შემდეგ ბურთს მიმართულება შეუცვალა, რაზეც დავიდ დე ხეამ რეაგირება ვეღარ მოასწრო.
მასპინძელთა უპირატესონა 55-ე წუთზე ჯოელ კემპბელმა შორეული ლამაზი დარტყმით განამტკიცა.
ამრიგად, „მანჩესტერ იუნაიტედი“ მიმდინარე გათამაშების მერვედფინალურ სტადიაზე პირველი სტუმარი გუნდია, რომელიც დამარცხდა. ინგლისელებმა ტურნირის მეოთხედფინალამდე მიმავალი გზა მნიშვნელოვნად გაიმრუდეს, თუმცა საქმის გამოსწორება „წითელ ეშმაკებს“„ოლდ ტრაფორდზე“, 19 მარტს შეეძლებათ.
უეფას ჩემპიონთა ლიგა
მერვედფინალი (პირველი მატჩი)
„ოლიმპიაკოსი“ – „მანჩესტერ იუნაიტედი“ 2:0 (1:0)
„ოლიმპიაკოსი“: რობერტო ხიმენესი, ოლებასი, მარკანო, მანიატისი, მანოლასი, პერესი (ვალდესი 86′), ნდინგა, ლეანდრო სალინო, ოლაიტანი, დომინგესი (პაულუ მაშადუ 76′), კემპბელი (ფუსტერი 67′).
მთავარი მწვრთნელი: მიჩელი.
„მანჩესტერ იუნაიტედი“: დე ხეა, ფერდინანდი, ვიდიჩი, ევრა, სმოლინგი, კერიკი, ვალენსია (უელბეკი 60′), იანგი, კლევერლი (კაგავა 60′), ვან პერსი, რუნი.
მთავარი მწვრთნელი: დევიდ მოიესი.
გოლები: დომინგესი 38′, კემპბელი 55′.
გაფრთხილებები: ევრა 3′, ფერდინანდი 90′.
მთავარი მსაჯი: ჯანლუკა როკი (იტალია).
ბექა დოგრაშვილი
მოიესი: „ოლიმპიაკოსთან“ რთული მატჩი გველის“
დღეს უეფას ჩემპიონთა ლიგის მერვედფინალური ეტაპი განახლდება. პირეოსში ბერძნული „ოლიმპიაკოსი“ „მანჩესტერ იუნაიტედს“ მიიღებს. მატჩისწინა პრესკონფერენციაზე „წითელი ეშმაკების“ მთავარმა მწვრთნელმა დევიდ მოიესმა განაცხადა, რომ მის გუნდს ბერძნებთან მძიმე შეხვედრა ელის.
„ამ თამაშებისგან დიდ სიამოვნებას ვიღებ. ამიტომ, დამდეგ მატჩსაც მოუთმენლად ველოდები. ჯგუფში დაკავებულმა პირველმა ადგილმა უპირატესობა მოგვცა, თუმცა „ოლიმპიაკოსთან“ მძიმე შეხვედრა გველის. მომდევნო ეტაპზე გასასვლელად კარგი თამაში გვმართებს. ყველანაირი შესაძლებლობა გვაქვს, რომ ჩემპიონთა ლიგის თასისთვის ვიბრძოლოთ, თუმცა ჯერ ამ დაპირისპირებაში უნდა გავიმარჯვოთ.
უეინ რუნი და რობინ ვან პერსი კარგ ფორმაში არიან. ისინი მნიშვნელოვან მატჩებშიც იტანენ გოლებს. როდესაც ეს ფეხბურთელები თამაშობენ, მთლიანი გუნდი უკეთ გამოიყურება. „ოლიმპიაკოსმა“ მშვენივრად ითამაშა „პარი სენ-ჟერმენთან“ და „ბენფიკასთან“. ბერძნები რთული ჯგუფიდან გავიდნენ. ასე რომ, რთული დაპირისპირება გველის“, – ციტირებს მოიესის სიტყვებს უეფას ოფიციალური ვებ-გვერდი.
მატჩი „ოლიმპიაკოსსა“ და „მანჩესტერ იუნაიტედს“ შორის დღეს, ჩვენი დროით 23:45 საათზე დაიწყება და მას იტალიელი არბიტრი ჯანლუკა როკი მოემსახურება.
ბექა დოგრაშვილი