ჭდე: ლუის ენრიკე

ოფიციალურად: ლუის ენრიკე “ბარსელონას” დატოვებს

Posted on by იაკობ კაპანაძე

კატალონიური “ბარსელონას” ოფიციალური ვებ-გვერდის მიერ დადასტურებული ინფორმაციის მიხედვით, ლუის ენრიკე მიმდინარე სეზონის დასრულების შემდეგ კლუბის თავკაცის პოსტს დატოვებს.

შეგახსენებთ, რომ 46 წლის ლუის ენრიკე კატალონიურ კლუბს სათავეში 2014 წლის 19 მაისს ჩაუდგა. მისი კანდიდატურა დირექტორთა საბჭოს ანდონი სუბისარეტამ წარადგინა, რის შემდეგაც მხარეებს შორის 3-წლიანი კონტრაქტი გაფორმდა.

“ბარსელონას” მთავარი მწვრთნელის პოსტზე ყოფნისას, ლუის ენრიკემ ორჯერ მოახერხა ლა ლიგისა და კოპა დელ რეის ტურნირების მოგება, ერთხელ – ესპანეთის სუპერთასის, ჩემპიონთა ლიგის, უეფას სუპერთასისა და მსოფლიო საკლუბო ჩემპიონატის.

ჯერ-ჯერობით უცნობია, თუ ვინ დაიკავებს მის ადგილს.

ლუის ენრიკე: “ეს შედეგი სამართლიანია”

Posted on by კახა ყიფიანი

ჩემპიონთა ლიგის მერვედფინალში პარიზში, “პსჟ”-სთან განადგურების (0:4) შემდეგ, “ბარსელონას” მთავარმა მწვრთნელმ, ლუის ენრიკემ ჟურნალისტებთან ისაუბრა.

“შედეგი ნათლად ასახავს იმას, რაც მოედანზე ხდებოდა. მეტოქე აშკარად ჩვენზე უკეთესი იყო.”

“მოდით, ნუ დავკარგავთ დროს იმის განხვილვაზე, რაც ყველამ ვიცით. ფეხბურთი ემოციური სპორტია, რომელსაც მუდამ ახლავს სირთულეები და ბარიერები.”

“ამ შედგეს ჩემს თავზე ვიღებ.”

“პრესის წარმომადგენლები შეხვედრას ახლოდან არასდროს უყურებენ. მათ ამის საშუალება არ აქვთ. ჩვენ 4-3-3 წყობა 4-2-3-1-ით შევცვალეთ. ამის შემდეგ მესი უფრო ხშირად უნდა ყოფილიყო ბურთთთან და მას მეტი აეღო თავის თავზე. თუმცა, არც ამან არ გაამართლა.”

“პრესას ვთხოვ, რომ თქვენი ტონი ერთი და იგივე იყოს წაგებისა და მოგების დროს,” – განაცხადა ლუის ენრიკემ.

შეგახსენებთ, რომ ამ გუნდებს შორის განმეორებითი შეხვედრა 8 მარტს, უკვე ესპანეთის ქალაქ “ბარსელონაში”, “კამპ ნოუზე” შედგება.

ლუის ენრიკემ “ატლეტიკოსთან” გასამართ მატჩზე ისაუბრა

Posted on by იაკობ კაპანაძე

ესპანეთის თასის ნახევარფინალური ეტაპის პირველი მატჩის წინ, სადაც მადრიდის “ატლეტიკო” კატალონიის “ბარსელონას” უნდა დაუპირისპირდეს, ლუის ენრიკემ პრესასთან რამდენიმე საინტერესო საკითხზე ისაუბრა.

“ატლეტიკოსთან” თამაშის გამოცდილება ნამდვილად გვაქვს – გასულ სეზონში ჩვენ ჩემპიონთა ლიგაზეც გადავეყარეთ ერთმანეთს, ამიტომაც, ჩვენთვის ეს პირველი ორმატჩიანი დაპირისპირება არ იქნება.

არამგონია, სიმეონე ტაქტიკის შეცვლაზე მუშაობდეს და არც მე ვაპირებ თამაშის სტილის შეცვლას. მაქსიმალურად ვეცდებით, რომ მთელი 180 წუთის მანძილზე ვიბრძოლოთ.

ჩვენი მიზანი ყველასათვის ნათელია – უნდა მოვიგოთ, მეტოქეზე მეტი გოლი უნდა გავიტანოთ და ისინი ზეწოლის ქვეშ უნდა ვამყოფოთ. რაც ძალიან რთული იქნება,” – განაცხადა ესპანელმა სპეციალისტმა.

