ჭდე: გუს ჰიდინკი

ჰიდინკი:„ ჩემპიოშიპში გავარდნა გვემუქრება“

Posted on by Alix

„ჩელსის“ მთავარმა მწვრთნელმა გუს ჰიდინკმა თავისი გუნდის სატურნირო მდგომარეობაზე ისაუბრა.

„ჩელსის ჩემპიონშიპში გავარდნის საშიშროება რეალურია. წინ ორი მძიმე მატჩი გველის.

მეოთხე ადგილამდე, რომელზეც „ტოტენჰემი“ იმყოფება, ოთხი ქულა გვაშორებს. რა თქმა უნდა, მხოლოდ წინ ვიხედებით და სატურნირო ცხრილში პროგრესზე ვფიქრობთ, მაგრამ რეალობასთან კავშირის დაკარგვა არ შეიძლება – გასავარდნ ზონაზე მხოლოდ ექვსი ქულა გვაშორებს, ეს ფაქტია.

ბეჯითად უნდა ვმუშაობდეს, კონცენტრაცია შევინარჩნოთ და ქულები დავაგროვოთ, რათა ცხრილში ავიწიოთ“, – ციტირებს ჰოლანდიელს BBC.

ჰიდინკი: „აზარის დედა არ ვარ“

Posted on by Alix

„ჩელსის“ მთავარმა მწვრთნელმა გუს ჰიდინკმა თავისი გუნდის ნახევარმცველის ედენ აზარის პრობლემებზე ისაუბრა.

„მე დედამისი არ ვარ, ფეხბურთელებს ისედაც სათანადო ყურადღება ექცევათ. ყველას ინდივიდუალური მიდგომა სჭირდება. მას ძველ დონეზე დასაბრუნებლად დროს მივცემთ.

ვფიქრობ, საქმე ეფექტურობაშია. დააკვირდით „ოქროს ბურთის“ მფლობელებს – ისინი აპტარა ბიჭებივით დარბიან. აზარისგან ამას ვითხოვთ. მან თამაშისგან სიამოვნების მიღება უნდა დაიწყოს, ოპტიმალურ ფორმას იგი სწორედ მაშინ აღიდგენს“, – ციტირებს ჰოლანდიელს Goal.com-ი.

ჰიდინკი „მანჩესტერ იუნაიტედთან“ ფრით დაკმაყოფილდა

Posted on by Alix

„ჩელსის“ მთავარია მწვრთნელმა გულ ჰიდინკმა „მანჩესტერ იუნაიტედთან“ უგოლოდ დასრულებული შეხვერის შესახებ ისაუბრა.

„ერთ ხმვრივ, მიხარია, რომ ფრედ ვითამაშეთ, სხვა მხვრივ, მოსაგებად ორი მომენტი გვქონდა. შემტევი ხაზის რამდენიმე ფეხბურთელი გვაკლია, ამიტომ ცვლილებები მოგვიწია. ჯამში, დავკმაყოფილდი.

აზარი ძალიან მოძრავია და ნებისმიერი ადგილიდან თამაში შეუძლია. მას მარცხნიდან მოქმედება ურჩევნია, თუმცა ცენტრში კარგად თამაშის უნარი გააჩნია. შემტევი ხაზის ყველა ფეხბურთელი ტრავმირებულია, ამიტომ, ადაპტირება მოგვიწია“, – განაცხადა ფეხბურთს ჰოლანდიელმა სპეციალისტმა.

ჰიდინკი: „ჩელსის“ „უოტფორდთან“ მოგება შეეძლო“

Posted on by Alix

„ჩელსის“ მთავარმა მწვრნელმა გუს ჰიდინკმა „უოტფორდთან“ ფრედ 2:2 დასრულებული შეხვედრის შესახებ ისაუბრა.

„ჯამში, ეს სამართლიანი შედეგია. „უოტფორდი“ პატივისცემას იმსახურებს, რადგან ამ გუნდს მოგებათა სერია ჰქონდა. მის რიგებში კარგი თავდამსხმელები თამაშობენ. და მაინც, მეტის მიღწევა შეგვეძლო. ბევრი შანსი გვქონდა. სამწუხაროა, რომ პენალტის შესრულებისას ოსკარს ფეხი დაუცდა. დიეგო კოსტამ თავისი ეფექტურობა შესრულებული დუბლით აჩვენა. როდესაც ის თამაშზე ფიქრობს, მას ყველაფერი გამოსდის. „მანჩესტერ იუნაიტედთან“ შეხვედრაში კოსტა ვერ დაგვეხმარება, რაზეც მუშაობა მოგვიწევს“, – განაცხადა ჰოლანდიელმა სპეციალისტმა.

