“ბარსელონას” ლეგენდამ, ჩავიმ განაცხადა, რომ უსმან დემბელემ გუნდში ბოლო გამოცდა უნდა ჩააბაროს.
ომარ მომანი ესპანელის განცხადებას ასე ეხმაურება.
ჭდე: დემბელე
დემბელეს ოპერაციამ წარმატებულად ჩაიარა
უსმან დემბელემ ლა ლიგა სანტანდერის წინა ტურის შეხვედრაში, “ხეტაფეს” წინააღმდეგ, ტრავმა მიიღო. ფრანგ ფეხბურთელს ოპერაცია დღეს ჩაუტარდა.
როგორც კატალონიელთა ოფიციალური გვერდი იტყობინება, უსმანის ოპერაციამ წარმატებით ჩაიარა. ამ პროცესს ქირურგი, საკარი ორავა ხელმძღვანელობდა. მისი განცხადებით, 20 წლის ახალგაზრდის ბარძაყს საფრთხე აღარ ემუქრება.
როგორც ცნობილია, დემბელე სამიდან ოთხ თვემდე ვადაში დაუბრუნდება მოედანს.
ვალვერდე: “გამოცდილი ფეხბურთელი ისეთ მოძრაობას არ გააკეთებდა, რაც დემბელემ ტრავმის დროს ქნა”
ლა ლიგა სანტანდერის უკანასკნელ ტურში კატალონიის “ბარსელონას” შემტევმა, უსმან დემბელემ საკუთარი არასწორი მოძრაობით თავი დაიზიანა, რის გამოც იგი სამიდან ოთხ თვემდე იუქმებს.
“არ ვიცი, რა მოხდება მის ტრავმასთან დაკავშირებით. მინდა, რაც შეიძლება მალე დაბრუნდეს უსმანი მოედანზე. ცხადია, რომ დემბელე არის ფეხბურთელი, რომელსაც არასდროს ჰქონია პრობლემა კუნთზე და ასეთი მკურნალობის გამოცდილება არ აქვს.”
“ჩემი აზრით, გამოცდილი ფეხბურთელი არასდროს გააკეთებდა იმ მოძრაობას, რომელიც მან გააკეთა. თუმცა, ახლა მთავარია, იგი მოთმინებით იყოს და ნელ-ნელ გამოჯანმრთელდეს. მისი სწორი მკურნალობა და ნაბიჯ-ნაბიჯ პროგრესი, ახლა მნიშვნელოვანია,” – აცხადებს ვალვერდე.
“ბარსელონამ” “ესპანიოლს” გადაუარა – მესის ჰეთრიკი და დემბელეს საგოლე გადაცემა (ვიდეო)
დღეს ლა ლიგა სანტანდერის მესამე ტურის მატჩში “ბარსელონამ” “ესპანიოლი” მიიღო.
კატალონიური დერბი “ბარსას” უპირატესობით წარიმართა. 26-ე, 35-ე და 67-ე წუთებზე ლიონელ მესიმ სამჯერ გამოიჩინა თავი. 87-ე წუთზე ხერარდ პიკემ გაიტანა. ხოლო, 90-ე წუთზე ლუის სუარესმა საბოლოო ანგარიში, 5:0 დააფიქსირა. საგულისხმოა, რომ ურუგვაელს საგოლე გადაცემა ახალწვეულმა, უსმან დემბელემ გაუკეთა.
საბოლოოდ, მასპინძლებმა ანგარიშით, 5:0 იმარჯვეს.
“ბარსას” ცხრა ქულა აქვს და პირველზეა. “ესპანიოლი” ერთადერთი ქულით მე-15-ზეა.
დემბელე: “როცა “ბარსა და “ბორუსია” ჩემს ტრანსფერზე მოლაპარაკებებს აწარმოედბნენ, მბაპე გვერდშ მედგა და მამშვიდებდა”
მუსა დემბელემ გასულ ზაფხულში კატალონიის “ბარსელონას” მიაშურა. ის 147 მილიონ ევროდ გადავიდა “ბლაგურნაში”. ფრანგმა თავის ტრანსფერზე ისაუბრა და განაცხადა, რომ რთულ პერიოდში თანამემამულე, კილიან მბაპე მას გვერდში დაუდგა.
“მბაპე ძალიან კარგი კოლეგაა. ჩვენ ტელეფონზე ვისაუბრეთ და ტრანსფერის განხორციელების პროცესში კიდევ უფრო ვიგრძენი კილიანის მხარდაჭერა.”
