ჭდე: ესტონეთი

უგოლო პირველი ტაიმის შემდეგ ესტონეთსა და საქართველოს ნაკრებების ამხანაგური მატჩის მეორე ნახევარში მასპინძლებმა კახა ცხადის გუნდის კარში სამი გოლი გაიტანეს.

მეორე ტაიმის პირველივე წუთიდან ცხადაძემ ორმაგი ცვლილება გამოიყენა, ვაწაძის ნაცვლად ბაჩანა ცხადაძე გამოვიდა, ნავალოვსკი – ჭანტურიამ შეცვალა. სათქმელია, რომ უკვე 46-ე წუთზე ორივე ახლადგამოსულმა ფეხბურთელმა თავი გამოიჩინა – მარჯვენა ფლანგიდან ჭანტურიამ ბურთი ჩინებულად ჩააწოდა, ცხადაძის ზუსტი თავური კი მეკარემ ახლო მანძილიდან მოიგერია.

61-ე წუთზე ატს პურიემ ბურთი საქართველოს ნაკრების საჯარიმოში მიიღო, ერთდროულად სამ ქართველს აჯობა და ზუსტადაც დაარტყა – 1:0. სამ წუთში მარცხნიდან ჩაწოდებულს ქართველთა საჯარიმოში არტურ პიკი გამოეხმაურა, რომელმაც ახლო მანძილიდან ერთი შეხებით ლორიას კარი აიღო – 2:0.

სათქმელია, რომ 68-ე წუთზე საქართველოს ნაკრების რიგებში მოედანზე ლუკას ჰუფნაგელი გამოვიდა, მან გია გრიგალავა შეცვალა. სამწუხაროდ, დებიუტანტმა მიღებულ სათამაშო დროში ღირებული ვერაფერი გააკეთა.

ოც წუთში ჩვენი ნაკრების საჯარიმოში ამჯერად ბურთი გუსევმა მიიღო, რომელმაც ხისტი მოძრაობით კაშია და კაკაბაძე ერთდროულად მოატყუა, ბოლოს კი ლორიასაც აჯობა – 3:0. სამწუთში გუსევს დუბლის შესრულებად შეეძლო, მაგრამ მისი დარტყმული ოდნავ არაზუსტი გამოდგა.

საბოლოოდ, 3:0 და საქართველოს ნაკრების ესტონეთში ვიზიტი მეტად წარუმატებელი აღმოჩნდა.

ესტონეთის დედაქალაქ ტალინში ესტონეთისა და საქართველოს ნაკრებების ამხანაგური მატჩის პირველი ტაიმი უგოლოდ დასრულდა.

პირველი სახიფათო მომენტი მე-15 წუთზე შეიქმნა – თავიდან შორიდან მეტოქის კარს კობახიძემ დაუმიზნა, რომლის დარტყმული მეკარემ მოიგერია, შემდეგ კი, დანიშნული კუთხურის შემდეგ, ამჯერად კაშიამ თავით დაარტყა – ესტონელთა გოლკიპერმა ამჯერადაც ივარგა და ბურთი მოიგერია.

მე-19 წუთზე კამსს საქართველოს ნაკრების კარში გატანა შეეძლო, პირველად მისი დარტყმული ლორიამ მოიგეირა, დამატებაზე ესტონელს ნავალოვსკიმ აჯობა და ბურთი მოიშორა.

28-ე წუთზე ვასილიევმა მარჯვენა ფლანგიდან ჯარიმის შესრულებისას ჩაწოდებას ზუსტად კარში დარტყმა ამჯობინა. საბედნიეროდ, ლორიამ დროულად რეაგირება მოასწრო და ბურთს დაეუფლა.

37-ე წუთზე იმავე ვასილიევმა ამჯერად საპირისპირო ფლანგიდან ჩააწოდა, თუმცა კამსმა ზუსტად დარტყმა ვერ მოახერხა.