ლუის ენრიკე: “სამი კვირის წინ “ბარსელონას” პრესკონფერენცია დაკრძალვას ჰგავდა”

Posted on by კახა ყიფიანი

29 იანვარს, 15:00 საათზე პრიმერა დივიზიონის მე-20 ტურში “ბეტისი” “ბარსელონას” მიიღებს. კატალონიელთა მთავარმა მწვრთნელმა, ლუის ენრიკემ მატჩისწინა კონფერენცია გამართა.

“სამი კვირის წინ, “ბარსელონას” პრესკონფერენციაზე რომ შემოსულიყავით, თავი დაკრძალვაზე გეგონებოდათ. ახლა კი ყველაფერი შეიცვალა. გუნდმა თავდაჯერება და რწმენა განიმტკიცა,რაც ბოლო თამაშების ხარსიხზე და შედეგზე აისახა.”

“ამჟამად აბსოლუტურუად კონცენტრირებულნი ვართ “ბეტისზე”. აუცილებლად გვმართებს სამი ქულის მოპოვება. ლიდერ გუნდებთან ახლოს ვართ. ყველაფერი შესაძლოა მოხდეს, ასე რომ შეცდომის დაშვების უფელბა არ გვაქვს.”

“არაა გამორიცხული, რომ სულ მალე ჩვენ აღმოვჩნდეთ მოწინავე პოზიციებზე,” – განაცხადა ლუის ენრიკემ.

 

ლუის ენრიკე: “ჩვენი თამაში იდეალურისგან ჯერ კიდევ ძალიან შორსაა”

Posted on by იაკობ კაპანაძე

კატალონიური “ბარსელონას” მთავარმა მწვრთნელმა, “ეიბართან” გასვლაზე მოპოვებული გამარჯვების შემდეგ (0-4), პრესასთან გუნდის ამჟამინდელ ფორმაზე ისაუბრა.

“ძალიან კმაყოფილი და ბედნიერი ვარ ჩემი გუნდის თამაშით. კარგი შედეგები ყოველთვის პოზიტიურად განგვაწყობენ მომავლისადმი და ფეხბურთელებიც უფრო თავდაჯერებულები ხდებიან.

მაგრამ, ყველაფრის მიუხედავად, ჩვენი მიზნების მისაღწევად კიდევ ბევრი მუშაობა მოგვიწევს. ჩვენი თამაში იდეალურისაგან ჯერ კიდევ ძალიან შორსაა.

20-25 წუთის მანძილზე, “ეიბარის” ზეწოლას ვერაფერს ვუხერხებდით. მართალია, საერთო ჯამში კარგად ვითამაშეთ, მაგრამ ეს მომენტიც გასათვალისწინებელია. “

ლუის ენრიკე: “იმედი მაქვს, ნეიმარი მშრალ სერიას შეწყვეტს”

Posted on by კახა ყიფიანი

კატალონიის “ბარსელონას” ფეხბურთელს, ნეიმარს მიმდინარე სეზონში ჩატარებულ 19 შეხვედრაში, მხოლოდ და მხოლოდ, 6 გოლი აქვს გატანილი. მას ჩემპიონთა ლიგაზე “მანჩესტერ სიტისთან” მოგებული ( 4:0) შეხვედრის შემდეგ მეტოქის კარის ბადე აღარ შეურხევია. საბოლოო ჯამში, ბრაზილიელი შემტევის მშრალი სერია ათ დაპირისპირებას ითვლის.

კატალონიელები კვირას პრიმერა დივიზიონის მე-17 ტურის შეხვედრაში “ვილიარეალს” დაუპირისპირდებიან. “ბლაგურნას” მთავარმა მწვრთნელმა, ლუის ენრიკემ ნეიმარის წარუმატებელ მატჩებზე ისაუბრა და იმედი გამოთქვა, რომ ამჟამად იგი გატანას შეძლებს.

“ნეიმარი შესანიშნავ ფორმაშია. ბრაზილიელს თუ რამე გამოარჩევს, ეს მისი სიმტკიცეა და ის თვისება, რომლითაც იგი რთულ სიტუაციებს ლახავს.”

“მას ამ სეზონში ძალიან ბევრი გოლის გატანა სურს. მართალი ახლა მშრალი სერი აქვს, თუმცა ყველაფერს პოზიტიურად უნდა შევხედოთ. ნეიმარი ლაღად მოთამაშე სპორტსმენია და მისგან ძალიან ცოტა ნეგატიურს უნდა ველოდოთ. დარწმუნებული ვარ, ის მალე გაიტანს და,ზოგადად, შესანიშნავი სეზონი ექნება,” – განაცხადა ლუის ენრიკემ.