ოფიციალურად: ჰოლანდიის ნაკრები თავკაცის გარეშე დარჩა

Posted on by Alix

ჰოლანდიის ნაკრების მთავარმა მწვრთნელმა გუს ჰიდინკმა თავისი პოსტი ოფიციალურად დატოვა. ამის შესახებ ცნობილმა სპეციალისტმა ბოლო ინტერვიუში ისაუბრა.

„სამწუხაროა, რომ ყველაფერი ასე მოხდა. ნაკრების მწვრთნელობა დიდი პატივია. იმედია, გუნდი ევრო-2016-ზე გასვლას მოახერხებს“, – განაცხადა ჰიდინკმა.

ამჟამად ჰოლანდიელთა ახალი მთავარი მწვრთნელის ვინაობა უცნობია.

შეგახსენებთ, რომ თავისი ქვეყნის ნაკრებს 68 წლის მწვრთნელი 2014 წლის 28 მარტიდან თავკაცობდა.

ცნობისთვის, ამჟამად ჰოლანდიელები ევრო-2016-ს შესარჩევი ეტაპის A ჯგუფში მესამე ადგილს იკავებენ და მეორე ადგილზე მყოფ ჩეხეთს 3, ხოლო პირველზე მყოფ ისლანდიას 5 ქულით ჩამორჩებიან.

დე ბური: „ჰოლანდიის ნაკრების მთავარი მწვრთნელის პოსტზე ჰიდინკი ბლინდმა უნდა შეცვალოს“

Posted on by Alix

ჰოლანდიის ნაკრების ყოფილი ნახევარმცველი რონალდ დე ბური თვლის, რომ გუს ჰიდინკმა გუნდის მთავარი მწვრთნელის პოსტი უნდა დატოვოს.

„გუს ჰიდინკი სიტუაციას ვერ აკონტროლებს. მწვრთნელს, წესით, რაღაც იდეა უნდა ჰქონდეს და მან უნდა იცოდეს, თუ რა მიმართლებით იმუშაოს. თუმცა, ჰიდინკი სიტუაციას სულ სხვანაირად უდგება.

მექსიკასთან მატჩში მან ერთი დაცვის ხაზი ათამაში, ლატვიასთან კი, ამ პოზიციაზე სულ სხვა ფეხბურთელები გამოიყენა. ამაში ლოგიკას ვერ ვხედავ.

არასწორია, როდესაც გუნდის განვითარებას იწყებ, ხოლო შემდგომ, სხვა მიმართულებისკენ მიდიხარ. ამიტომ, დანი ბლინდის მთავარი მწვრთნელის პოსტზე დანიშვნა ლოგიკურად მიმაჩნია. დარწმუნებული ვარ, იგი დაკისრებულ მოვალეობებს გაუმკლავდება“, – განაცხადა დე ბურმა.

Algemeen Dagblad: ჰიდინკი ჰოლანდიის ნაკრებს დატოვებს

Posted on by Alix

ბოლო რამდენიმე დღის განმავლობაში ევროპული პრესა გუს ჰიდინკის ჰოლანდიის ნაკრების მთავარი მწვრთნელის პოსტიდან შესაძლო წასვლის შესახებ საკმაოდ ბევრს წერს.

დღეს მსგავსი ინფორმაცია „Algemeen Dagblad“-მაც გაავრცელა. თუ ამ წყაროს დავუჯერებთ, გამოცდილი საფეხბურთო სპეციალისტის ჰოლანდიის ნაკრების თავკაცის პოსტიდან წასვლა მხოლოდ დროის ამბავია.

ამავდროულად ჰიდინკის ნაკრების სამწვრთნელო შტაბეში დარჩენა და სხვა ფუნქციების შესრულება არ გამოირიცხება.

ვან პერსი: “ჰიდინკი მწვრთნელი არ არის”

Posted on by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპი ჰოლანდიის ნაკრებმა წარუმატებლად დაიწყო. გუს ჰიდინკის გუნდი ჩეხეთში ანგარიშით 1:2 დამარცხდა.

