კატალონიის “ბარსელონას” ბოსები ფიქრობენ, რონ მერსესაიდის “ლივერპულის” ფეხბურთელი, კოუნტინიო იდეალურად მოერგება მათ გუნდს. მაგრამ რა მოხდება, თუ “ბლაგურნას” მესვეურები საკმარის თანხას ვერ გადაიხდიან?
ომარ მომანიმ ასეთი გამოსავალი მოძებნა.
ჭდე: კლოპი
ფილიპე კოუტინიომ “ლივერპულთან” კონტრაქტი გაახანგძლივა
ფილიპე კოუტინიომ “ლივერპულთან” კონტრაქტი გაახანგძლივა. შემტევი ნახევარმცველი მერსესაიდულ კლუბში 2022 წლამდე დარჩება. ასევე, ის ლივერპულელთა ყველაზე მაღალანაზღაურებადი წევრი გახდა – ბრაზილიელი ფეხბურთელი კვირაში 150 000 ფუნტ სტერლინგს მიიღებს.
კოუტინიოს შეძენა კატალონიის “ბარსელონასა” და “პარი სენ-ჟერმენს” სურდათ, “ლივერპულმა” კი გუნდის ერთ-ერთ ლიდერთან მოლაპარაკებები მალევე დაასრულა.
“ძალიან მიხარია, რომ კონტრაქტი გავახანგძლივე. კიდევ უფრო მეტს ვიშრომებ იმისათვის, რომ კლუბს ნდობისათვის მადლობა გადავუხადო.
“ლივერპული” ბრწყინვალე და მსოფლიოს ერთ-ერთი ყველაზე დიდი კლუბია. აქ ყველაფერია იმისათვის, რომ მომავალში წარმატებას მიაღწიო. ჩვენ თავს ამ ქალაქის ნაწილად ვგრძნობთ, ეს კი ჩემთვის, ჩემი მეუღლისა და შვილისათვის მნიშვნელოვანია”, – ციტირებს კოუტინიოს სიტყვებს “ლივერპულის” ოფიციალური ვებ-გვერდი.
შეგახსენებთ, რომ კოუტინიო “წითლებში” 2013 წელს მილანის “ინტერიდან” გადავიდა.
დაბრუნდება თუ არა კოუნტინიო “სიტისთან” შეხვედრაში?
“ლივერპულის” ფეხბურთელმა, ფილიპე კოუნტინიომ 26 ნოემბერს “სანდერლენდის” წინააღმდეგ შეხვედრაში ტრავმა მიიღო და მის შემდეგ აღარ უთამაშია.
მერსესაიდული გუნდის მთავარმა მწვრთნელმა, იურგენ კლოპმა კოუნტინიოს დაბრუნებაზე ისაუბრა.
“31 დეკემბერს “მანჩესტერ სიტისთან” რთული დაპირისპირება გველის. ზუსტად ვიცი, რომ კუნტინიო ამ მატჩში ვერ მიიღებს მონაწილეობას. ალბათ, ბრაზილიელს ვერც შემდეგ შევხერაში, “სანდერლენდის” წინააღმდეგ ვიხილავთ,” – განაცხადა გერმანელმა სპეციალისტმა.
ჰალსტენბერგი: “ლაიფციგი” კლოპის “ბორუსიას” წააგავს”
მარსელ ჰალსტენბერგის, ბუნდესლიგის მფრინავი “ლაიფციგის” ფეხბურთელის თვალსაზრისით, თავისი გუნდი დაახლოებით ისეთივე ტიპის ფეხბურთს თამაშობს, რომელსაც იურგენ კლოპი ერთ დროს “ბორუსიას” ათამაშებდა.
“ლაიფციგი” ისეთივენაირად თამაშობს ფეხბურთს, როგორაც იურგენ კლოპი ათამაშებდა “დორტმუნდს”.
“ლაიფციგში” მომუშავე ხალხი ახალგაზრდების მუშაობას ძალიან დიდ ყურადღებას აქცევს. მომდევნო მატჩისთვის მაქსიმალურად ვემზადებით და ყველანაირი სახის ცვლილებისთვის ვართ მზად.
შეუძლებელია იმის წარმოდგენა, თუ რამდენად პროფესიონალურ სამუშაოს ასრულებენ აქ. დორტმუნდელთა მეორე გუნდში ვთამაშებდი და სხვაობა ნამდვილად შესამჩნევია.”
იურგენ კლოპმა სადიო მანეს შემცვლელი იპოვა
Daily Star-ის ჟურნალისტები ირწმუნებიან, რომ “ლივერპულის” მთავარი მწვრთნელი, იურგენ კლოპი ზამთარში სადიო მანეს ჩანაცვლებას აპირებს, რომელიც მსოფლიო ჩემპიონატის საკვალიფიკაციო ეტაპზე თამაშის გამო, მერსესაიდელებს ერთ თვეზე მეტი ხნის მანძილზე დააკლდება.
