ჭდე: ჩიკაგო ბულზი

ცენტრი ჟოაკიმ ნოა „ჩიკაგო ბულზთან“ კონტრაქტის გახანგრძლივების თაობაზე მოლაპარაკებას აგრძელებს, რის შესახებაც კომპეტენტურ პირზე დაყრდნობით ESPN იუწყება. წყაროს ცნობით, მოთამაშე კლუბთან გრძელვადიანი შეთანხმების გაფორმებას აპირებს, რაც აქამდე გავრცელებულ ინფორმაციას ეწინააღმდეგება, რომლის თანახმად, ნოა „ჩიკაგოდან“ თავისუფალი აგენტის სტატუსით წასვლას აპირებს.

31 წლის კალათბურთელმა NBA-ში თავისი ცხრავე სეზონი „ხარების“ შემადგენლბოაშ გაატარა. მიმდინარე სეზონში მისმა საშუალო მონაგარმა სათამაშო დროის 22 წუთში 4,3 ქულა და 8,8 მოხსნა შეადგინა.

„ჩიკაგო ბულზის“ ცენტრმა ჟოაკიმ ნოამ „დალას მავერისკთან“ ანგარიშით 77:83 წაგებულ მატჩში კვლავ მარცხენა მხრის ტრავმა მიიღო, რის შესახებაც ESPN.com-ი იტყობინება.

ინციდენტი მეორე მეოთხედში მოხდა, რის შემდეგაც ფრანგმა თამაშის გაგრძელება ვერ შეძლო. „ხარების“ ლეგიონერი სულ მალე სამედიცინო შემოწმებასაც გაივლის.

გამოჯანმრთელების შემდეგ ნოასთვის ეს მხოლოდ მეორე მატჩში იყო. 21 დეკემბერს მან ანალოგიური ტრავმა მიიღო, რის გამოც სამი კვირა ვერ ითამაშა.

“ჩიკაგო ბულზის“ ცენტრი ჟოაკიმ ნოა გუნდში თავისი ამჟამინდელი მდგომარეობით უკმაყოფილოა, რის შესახებაც მოთამაშესთან დაახლოებული პირისგან მიღებულ ინფორმაციაზე დაყრდნობით „Chicago Sun-Times“-ი წერს. როგორც წყარო იუწყება, ნოა სასტარტო შემადგენლბოაში ადგილის დაკარგვის გამო ახლაც წუხს და ბოლო დროს გუნდის მთავარ მწვრთნელს ფრედ ჰოიბერგს ბევრ რამეში არ ეთანხმება. ამასთანავე, ნოა თავის პოზიციას საჯაროდ არ აზიარებს.

მიმდინარე სეზონში 30 წლის ცენტრის საშუალო მონაგარი სათამაშო დროის 22 წუთში 4,3 ქულასა და 8,8 მოხსნას შეადგენს. მისი ამჟამინდელი კონტრაქტი სეზონის ბოლოს იწურება.

„ჩიკაგო ბულზის“ ფორვარდს მაიკლ დანლივის, რომელმაც სეზონის დაწყების წინ ზურგის ოპერაცია გაიკეთა, კვლავ ჯანმრთელობასთან დაკავშირებვული პრობლემები გაუჩნდა. როგორც ESPN.com წერს, კალათბურთელის გამოჯანმრთელების ზუსტი თარიღი უცნობია, თუმცა ის, მინიმუმ, ორ კვირას გამოტოვებს.

დანლივის ოპერაცია 25 სექტემბერს ჩუატარდა და აღსადგენად 9 კვირა დასჭირდება.

„ხარების“ მთავარი მწვრთნელის ფრედ ჰოიბერგის თქმით, ფორვარდს კლვავ ტკივილი აწუხებს.სპეციალისტმა ისიც აღნიშნა, რომ დანლივის, შესაძლოა, კიდევ ერთი ოპერაცია დასჭირდეს. სრული სეზონის გამოტოვებაზე ამჟამად საუბარი არ არის.

„ჩიკაგო ბულზის“ ცენტრმა ჟოაკიმ ნოამ მიმდინარე სეზონში თავისი დაბალი სტატისტიკური მაჩვენებელი შეტევაში ნაკლებ აგრესიულობას დაუკავშირა.

„უბრალოდ, უფრო აგრესიული უნდა გავხდე და შესაძლებლობები ვეძებო. ახლა არ ვიცი, ეს შესაძლებლობები როგორ მივიღო, თუმცა, როდესაც შანსი მქონდა, ბევრ ქულას ვაგროვებდი“, – ციტირებს ნოას ESPN-ი.

მიმდინარე სეზონში ფრანგის საშუალო მაჩვენებელი 2,5 ქულას, 8,4 მოხსნასა და 3,4 გადაცემას შეადგენს.