“როცა მოლაპარაკებები დაიწყო, ძალიან ვნერვიულობდი. მინდოდა, რაც შეიძლება მალე დასრულებულიყო ყველაფერი. რამდენიმე ღამე ნორმალურად არც კი მეძინა. სწორედ ამ პერიოდში მბაპე მუდამ მეკონტაქტებოდა, მამამშვიდებდა. მეუბნებოდა, რომ ეს ყველაფერი დროის ამბავი იყო და მალე “ბარსას” ფეხბურთელი გავხდებოდი. მადლობა მას ამისთვის, კილიანს დიდ წარმატებას ვუსურვებ!” – აცხადებს დემბელე.
დემბელე: “შევეცადე, მესისთვის ან ინიესტასთვის მიმებაძა, თუმცა გამიჭირდა”
კატალონიის “ბარსელონას” ახალწვეულმა უსმან დემბელემ ლიონელ მესიზე ისაუბრა.
“ბარსელონას” თამაშებს, რა თქმა უნდა, ვუყურებდი. გამორჩეულად, ორი შეხვედრა დამამახსოვრდა. პირველი “ბარსასა” და “ჩელსის” დაპირისპირებაა. მახსოვს, როგორ გაიტანა ინიესტამ ჩემპიონთა ლიგის ფინალში გამსველლი გოლი. ერთი სული მაქვს, როდის ვნახავ და გავესაუბრები ანდრესს.”
“ხოლო, მეორე მატჩი ისევ ჩემპიონთა ლიგიდანაა. ამ დაპირისპირებაში “ბარსელონა” “არსენალს” შეხვდა. მახოსვს, პირველ თამაშში ჩემს ამჟამინდელ კლუბს საქმე არც ისე კარგად წაუვიდა, თუმცა განმეორებით მატჩში ლიონელ მესიმ ოთხი გოლი გაიტანა. ეს ის მომენტი იყო, როცა გავაცნობიერე, რომ მესი დედამიწიდან არ არის.”
“ინიესტაზე იმას ვიტყვი, რომ ის ძალიან ელეგანტურია. მას განსაკუთრებული მოძრაობები აქვს – ანდრესი გენიოსია! “ბარსელონას” ბევრ თამაშს ვუყურე. განსაკუთრებით, სწორედ ეს ორი მოთამაშე მომწონს. შევეცადე, მათთვის მიმებაძა, თუმცა გამიჭირდა,” – აცხადებს დემბელე.
ბარტრა ჟურნალისტებს: “არ შეადაროთ დემბელე ნეირმარს!”
ესპანეთის ნაკრებისა და დორტმუნდის “ბორუსიას” ცენტრალურმა მცველმა, მარკ ბარტრამ ყოფილ თანაგუნდელზე, უსმან დემბელეზე ისაუბრა.
“დემბელეს დიდი ტალანტი აქვს. ის “ბარსელონასთვის” კარგი შენაძენია. თუმცა, ჟურნალისტებს მინდა ვუთრხა, რომ მასთან მოთმინებით იყავით. არ შეგიძლიათ, ის ნეიმარს შეადაროთ. უსმანი მხოლოდ ახლა იწყებს კარიერას. თუმცა, მას ბევრი სარგებლის მოატნა შეუძლია კლუბისთვის.”
“რაც შემეხება მე, გერმანიაში ერთი წლის მანძილზე ვითამაშე. იქაური ჩემპიონატი ძალიან კონკურენტულია, მესვეურები ჩემგან მუდამ მაქსიმუმს ითხოვენ. ბედნიერი ვარ იმ გუნდში, რომლის ფორმასაც ახლა ვატარებ,” – აცხადებს ბარტრა.
ობამეიანგი: “დემბელეს სიტუაცია ძალიან რთულია”
გუშინ გერმანიის თასის შეხვედრები გაიმართა. დორტმუნდის “ბორუსიამ” “რილასინგენ-არლენი” ანგარიშით, 4:0 დაამარცხა. ჰეთრიკი შეასრულა პიერ-ემერიკ ობამეიანგმა, რომელიც მატჩის შემდეგ ჟურნალისტებს ესაუბრა. გაბონელს ოსმან დემბელეს “ბარსელონაში” შესაძლო გადასვლაზე ჰკითხეს.
“ჯერჯერობით, არაფერია გადაყწვეტილი. დემბელე ძალიან რთულ სიტუაციაშია. არ ვიცით, დარჩება თუ არა ის კლუბში. თუმცა, რაც მოხდება, მოხდება.”
