ესპანეთის საკალათბურთო ნაკრების ფორვარდი ფელიპე რეიესი ევრობასკეტის ისტორიაში ყველაზე ასაკოვანი მოთამაშე გახდა. ამჟამად მისი ასაკი 35 წელსა და 188 დღეს შეადგენს.
წინა რეკორდსმენი საბჭოთა კავშირის ნაკრების უკანახაზელი სერგეი ბელოვი იყო, რომელმაც 1979 წლის ევრობასკეტი მოიგო. მაშინ მისი ასაკი 35 წელი და 147 დღე იყო.
ცნობისთვის, ესპანელთა ლიდერს პაუ გასოლს კი გუშინ 35 წელი და 76 დღე შეუსრულდა.
გუშინ ევრობასკეტზე მეშვიდე ადგილისთვის შეხვედრა და 1/2-ფინალური ეტაპის მეორე მატჩი გაიმართა. პირველ შეხვედრაში ჩეხეთმა ლატვია დაამარცხა, მეორე კი ლიტვის გამარჯვების დასრულდა.
საფრანგეთთან ევროპის ჩემპიონატის 1/2-ფინალური ეტაპის მატჩში ესპანეთის ნაკრების ლიდერმა პაუ გასოლმა 40 ქულა დააგროვა. აქედან გამომდინარე, ის ესპანეთის პირველი მოთამაშე გახდა, რომელსაც 1990 წლის 15 აგვისტოდან ქულების ეს რაოდენობა დააგროვა. ბოლოს 48 ქულა ვენესუელის ნაკრებთან შეხვედრაში ხორდი ვილაკამპამ მიითვალა.
შეგახსენებთ, რომ სერხიო სკარიოლოს გუნდმა საფრანგეთს ოვერტაიმში ანგარიშით 80:75 სძლია.
ევრობასკეტის 1/4 ფინალში ესპანეთისა და საბერძნეთის ნაკრებთა მეტად დაძაბული დაპირისპირება ესპანეთის გამარჯვებით, 73:71 დასრულდა.
პირველი მეოთედი თანაბარი გამოდგა და 14:14 დასრულდა. მეორე მეოთხედში ესპანელები წინ შვიდი ქულით გავიდნენ და დიდი შესვენების წინ ანგარიშით 39:32 იგებდნენ. სამაგიეროდ, მესამე მეოთხედში ბერძნებმა 9 ქულით გაიმარჯვეს და გადამწყვეტი ათი წუთის წინ 2 ქულით იგებდნენ. ბოლო მეოთხედი ბერძნებმა ცუდად დაიწყეს და პირველ წუთში ოთხჯერ დაჯარიმდნენ, რაც შედეგზეც აისახა. საბოლოოდ, მეოთხედი ესპანელებმა 4 ქულით მოიგეს. არადა, მატჩის დასრულებამდე 4 წამით ადრე ბერძნებმა სხვაობის 1 ქულამდე შემცირება მოახერხეს, მაგრამ მატჩის გადარჩენა ვერ შეძლეს.
საუკეთესო ამ მატჩში 27 ქულითა და 9 მოხსნით პაუ გასოლი იყო. ბერძენთა მხრიდან 14 ქულით, 5 მოხსნითა და 7 პასით კალატესი გამოირჩა. სათქმელია, რომ ანტეტოკუმპომ, რომელმაც 12 ქულა დააგროვა, 17 მოხსნა შეძლო.
ესპანეთი – საბერძნეთი – 73:71 (14:14, 25:18, 16:25, 18:14)
ესპანეთი: გასოლი (27 ქ. 9 მ.), მიროტიჩი (18 ქ.), როდრიგესი (10 ქ. 5 პ.)
საბერძნეთი: კალატესი (14 ქ. 5 მ. 7 პ.), პრინტეზისი (13 ქ.), ანტენტოკუმბო (12 ქ. 17 მ.), სპანულისი (10 ქ.)
დღევანდელი დღის ევრობასკეტის მეორე მერვედფინალში სერბეთის ნაკრებმა ფინეთს 13 ქულით აჯობა.
