20 სექტემბერს, საფრანგეთის ჩემპიონატში, “მარსელმა” საკუთარ მოედანზე “ლიონი” მიიღო და ფრედ 1:1 ითამაშა.
მატჩის მიმდინარეობისას, “მარსელის” ფანები მატიე ვალბუენას უსტვენდნენ, მათ მისი საწინააღმდეგო ბანერებიც ჰქონდათ ჩამოკიდებული. ერთ-ერთ ეპიზოდში, როცა 30 წლის ფეხბურთელი კუთხურს აწვდიდა, მას ტრიბუნიდან სხვადასხვა ნივთები დაუშინეს, რის გამოც მატჩი რამდენიმე წუთით შეწყდა.
მოგეხსენებათ, ვალბუენა “მარსელის” ღირსებას რვა წლის განმავლობაში იცავდა, ფანებმა კი ის “ლიონში” გადასვლის შემდეგ მოღალატედ შერაცხეს.