ლუის ენრიკე: “მსნ” ახლა უფრო კარგ ფორმაშია, ვიდრე – არდადეგებამდე”

Posted on by კახა ყიფიანი

6 იანვარს, თბილისის დროით 00:15 საათზე ესპანეთის სამეფო თასზე ბილბაოს “ატლეტიკი” კატალონიის “ბარსელონას” მიიღებს.

სტუმრების მთავარმა მწვრთნელმა, ლუის ენრიკემ 2017 წლის პირველი შეხვედრის წინ ჟურალისტებთან კომენტარი გააკეთა.

“ძალიან საჭირო და სასიამოვნო არდადეგები გვქონდა. თუმცა, როცა ვარჯიშს დავუბრუნდით, გაკვირვებული დავრჩი ჩემი ფეხბურთელების ფორმით. ისინი გაცილებით უკეთეს კონდინციებში არიან ახლა, ვიდრე სეზონის პირველ ნახევარში.”

“მინდა, შევეხო შემტევ ტრიოს: მესის, სუარესსა და ნეიმარს… ძალიან მოხარული დავრჩი, როცა ისინი კიდევ უფრო კარგ ფორმაში ვიხილე. ზოგადად, მთელი გუნდი შესანიშნავად გამოიყურება.”

“არ აქვს აზრი, როდის ვეთამაშებით “ატლეტიკს”. წლის დასაწყისში, შუაში თუ ბოლოში. ბასკების წინააღმდეგ ასპარეზობა ყოველთვის და ყველგან რთულია.”

“მეტოქეს კარგად ვიცნობთ. ეს მატჩი გვიჩვენებს თუ რამდენად ძლიერები არიან ისინი ჩვენს წინააღმდეგ. ვფიქრობ, სიანტერესო დაპირისპირება გამოვა.”

“ატლეტიკს” შესანინავად გამოსდის პრესინგის თამაში. ასევე, ბასკები არ უფრთხიან ცარიელი ზონების დატოვებას და შეტევაში სწრაფად გადასვლას. ასეთი მეტოქის წინააღმდეგ კი ადვილი გასეირნება ნამდვილად არ გველის,” – განაცხადა ლუის ენრიკემ.

ლუის ენრიკე: “ვუჭერ თუ არა მხარს ფეხბურთში ვიდეო რეფერის დანერგვას?”

Posted on by იაკობ კაპანაძე

“ბარსელონას” მთავარმა მწვრთნელმა, ლუის ენრიკემ ჟურნალისტებთან “ესპანიოლთან” გასამართ მატჩსა და ფეხბურთში ვიდეოგამეორებების შემოტანაზე ისაუბრა.

“მეტოქეს საკმაოდ ძლიერი გუნდი ჰყავს, რომელსაც საგოლე შანსების შექმნა ნამდვილად გამოსდის. კარში კი მათ ლოპესი უდგათ, რამაც შესაძლოა მატჩში გადამწყვეტი როლიც ითამაშოს.

რაც შეეხება ვიდეო რეფერის, მე მხარს ვუჭერ ყველაფერს, რაც მსაჯების დახმარებას ითვალისწინებს.

ვფიქრობ, ფეხბურთი სწორი გზით ვითარდება. რა თქმა უნდა, გარკვეული საზღვრები უნდა არსებობდეს და ეს ტექნოლოგიაც მხოლოდ განსაზღვრულ შემთხვევებში უნდა იქნას გამოყენებული. თუმცა, ვიმეორებ, რომ მე მხარს ვუჭერ ყველაფერს, რაც გაუგებრობის თავიდან აცილებასა და მსაჯების დახმარებას ითვალისწინებს.”

ლუის ენრიკე: “მესი ძალიან ცუდ ფორმაში იყო”

Posted on by იაკობ კაპანაძე

“ბარსელონას” მთავარმა მწვრთნელმა, ლუის ენრიკემ იმ მიზეზებზე ისაუბრა, რის გამოც “მალაგასთან” ფრედ დასრულებული მატჩის დაწყებამდე ლეო მესის განაცხადიდან “ამოგდება” გახდა საჭირო.

“მესი ძალიან, ძალიან ცუდ ფორმაში უნდა იყოს, თამაში რომ გამოტოვოს – სხვა შემთხვევაში ეს არ მოხდებოდა. მაგრამ, ახლა ყველაფერი კარგად არის, მან უკვე დაიწყო რეაბილიტაციის პროცესი.

მართალია, მესი დავკარგეთ, ისევე როგორც სუარესი, მაგრამ თამაშებს გუნდი იგებს და არა კონკრეტული ფეხბურთელები.

ფეხბურთელებმა ყველაფერი კარგად გააკეთეს, მსგავსად ფანებისა, თუმცა რას ვიზამთ. მათი ათივე ფეხბურთელი საკუთარ საჯარიმოს იყო მიჯაჭვული, სივრცეების შექმნა თითქმის შეუძლებელი იყო.

