“ტოტენჰემისა” და “ლივერპულის” ყოფილ ნახევარმცველს, ჯეიმი რედნაპს სჯერა, რომ ედენ აზარი წლევანდელი ასპარეზობიდან გამომდინარე 15 მილიონიც არ ღირს.
“ფეხბურთში ყველაფერს ძალიან მალე ივიწყებენ. მთავარია აჩვენო, რომ კარგად თამაში შეგიძლია. აზარი ტოპ-კლასის ფეხბურთელია, თუმცა მან ეს მოედანზე უნდა დაამტკიცოს.
გასულ წელს ჩვენ მას რონალდოსა და მესის დონეზე ვაყენებდით, წელს კი მის სანაცვლოდ 15-20 მილიონსაც არ გადაიხდიან. აი ასე სწრაფად შეიძლება შეიცვალოს ყველაფერი. ”
„ბარსელონა“ – „ბაიერნის“ მატჩის დასრულების შემდეგ „სქაი სპორტსის“ ექსპერტმა ჯეიმი რედნაპმა მიუნხენელთა მთავარი მწვრთნელი ხოსეპ გვარდიოლა გააკრიტიკა.
„გვარდიოლა იმ კლუბში მუშაობს, რომელშიც ერთი მატჩის წაგების შემთხვევაში, სერიოზულ კრიტიკას მიიღებს. ახლა მასზე დიდი ზეწოლა იქნება.
როდესაც გვარდიოლამ ჰაინკესი შეცვალა, ყველამ იგრძნო, რომ ეს მისი ოცნების სამუშაოა. თუმცა, მან გუნდის მაღალ დონეზე აწევა ვერ შეძლო, პირიქით, პეპი გუნდის რეგრესს ხელს უწყობს.
საქმე იმაშია, რომ ლამისა და შვაინშტაიგერის მსგავსი ფეხბურთელები უკვე ასაკში არიან, ჩაბი ალონსო კი, ვერ გაახალგაზრდავდება.
სინამდვილეში, რთულია იმ გუნდის მიღება, რომელიც ჰეთთრიკს ასრულებს. მგონია, გვარდიოლას ბევრის შეცვლა სჭირდება, თუმცა მუდმივი ზეწოლის ქვეშ მუშაობა რთულია“, – განაცხადა რედნაპმა.
ინგლისის ნაკრების ექს-ნახევარმცველმა ჯეიმი რედნაპმა „მანჩესტერ იუნაიტედის“ მთავარი მწვრთნელის ლუი ვან გაალის მუშაობა შეაფასა.
„იმისთვის, რომ ანხელ დი მარია და რადამელ ფალკაო დაიმატო, აუცილებელი არაა დიდი მწვრთნელი იყო. „მანჩესტერ იუანტედის“ ნებისმიერი გულშემატკივარი იგივეს იზამდა, ამაში განსაკუთრებული არაფერია.
„ლესტერთან“ მატჩში დავრწმუნდით, რომ „იუნაიტედი“ ის გუნდი არ არის, რომელიც უნდა იყოს. „წითელ ეშმაკებს“ დაცვაში პრობლემები აქვთ, რადგან კლუბმა გამოცდილი ცენტრალური მცველი არ დაიმატა.
შუა კვირას მათ ჩემპიონთა ლიგის თამაში არ მოუწიათ, შესაბამისად, დაცვაში თამაშის გასაუმჯობესებლად გუნდს საკმარისი დრო ჰქონდა. პრემიერლიგის დებიუტანტისგან ხუთი გოლის გაშვებას არანაირი გამართლება არ აქვს“, – აღნიშნა რედნაპმა.
გასულ დღეებში, ლივერპულში ქველმოქმედების მიზნით ამხანაგური მატჩი გაიმართა, რომელშიც მონაწილეობა ყოფილმა ფეხბურთელმა ჯეიმი რედნაპმაც მიიღო.