გამარჯვებულთა მხრიდან საუკეთესო მიროსლავ რადულიცა იყო, რომელმაც 27 ქულა დააგროვა. რაც შეეხება ფინებს, მათი მხრიდან 26 ქულით სალინი გამოირჩა.
სერბეთი – ფინეთი – 94:81 (23:24, 25:19, 23:21, 23:17)
სერბეთი: რადულიცა (27 ქ.), ბიელიცა (19 ქ. 14 მ.), ერცეგი (13 ქ. 6 მ. 4 პ.), ბოგდანოვიჩი (10 ქ.), თეოდოსიჩი (8 ქ. 9 პ.), სიმონოვიჩი (6 ქ.), კალინიჩი (5 ქ. 4 პ.), ნედოვიჩი (4 ქ. 5 პ.), მილოსავლევიჩი (2 ქ.), მარკოვიჩი (0 ქ. 5 პ.)
ფინეთი: სალინი (26 ქ.), უილსონი (15 ქ. 4 პ.), მერფი (12 ქ. 8 მ.), კოპონენი (11 ქ. 4 პ.), კოტი (7 ქ. 7 მ.), ჰაფი (6 ქ.), ლი (2 ქ.), ნუტინენი (2 ქ.)
მეოთხედფინალში სერბები ჩეხეთს შეხვდებიან, რომელმაც დღეს ხორვატია დაამარცხა.
ევრობასკეტის 1/8 ფინალში ჩეხეთის ნაკრებმა ხორვატია სოლიდური ანაგრიშით 80:59 დაამარცხა. გამარჯვებულებმა უპირატესობა შეხვედრის დასაწყისშივე მოიპოვეს და ბოლო ემოთხედის წინ 22 ქულით იგებდნენ. ბოლო ათ წუთში ხორვატებმა მეტოქის უპირატესობა ცამეტ ქულამდე შეამცირეს, თუმცა მეტის გაკეთება ვერ მაოხერხეს.
სათქმელია, რომ ჩეხეთის რიგებში ერთდროულად ორი მოთამაშე დაბ-დაბლით გამოირჩა – ტომაშ სატორანსკიმ 10 ქულა და 11 პასი მიითვალა, იან ვესელას მონაგარმა კი 20 ქულა და 13 მოხსნა შეადგინა. ხორვატიის მხრიდან 12 ქულით საუკეთესო ბოიან ბოგდანოვიჩი იყო.
ხორვატია – ჩეხეთი – 59:80 (13:20, 18:28, 12:17, 16:15)
ხორვატია: ბოგდანოვიჩი (12 ქ.), უკიჩი (10 ქ. 5 პ.), ხეზონია (10 ქ. 9 მ.), სიმონი (9 ქ.), სტიპჩევიჩი (8 ქ.), შარიჩი (4 ქ. 8 მ. 4 პ.), ბილანი (4 ქ.), ზორიჩი ( 2 ქ.)
ჩეხეთი: ვესელი (20 ქ. 13 მ.), იელინეკი (13 ქ.), შილბი (12 ქ.)), ბენდა (11 ქ. 3 პ.), სატორანსკი (10 ქ. 11 პ. 5 მ. 3 ჩ.), აუდა (9 ქ.), ბარტონი (3 ქ.), ველში (2 ქ. 8 პ.)
ბერლინში ევრობასკეტის B ჯგუფის მატჩი შედგა, რომელშიც ერთმანეთს მასპინძელი გერმანია და იტალია შეხვდნენ.
ძირითადი დრო ფრედ დასრულდა, არადა, გერმანელები მესამე მეოთხედში ათი ქულით იგებდნენ. შეხვედრის ძირითადი დროის დასრულებამდე ხუთი წამით ადრე მეტოქის ფარში ბურთი დანილო გალინარიმ ჩააგდო. ოვერტაიმში სიმონე პიანიჯანის გუნდი გაცილებით უკეთესი გამოდგა, რაც ანგარიშზეც აისახა – იტალიელებმა 7 ქულით – 89:82 მოიგეს.
