ლონდონის “ჩელსისა” და საფრანგეთის ნაკრების ყოფილი თავდამსხმელი ნიკოლა ანელკა სემ ელერდაისის გარშემო განვითარებულ მოვლენებს გამოეხმაურა.
“დიდი სემის ამბის გამო ძლიერ შევწუხდი. შენ იყავი და რჩები იმ კაცად, რომელიც ინგლისს ძალიან სჭირდება! მნიშვნელობა არ აქვს, რა გააკეთე ან რა თქვი, შეცდომებს თითოეული ჩვენგანი უშვებს. ყველაზე მნიშვნელოვანი ისაა, რომ ჩვენ ისევ გვიყვარხარ! ყველაფრისთვის მადლობას გიხდი”, – დაწერა სოციალურ ქსელში ანელკამ.
შეგახსენებთ, რომ სემ ელერდაისი და ნიკოლა ანელკა “ბოლტონში” ერთად მუშაობდნენ. 61 წლის ბრიტანელ სპეციალისტს ინგლისის ნაკრების მთავარი მწვრთნელის პოსტი კორუფციულ სკანდალში გახვევის გამო დაატოვებინეს.