ანგარიში ჩეხმა ნახევარმცველმა ბორჟეკ დოჩკალმა 21-ე წუთზე გახსნა. 55-ე წუთზე ჰოლანდიელმა მცველმა სტეფან დე ვრეიმ წონასწორობა აღადგინა, თუმცა მატჩის კომპენსირებულ დროში შეცვლაზე შემოსულმა ვაცლავ პილარჟმა გაიტანა და ჩეხეთის ნაკრებს სამი ქულა მოუტანა.

მატჩის შემდეგ ჰოლანდიის ნაკრების თავდამსხმელმა რობინ ვან პერსიმ გუნდის მთავარი მწვრთნელი საჯაროდ გააკრიტიკა.

“ჰიდინკი მწვრთნელი არ არის. დამამცირებელი მარცხი ვიწვნიეთ. მას შემდეგ, რაც ანგარიში 1:1 გახდა, ვიფიქრე, რომ მოგება შეგვეძლო. დაწინაურების რამდენიმე შანსიც გვქონდა, თუმცა ბოლო წუთზე გოლი აქეთ გავუშვით, რაც ძალიან გულდასაწყვეტია”, – ციტირებს ვან პერსის სიტყვებს ჰოლანდიური გამოცემა “დე ტელეგრააფი”.

ეს შეხვედრა გუს ჰიდინკისთვის ჰოლანდიის ნაკრების თავკაცის პოსტზე პირველი ოფიციალური მატჩი იყო. 67 წლის სპეციალისტმა აღნიშნულ პოზიციაზე ლუი ვან გაალი შეცვალა. შეგახსენებთ, რომ ჰიდინკი “ნარინჯისფერთა” მთავარ გუნდს 1994–1998 წლებშიც თავკაცობდა.

ჰოლანდიის ნაკრები ევროპის 2016 წლის საკვალიფიკაციო ეტაპის მორიგ მატჩს 10 ოქტომბერს, შინ გამართავს. ჰიდინკის გუნდი ყაზახეთის ნაკრებს მიღებს, რომელიც თავის მხრივ, ლატვიის ეროვნულ გუნდს უგოლოდ დაშორდა.

 

ჰიდინკი ჰოლანდიის ნაკრებს ჩაიბარებს

Posted on by ბექა დოგრაშვილი

ჰოლანდიის ფეხბურთის ფედერაციამ დაადასტურა ინფორმაცია იმის შესახებ, რომ ეროვნული ნაკრების მთავარი მწვრთნელის პოსტზე ლუი ვან გალს გუს ჰიდინკი შეცვლის.

მხარეებმა საბოლოო შეთანხმებას მიაღწიეს. 67 წლის სპეციალისტის სამწვრთნელო შტაბში დანი ბლინდი და რუდ ვან ნისტელროი შევლენ. ჰიდინკის კონტრაქტი ძალაში მსოფლიოს ჩემპიონატის დასრულების შემდეგ შევა და მიმდინარე წლის 1-ელი აგვისტოდან 2016 წლის ევროპის ჩემპიონატის დასრულებამდე იმოქმედებს.

შეგახსენებთ, რომ გუს ჰიდინკი ჰოლანდიის ეროვნულ ნაკრებს 1994–1998 წლებში თავკაცობდა. რაც შეეხება ვან გალს, ჰოლანდიელთა ამჟამინდელი თავკაცი მსოფლიოს ჩემპიონატის დასრულების შემდეგ, სავარაუდოდ, ინგლისის პრემიერლიგას მაშურებს და „ტოტენჰემ ჰოთსპურს“ ჩაიბარებს.

გარდა ამისა, გაირკვა ისიც, რომ ჰიდინკის კონტრაქტის ვადის ამოწურვის შემდეგ ჰოლანდიის ნაკრების თავკაცის პოსტზე დანი ბლინდი დაინიშნება, რომელიც, როგორც მოგახსენეთ, მანამდე გუნდის თავკაცის თანაშემწედ იმუშავებს. 52 წლის სპეციალისტმა უკვე მოაწერა ხელი ხელშეკრულებას, რომელიც 2016 წელს შევა ძალაში და 2018 წლამდე იმოქმედებს.

ბექა დოგრაშვილი