შეხვედრის ერთ-ერთი გმირი წაგებული გუნდის გამთამაშებელი დენიშ შრედერი გახდა, რომელმაც თავის აქტივში 29 ქულა, 7 პასი და 4 მოხსნა მიითვალა. იტალიიდან 25ქ ულითა და 9 მოხსნით დანილო გალინარი გამოირჩა.
იტალია – გერმანია – 89:82(17:22, 25:19, 12:18, 22:17, 13:6)
იტალია: გალინარი (25 ქ. 9 მ.), ბარნიანი (17 ქ. 5 მ. 2 ბ.), ბელინელი (17 ქ.), ჯენტილე (15 ქ. 5 მ. 3 პ.), არადორი (6 ქ. 9 მ. 3 პ.), ჩინჩარინი (4 ქ.), ჰეკეტი (3 ქ. 4 პ.), მელი (2 ქ.)
გერმანია: შრედერი (29 ქ. 7 პ. 4 მ.), ნოვიცკი (14 ქ. 10 მ.), ზიპზერი (11 ქ. 8 მ. 2 ბ.), პლიაისი (10 ქ. 5 მ.), შაფარციკი (5 ქ.), ტადა (4 ქ.), ბენცინგი (3 ქ.), კინგი (3 ქ.), ლო (2 ქ.), გაველი 1 ქ.)
ამ გამარჯვებით იტალიელებმა ჯგუფში მეორე ადგილი დაიკავეს და 1/8 ფინალი გაინაღდეს.
საქართველოს ნაკრები მოახლოებული ევროპის ჩემპიონატისთვის მზადებას აგრძელებს. ქართველები სრული დატვირთვით ვარჯიშობენ და ხუთ სექტემბრის მოლოდინში არიან, როდესაც იგორ კოკოშოვის გუნდი ტურნირს ჰოლანდიის ნაკრებთან შეხვედრით დაიწყებს. გუნდში არსებული მდგომარეობის შესახებ ნაკრების ერთ-ერთმა ლიდერმა გიორგი ციცნაძემ ისაუბრა.
„თავს გადაღლილად არ ვგრძნობთ. პირადად მე კარგ ფორმაში ვარ და ევროპის ჩემპიონატს კარგი განწყობით ვხვდებით. იტალიის ტურნირზე და მანამდე გამართულ სხვა ტურნრირებზეც იმ რეჟიმში ვითამაშეთ, როგორითაც ევროპის ჩემპიონატზე მოგვიწევს ასპარეზობა. ანუ ყოველ დღე თამაშები გვქონდა და ამ რეჟმს შეძლებისდაგვარად შევეგუეთ. მართალია, ევროპის ჩემპიონატზე 6 დღეში 5 თამაში მოგვიწევს, თუმცა ჩვენი მეტოქეებისთვისაც ხომ ნალოგიურად დატვირთული გრაფიკია და არა მგონია, ისინი ჩვენზე მომზადებულები შეხვდნენ მომდევნო მატჩებს. ერთი სიტყვით, ფიზიკურადაც კარგ ფორმაში ვართ და ფსიქოლოგიურადაც არანაირ პრობლემას არ ვგრძნობთ. ველოდებით 5 სექტემბერს“, – ციტირებს ციცნაძეს საქართველოს კალათბურთს ფედერაციის ოფიციალური საიტი.
„ჩიკაგო ბულზისა“ და ესპანეთის ნაკრების ფორვარდს პაუ გასოლ ევროპის 2015 წლის ჩემპიონატზე თამაში სურს, რის შესახებაც გამოცემა „მარკა“ წერს.
გასოლს საბოლოო გადაწყვეტილება ჯერ არ მიუღია, მაგრამ მისი სერჯო სკარიოლოს გუნდში თამაშის ალბათობა საკმაოდ მაღალია.
აღნიშნულ თემასთან დაკავშირებით ოფიციალური განცხადება, სავარაუდოდ, შემდეგ კვირას გავრცელდება.
