ჭდე: ლაციო

რომის “ლაციოს” ფანებმა პროტესტი სერია ა-ში ვიდეოგამეორებების დანერგვის მიმართ საჯაროდ გამოხატეს. ფანები იტალიის ფეხბურთის ფედერაციის შენობის წინ შეიკრიბნენ სპეციალურ პლაკატებთან ერთად.

აქცია “ლაციოსა” და “ბოლონიას” შორის გამართული მატჩის დაწყებამდე მიმდინარეობდა და ფანები ბოიკოტს თამაშის პირველი 15 წუთის მანძილზეც აცხადებდნენ.

ვიდეოგამეორებების მიზანი ფეხბურთში მსაჯის მიერ დაშვებული შეცდომების გამოსწორება უნდა ყოფილიყო, თუმცა ნაცვლად ამისა, თავად ამ სისტემადაც არაერთხელ იქონია უსამართლო გავლენა მატჩზე. უმეტეს შემთხვევაში ეს “ლაციოს” წინააღმდეგ აისახა.

“ჯენოასთან” მოგებული მატჩის შემდეგ, სერია ა-ს სატურნირო ცხრილში მეოთხე ადგილზე მყოფი “ლაციოს” ლიდერი, ჩირო იმობილე (6 გოლი ოთხ მატჩში) პრესასთან საუბრობს.

“ჩვენთვის მთავარი შედეგია. “ჯენოამ” სეზონი ცუდად დაიწყო, აქიდან გამომდინარე ამ მატჩს ძალიან მოტივირებულები და მონდომებულები შეხვდნენ. ცუდია, ორი გოლი რომ გავუშვით. ვეცდებით ხარვეზები აღმოვაჩინოთ და უახლოეს პერიოდში აღმოვფრხვათ ისინი.

სეზონი ასე კარგად ჯერ არასდროს არ დამიწყია. გასულ წელს ძალიან ბევრს ვმუშაობდი, უფრო ძლიერი რომ შევხვედროდი ახალ გამოწვევებს.

როდესაც გუნდში მოვედი, ვთქვი, რომ გოლებზე უფრო მნიშვნელოვანი მოედანზე მაქსიმუმის გაკეთება და დაუღალავი შრომაა. ჩვენ მსოფლიოში ერთ-ერთი ყველაზე შეკრული გუნდი გვყავს და ჩვენი შრომის ნაყოფს ნელ-ნელა ვიღებთ. “ლაციო” ამაზე გაჩერებას ნამდვილად არ აპირებს,” – აცხადებს იმობილე.

იტალიური “ლაციოს” ოფიციალური ვებ-გვერდის მიერ დადასტურებული ინფორმაციის თანახმად, სიმონე ინძაგიმ რომაულ კლუბთან არსებული კონტრაქტი სამი წლით გაახანგრძლივა.

“ძალიან ბედნიერი ვარ, რომ კლუბმა ახალი კონტრატი შემომთავაზა, რომელსაც დიდი სიამოვნებით დავთანხმდი. იმედი გვაქვს, რომ მომავალ სეზონში დიდებულ მიზნებს მივაღწევთ,” – აცხადებს ინძაგი.

შეგახსენებთ, რომ “ლაციოსთვის” 2016/17 წლების სეზონი საკმაოდ წარმატებული აღმოჩნდა. რომაელებმა ჩემპიონატი მეხუთე ადგილზე დაასრულეს და კოპა იტალიას ფინალშიც ითამაშეს, სადაც ისინი “იუვენტუსთან” დამარცხდნენ.

“ლაციო” მომავალ სეზონში ევროპა ლიგაზე ითამაშებს.