ჭდე: კევინ ლავი

კევინ ლავის „კლივლენდ კავალიერსში“ გადასვლამდე რამდენიმე საათით ადრე „ფინიქს სანსი“ „მინესოტა ტიმბერვულვზს“ ვარკსვლავის სანაცვლოდ უკანახაზელ ერიკ ბლედსოუს სთავაზობს, რის შესახებაც ESPN.com-ი წერს.

შეგახსენებთ, რომ „ტიმბერვულვზმა“ ლავი „კლივლენდში“ ენდრიუ უიგინსის, ენტონი ბენეტისა და 2015 წლის დრაფტის პირველ რაუნდში არჩევანის გაკეთების უფლების სანაცვლოდ გაუშვა. თუმცა აღნიშნული გაცვლა ლიგის წესების მიხედვით, 23 აგვისტომდე ვერ დადასტურდებოდა.

„იაჰუ სპორტსის“ ინფორმაციით, „მინესოტა ტიმბერვულვზმა“ ენდრიუ უიგინსის, ენტონი ბენეტისა და 2015 წლის დრაფტის პირველ რაუნდში არჩევანის უფლების გაკეთების სანაცვლოდ კევინ ლავის „კლივლენდ კავალიერსში“ გაშვებას დათანხმდა. გარდა ამისა, ლავი და „კავალიერსი“ შეთანხმდნენ, რომ შემდეგი წლის ზაფხულს ხუთწლიან კონტრაქტს გააფორმებენ, ხოლო მოთამაშის ხელფასი 120 მილიონ დოლარს შეადგენს.

„კლივლენდში“ უიგინსის 23 აგვისტომდე დამატებას ვერ შეძლებს, რადგან ეროვნული საკალათბურთო ასოციაციის წესები კონტრაქტის გაფორმების მომენტიდან 30 დღემდე ახალწვეულთა გაცვლას კრძალავენ.

აქამდე გავრცელებული ინფორმაციით, აღნიშნულ გაცვლაში „ფილადელფია სიქსერსი“ მონაწილეობას არ მიიღებს.

„მინესოტა ტიმბერვულვზის“ ხელმძღვანელობა აგვისტოს ბოლომდე ფორვარდ კევინ ლავის გაცვლას აპირებს. ამის შესახებ კლუბის მფლობელმა გლენ ტეილორმა „Pioneer Press“-ს უამბო.

„სავარაუდოდ, ეს ასე იქნება, რადგან კევინს წასვლა სურს. ვფიქრობ, თუ მას გავუშვებთ, კლუბში ერთდროულად რამდენიმე მოთამაშე გამოჩნდება, რომელსაც თავის გამოჩენა შეეძლება. ფლიპ სონდერსმა ჩვენი გუნდის პოტენციალი შეაფასა – თავდასხმის მხვრივ, ძლიერი გუნდი ვართ. რაც შეეხება დაცვას, ამ კომპონენტში უნდა მოვიმატოთ, ასე რომ, ცვლილებებს, პირველ რიგში ამ მხვრივ ელოდეთ“, – განაცხადა ტეილორმა.

ცნობისთვის, „მინესოტა“ ლავის თაობაზე მოლაპარაკებას ამჟამად „კლივლენდ კავალიერსთან“, „გოლდენ სტეიტ უორიორსთან“ და „ჩიკაგო ბულზთან“ აწარმოებს.

ბოლო დროს პრესა „მინესოტა ტიმბერვულვზის“ ლიდერის კევინ ლავის სხვა კლუბში გადასვლის შესახებ წერს. იყო ინფორმაცია იმის თაობაზეც, რომ მისი შეძენა ერთდროულად 16 კლუბის ხელმძღვანელს სურს.

აღნიშნულ საკითხთან დაკავშირებით „გოლდენ სტეიტ უორიორსის“ უკანახაზელის კლეი ტომპსონის მამამ მაიკლ ტომპსონმა ისაუბრა.

„ESPNLA710“-ს ეთერში უფროსმა ტომპსონმა განაცხადა, რომ კევინ ლავი უახლოეს მომავალში მისი შვილის ამჟამინდელ გუნდში გადავა, ხოლო თავად კლეი დევიდ ლისთან ერთად სწორედ „მინესოტაში“ გადაბარგდება.