„დალას მავერიკსისა“ და გერმანიის ნაკრების ფორვარდმა დირკ ნოვიცკიმ საბოლოოდ დაადასტურა, რომ ევროპის 2015 წლის ჩემპიონატზე ითამაშებს. ამის შესახებ „Crossover Online“ იტყობინება.
შეგახსენებთ, რომ კონტინენტის პირველობაზე გერმანია B ჯგუფში ითამაშებს, სადაც ასევე სერბეთი, იტალია, ისლანდია, თურქეთი და ესპანეთი მოხვდნენ. ჯგუფის შეხვედრები ბერლინში შედგება.
„დენვარ ნაგეტსის“ ფორვარდმა დანილო გალინარიმ დაადასტურა, რომ ევროპის 2015 წლის ჩემპიონატზე ითამაშებს.
„იტალიის ნაკრების მიზანი ოლიმპიურ თამაშებზე გასვლაა. ევრობასკეტზე მედალი ჩინებული იქნებოდა. ვფიქრობ, ძლიერ ჯგუფში მოხვედრის მიუხედავად, ეს შესაძლებელია. თავს ეროვნული ნაკრების ლიდერად ვგრძნობ. მოთამაშეები, ერთმანეთს ბავშობიდან ვიცნობთ. იმედია, ევრობასკეტზე ეროვნულ საკალათბურთო ასოციაციაში მოთამაშე სამი სხვა იტალიელიც იქნება“, – განაცხადა გალინარიმ.
ფიბა-მ ევროპის ჩემპიონატის ფინალური ეტაპის მატჩების კალენდარი სრულად წარმოადგინა. აქამდე ცნობილი იყო ჯგუფურ ეტაპზე გასამართი მატჩების დღეები, ახლა კი მათი გამართვის დროებიც დადგინდა.
ჩვენ, რა თქმა უნდა, საქართველოს ნაკრების განრიგი გვაინტერესებს, რომელსაც სტატიის ბოლოში გაეცნობით, აქ კი დავამატებთ, რომ დროები შესაძლებელია სატელევიზიო მიზეზების გამო გამო შეიცვალოს.
შეგახსენებთ, რომ პირველად, ევროპის ჩემპიონატების ისტორიაში, კონტინენტის უმთავრესი ტურნირი ერთდროულად 4 ქვეყანაში გაიმართება. საქართველო ჯგუფურ ეტაპს ხორვატიის დედაქალაქ ზაგრებში ითამაშებს სლოვენიის, ჰოლანდიის, საბერნეთის, მაკედონიისა და მასპინძელ ხორვატიის ნაკრებებთან ერთად.
ტურნირის პირველი მატჩი რიგაში გაიმართება, სადაც ჯგუფის თამაშები ესტონეთი – ჩეხეთის დაპირისპირებით გაიხსნება. საქართველოს ნაკრებისთვის დასვენების დღე 7 სექტემბერი იქნება. ჯგუფის საუკეთესო 4 გუნდი პლეი ოფში გავა, სადაც ჩემპიონობითვის ბრძოლა მერვედფინალიდან გაგრძელდება.
ჯგუფური ეტპი 10 სექტემბერს დასრულდება, ხოლო პლეი ოფი სტარტს 12 სექტემბერს, საფრანგეთის ქალაქ ლილში აიღებს. ევროპის ჩემპიონატის მატჩების ბილეთების გაყიდვა მხოლოდ A ჯგუფში დაიწყო, დანარჩენ ჯგუფებში კი უახლოეს მომავალში დაიწყება.
ევროპის ჩემპიონატი. C ჯგუფი. ზაგრები, ხორვატია (მითითებულია თბილისის დრო)
5 სექტემბერი საქართველო – ჰოლანდია 18:00
6 სექტემბერი სლოვენია – საქართველო 21:00
8 სექტემბერი საქართველო – საბერძნეთი 21:00
9 სექტემბერი მაკედონია – საქართველო 21:00
10 სექტემბერი საქართველო – ხორვატია 21:00
gbf.ge
