“მილანის” 24 წლის მცველმა, მატია დე შილიომ უკვე განუცხადა კლუბის ხელმძღვანელებს, რომ კლუბიდან წასვლა სურს. ამ ინფორმაციას Fotball Italia-ს რედაქცია გვატყობინებს.
რაც შეეხება იტალიელი ფეხბურთელის ტრანსფერით დაინტერესებულ მხარეებს, “იუვენტუსის”, “ლივერპულისა” და “ბაიერნის” მფლობელებთან ერთად, მის ტრანსფერზე მუშაობას “რომაც” იწყებს.
როგორც იცით, დე შილიო “როსონერის” აკადემიაში აღიზარდა და კლუბთან კონტრაქტი 2018 წლამდე აკავშირებს. მას დაცვის ორივე ფლანგზე შეუძლია თამაში, ისევე როგორც ნახევარმცველის პოზიციაზე.
ამ დროისთვის მისი გადაბირების მთავარი ფავორიტი ტურინის “იუვენტუსია”, რომელიც ახლახან დატოვა ლეონარდო ბონუჩიმ.