წყაროს ცნობით, გერმანელმა სპეციალისტმა თვალი “რენის” 24 წლის შემტევს, პოლ-ჟორჟ ნტეპს დაადგა, რომელსაც კლუბთან არსებული კონტრაქტი მიმდინარე სეზონის ბოლოს ეწურება. ასე რომ, ფრანგული კლუბის ხელმძღვანელებს ისღა დარჩენიათ, შესაფერისი წინადადების მიღებისთანავე გაყიდონ ფრანგი თავდამსხმელი.
აქვე გეტყვით იმასაც, რომ საფრანგეთის ეროვნული ნაკრების წევრის გადაბირებით “ლივერპულთან” ერთად “არსენალი”, “საუთჰემპტონი” და “უოტფორდიცაა” დაინტერესებული.
წლევანდელ სეზონში ნტეპმა, რომელსაც მარჯვენა ფლანგზე ეხერხება თამაში, ცხრაჯერ მოირგო “რენის” მაისური და 3 ასისტიც ჩაიწერა აქტივში.
Mundo Deportivo: “ლივერპული” “ატლეტიკის” ფორვარდის გადაბირებას ცდილობს
ესპანური Mundo Deportivo ავრცელებს ინფორმაციას, რომლის თანახმადაც იურგენ კლოპი ბილბაოს “ატლეტიკის” ფორვარდის, ინაკი უილიამსის გადაბირებით არის დაინტერესებული.
გამომდინარე იქიდან, რომ “ლივერპულის” მთავარ მწვრთნელს არ სურს ხელიდან გაუშვას ფეხბურთელი, რომელსაც მომავალში განვითარების ბრწყინვალე პერსპექტივა გააჩნია, ის 22 წლის ესპანელი გაფორმებას ზამთარშივე ეცდება.
უილიამსსა და “ბილბაოს” შორის არსებულ კონტრაქტში მითითებულია, რომ ფეხბურთელის გამოსყიდვა მხოლოდ 50 მილიონი ევროს გადახდის შემდეგაა შესაძლებელი, თუმცა “ენფილდელებს” სჯერათ, რომ ესპანელებთან სხვაგვარი შეთანხმების მიღწევასაც შეძლებენ.
კარიკატურა: მოურინიოს ღამის ავტობუსი (ფოტო)
გუშინ “ენფილდზე” “ლივერპულისა” და “მანჩეტსერ იუნაიტედის” დაპირისპირება შედგა, რომელიც უგოლო ფრით დასრულდა.
მეორე ტაიმში კლოპის შეგირდები გააქტიურდნენ, რის გამოც მოურინიოს “წითელ ეშმაკებს” უკან დახევა მოუწიათ; ისინი უკან იდგნენ და კონტრშეტევისთვის მომენტს ელოდებოდნენ. ეს ყველაფერი მაშინვე მოურინიოს ცნობილ “ავტობუსთან” გააიგივეს.
ომარ მომანმა ეს ფაქტი ასე გადმოგვცა
კლოპი: “სუონსისთან” ქულები აღარ უნდა დავკარგოთ”
იურგენ კლოპმა ფრანჩესკო გვიდოლინის “სუონსისთან” გასამართ დაპირისპირებამდე გასული სეზონის მატჩი გაიხსენა, რომელშიც მერსესაიდელები ორბურთიანი სხვაობით, 3-1 დამარცხდნენ.
“გასული სეზონის მატჩებთან პარალელები არ უნდა გავავლოთ. “ვილიარეალთან” თამაშის შემდეგ, გასვლაზე გვიწევდა “სუონსისთან” თამაში, რომელიც დავთმეთ.
როგორც მახსოვს, ძალიან რთული კვირა გვქონდა, ბევრი ცვლილების განხორციელება მოგვიხდა. იმ მომენტში ეს ჩვენთვის ზედმეტი იყო. “სუონსისთან” თამაში ცუდ დროს მოგვიწია.
ახლა კი ქულები აღარ უნდა დავკარგოთ, ეს აღარ გვეპატიება.” – განაცხადა კლოპმა, რომლის გუნდიც 13 ქულით პრემიერ ლიგის სატურნირო ცხრილში მე-4 პოზიციას იკავებს 6 ტურის შემდეგ.
ვეინალდუმი: “კლოპი რაღაც განსაკუთრებულის შექმნას ცდილობს”
ინგლისური “ლივერპულის” ჰოლანდიელ ახალწვეულს, ჯორჯინიო ვეინალდუმს სჯერა, რომ იურგენ კლოპი “ლივერპულთან” ერთად დიდ წარმატებას მიაღწევს და ბედნიერია, რომ ინგლისური კლუბის ნაწილი გახდა.