ქულების დაკარგვა დაგეგმილი არ გვქონდა, ამიტომაც არიან ჩემი ფეხბურთელები ასეთი განაწყენებულები.”

წლის საუკეთესო მწვრთნელის წოდებისთვის მებრძოლი 10 სპეციალისტის ვინაობა ცნობილია

Posted on by იაკობ კაპანაძე

ფეხბურთის საერთაშორისო ორგანიზაციამ (FIFA) იმ 10 სპეციალისტის სია გამოაქვეყნა, რომელიც 2016 წლის საუკეთესო მთავარი მწვრთნელის სტატუსისთვის იბრძოლებს.

აღსანიშნავია, რომ სიაში პრემიერ ლიგის 4 სპეციალისტი მოხვდა – კლაუდიო რანიერი (“ლესტერი”), პეპ გვარდიოლა (“სიტი”), იურგენ კლოპი (“ლივერპული”) და მაურისიო პოჩეტინო (“ტოტენჰემი”). ლა ლიგას კი 3 წარმომადგენელი ჰყავს – ლუის ენრიკე (“ბარსელონა”), ზინედინ ზიდანი (“რეალი”) და დიეგო სიმეონე (“ატლეტიკო”).

ნაკრებში ჩატარებული ბრწყინვალე სამუშაო დაუშავეს ქრის კოულმენსაც, რომელიც დიდიე დეშამთან (საფრანგეთი) და ფერნანდო სანტუშთან (პორტუგალია) იბრძოლებს ამ წოდებისთვის.

გთავაზობთ სრულ სიას: ქრის კოულმენი (უელსი); დიდიე დეშამი (საფრანგეთი); ლუის ენრიკე (“ბარსელონა”); პეპ გვარდიოლა (“ბაიერნ მიუნხენი”, “მანჩესტერ სიტი”); იურგენ კლოპი (“ლივერპული”); მაურისიო პოჩეტინო (“ტოტენჰემ ჰოტსპური”); კლაუდიო რანიერი (“ლესტერ სიტი”); ფერნანდო სანტუში (პორტუგალია); დიეგო სიმეონე (“ატლეტიკო მადრიდი”); ზინედინ ზიდანი (“რეალ მადრიდი”).

ლუის ენრიკე: “კრიტიკოსებს გვარდიოლას წარმატებების შურთ”

Posted on by იაკობ კაპანაძე

კატალონიური “ბარსელონას” მთავარი მწვრთნელი ლუის ენრიკე პეპ გვარდიოლას გამოექომაგა, რომლის “მანჩესტერ სიტიც” უკვე ანტირეკორდებს ამყარებს.

“გვარდიოლას კრიტიკოსებს მინდა ვუთხრა, რომ მოგებას გააგრძელებს, კვლავ მოიგებს ტიტულებს. ამაში დარწმუნებული ვარ.

ბუნებრივია, რომ ეს ადამიანები მუდმივად ცდილობენ პეპის გაკრიტიკებას, რადგანაც მათ შურთ იმ ადამიანების, რომლებიც ყოველტვის იგებენ…

ამასთანავე, პეპი კარგი ფეხბურთის თამაშით მიაღწევს ამ ყველაფერს. მჯერა, რომ მისი ფილოსოფია და მოსაზრებები სწორია და რომ ბოლოს მაინც ის გაიმარჯვებს. წარმატებამდე მათემატიკას არ მივყავართ.”

ძამბროტა: “გვარდიოლას “ბარსელონაში” უფრო დიდი ფეხბურთელები იყვნენ, ვიდრე ახლანდელში”

Posted on by იაკობ კაპანაძე

კატალონიური “ბარსელონას” ექს-მცველს, ჯანლუკა ძამბროტას ეეჭვება, არის თუ არა ამჟამინდელი “ბარსელონა” უკეთესი პეპ გვარდიოლას დროის “ბლაუგრანაზე”.

“რთული სათქმელია (რომელი გუნდია უკეთესი), ორივე გუნდს ჰყავდა ნიჭიერი, დიდებული ფეხბურთელები.” – განაცხადა ძამბროტამ Omnisport-თან საუბრისას.

“შესაძლოა, გვარდიოლას “ბარსელონას” უფრო მეტი მსოფლიო-დონის ფეხბურთელები ჰყავდა.

შესაძლოა, იმ გუნდში უფრო მეტი ფეხბურთელი იყო “ლა მასიადან”, მაგრამ ფილოსოფია ერთი და იგივე იყო – შემტევი ფეხბურთი და ეს არც ლუის ენრიკეს მოღვაწეობისას შეცვლილა.”