“რაც შეეხება უშუალოდ შეხვედრას, მიხარია, რომ გამარჯვება მარტივად მოვიპოვეთ და ჩვენს არცერთ მოთამაშეს არ მიუღია ტრავმა. თამაშის ხარისხით კმაყოფილი ნამდვილად არ ვარ, თუმცა ეს სეზონის სტარტია და ბუნებრივიცაა,” – აცხადებს ობამეიანგი.
დემბელემ “ჩელსიში” გადასვლასთან დაკავშირებული ჭორები უარყო
ბოლო დღეებში ბევრი იწერებოდა გლაზგოს “სელტკის” 18 წლის შემტევის, მუსა დემბელეს ტრანსფერთან დაკავშირებით. ფრანგ სპორტსმენს ლონოდნის “ჩელსის” უკავშირებდნენ.
გუშინ გავრცელდა ფოტო, რომელზეც დემბელე თვითმფრინავში იმყოფებოდა.
ყველამ, რა თქმა უნდა, იფიქრა, რომ “სელტიკის” თავდამსხმელი ლონდონში მიდიოდა, თუმცა…
სატრანსფერო ფანჯრის ბოლო დღის საღამოს დემბელემ გავრცელებულ ხმებს სოციალურ ქსელში ფოტოთი უპასუხა და პუბლიკაც გაამხიარულა.
მუსა დემბელე: “ჩვენ მსოფლიოში საუკეთესო გუნდთან გავნადგურდით”
“ბარსელონასთან” განადგურების შემდეგ, “სელტიკის” თავდამსხმელმა, მუსა დემბელემ კომენტარი გააკეთა.
“საშინელი შეხვედრა ჩავატარეთ. ჩვენ მსოფლიოში საუკეთესო გუნდთან წავაგეთ. მაგრამ რაც მართალია, უნდა ითქვას: “ბარსელონას” ფეხბურთელებს ძალიან ბევრ სივრცეს და სხვა შესაძლებლობებს ვაძლევდით იმისთვის, რომ შეეტიათ. ბევრი შეცდომა დავუშვით, რომლებიც მომავალში აღარ უნდა გავიმეოროთ.”
“ბაარსას” მსგავს გუნდებთან თამაშით ბევრ რამეს სწავლობ. ზოგჯერ იტან, ზოგჯერ კი აცილებ პენალტებს,” – განაცხადა დემბელემ.
მუსა დემბელე: “რეინჯერსის” განადგურების შემდეგ, “ბარსელონას” გაკვირვებას ვაპირებთ”
შოტლანდიური “სელტიკის” ფორვარდს, მუსა დემბელეს სჯერა, რომ მის გუნდს “ბარსელონასა” და მთელი მსოფლიოს გაკვირვება და “კამპ ნოუდან” ქულების წამოღება შეუძლია.
“ბარსელონაში” თამაში და სასურველი შედეგის მიღება შეგვიძლია. მაქსიმუმს გავაკეთებთ, რათა უკან ერთი ქულით მაინც დავბრუნდეთ. როდესაც ასეთი ძლიერი გუნდის წინააღმდეგ გიწევდეს თამაში, მაქსიმუმი უნდა გაიღო.
მზად ვარ თამაში სასტარტოდან დავიწყო. ფეხბურთელი ყველანაირი გამოწვევისათვის უნდა იყოს მზად. მგონი, დავამტკიცე რომ ამ გუნდში თამაშს ვიმსახურებ. თუ მწვრთნელს დავჭირდები, მე აუცილებლად დავეხმარები გუნდს.
ჩვენ “რეინჯერსის” დამარცხება მოვახერხეთ, ამ მატჩში ჰეთ-ტრიკი გავიფორმე – ბრწყინვალე დღე იყო. ეს დღე მთელი ცხოვრების მანძილზე მემახსოვრება.”
კადრი, რომელსად დიდი გამოხმაურება მოყვა: იან ვერტონგენისა და მუსა დემბელეს კოცნა
ცოტა ხნის წინ, ინტერნეტ-სივრცეში საინტერესო კადრი გავრცელდა. საქმე იმაში გახლავთ, რომ ბელგიის ეროვნული ნაკრების მაისურის პრეზენტაციაზე “ტოტენჰემის” ფეხბურთელებმა იან ვერტონგენმა და მუსა დემბელემ ერთმანეთს აკოცეს, რასაც დიდი გამოხმაურება მოყვა.