“ლივერპულს” ძალიან ნიჭიერი გუნდი ჰყავს დიდებული მწვრთნელით. პირველივე შეხვედრისას (კლოპთან) მივხვდი, რომ ის “ლივერპულში” რაღაც განსაკუთრებულის შექმნას ცდილობდა.
ვიცოდი, რომ ეს კლუბი ჩემთვის შესაფერისი იყო. უზომოდ ბედნიერი ვარ, რომ ამ კლუბის ნაწილი მაქვს. ღმერთს ამისთვის მადლობას ვუხდი.
ჩვენი გეგმა? ჩვენ ყოველთვის ვცდილობთ, რომ პირველ ნომრად ვითამაშოთ, თამაში ვაკონტროლოთ მიუხედავად იმისა, თუ ვინ არის ჩვენი მეტოქე. სწორედ ამისთვის ვვარჯიშობთ ამდენს.”
რობერტო ფირმინო “ლივერპულის” ნეიმარობას აპირებს
ინგლისური “ლივერპულის” ბრაზილიელ ფორვარდს იმედი აქვს, რომ მერსესაიდული კლუბისთვის ისეთივე სამუშაოს შეასრულებს, როგორსაც მისი თანამემამულე ასრულებს “ბარსელონასთვის”.
“კლოპის გუნდის წინააღმდეგ ოთხწელ-ნახევარის განმავლობაში მიწევდა თამაში (ბუნდესლიგაში). ” – განაცხადა “ჰოფენჰაიმის” ყოფილმა ფორვარდმა Daily Mail-თან საუბრისას.
ვიცი რას ითხოვს ის ფეხბურთელებისაგან. როდესაც გავიგე, რომ ის “ლივერპულში” მოდიოდა, ძალიან გამიხარდა, უზომოდ ბედნიერი ვიყავი. იურგენმა გუნდში გერმანული სტილი შემოიტანა, გუნდმა კი ადაპტაციის პროცესი საკმაოდ მალე გაიარა.
ჩვენ ძალიან კარგი მეგობრობა გვაკავშირებს. ის დიდებული პიროვნებაა. თუ ყველაფერს ისე გააკეთებ, როგორც ის გეტყვის, მაშინ ყველაფერი ბრწყინვალედ იქნება. შეუძლია თუ არა გამხადოს “ლივერპულის” ნეიმარი? ეს ჩემზეა დამოკიდებული.”
მოურინიო: “მათი ქცევა არაეთიკურია”
მიმდინარე სატრანსფერო ფანჯარაზე პოლ პოგბას აქტიურად უკავშრებენ “მანჩესტერ იუნაიტედს”. ინგლისელები მზად არიან ფრანგ მოთამაშეში ასტრონომიული, არაამქვეყნიური თანხა – 100 მილიონი ფუნტი გადაიხადონ. ამასთან დაკავშირებით არსენ ვენგერმა და იურგენ კლოპმა განაცხადეს, რომ ამდენი ფულის გადახდა ერთ მოთამაშეში ფეხბურთის შეურაცხყოფაა.
ჟოზე მუორინიომ “არსენალისა” და :ლივერპულის” დამრიგებლების განცხადებას უპასუხა: “მათი ნათქვამი არაეთიკურია. მე მსგავს რამეს არასდროს ვიტყვი. პოლ პოგბა შესანიშნავი მოთამაშეა!”
” ჩვენ ახლა 22 ფეხბურთელი გვყავს. იცით, რა? სულ მალე 23 გვეყოლება. სატრანსფერო ფანჯარა 31 აგვისტოს იხურება. ყველაფერს ვაკეთებთ იმისთვის, რომ ფრანგი 14 რიცხვამდე გადმოვიბიროთ,” – განაცხადა სეუ ჟოზემ.
“ლივერპულმა” “მილანი” დაამარცხა (ვიდეო)
დღეს გამთენიისას “ჩემპიონთა საერთაშორისო თასზე” გაიმართა “ლივერპულისა” და “მილანის” დაპირისპირება.
შეხვედრის პირველმა ნახევარმა ინგლისელების უპირატესობით ჩაიარა, თუმცა მათ იტალიელების კარის აღება ვერ მოახერხეს.
მეორე ტაიმში, 59-ე წუთზე დივოკ ორიჯიმ ალბერტო მორენოს პასით ანგარიში გახსნა. ხოლო, 73-ეზე რობერტო ფირმინომ ნომინალური მასპინძლების უპირატესობა ორამდე გაზარდა და საბოლოო ანგარში – 2:0 დააფიქსირა ტაბლოზე.