7 იანვარს ინგლისის ასოციაციის შეხვედრები შედგა. ერთ-ერთ მატჩში “მანჩესტერ იუნაიტედმა” “რედინგი” მიიღო და მეტოქე, ანგარიშით, 4:0 გაანადგურა.
დაპირისპირებაში მე-7 წუთზე ანგარიში უეინ რუნიმ გახსნა. საგულისხმოა, რომ ინგლისელი ფეხბურთელისთვის ეს გოლი “წითელი ეშმაკების” რიგებში 249-ე აღმოჩნდა. რუნი ამ მაჩვენებლით ლეგენდარულ ბობი ჩარლტონს გაუთანაბრდა.
ომარ მომანიმ უეინის მიღწევა ასე წარმოგვიდგინა
ინგლისელ თავდამსხმელ უეინ რუნის ინგლისის ნაკრების ყველა დროის საუკეთესო ბომბარდირის წოდების მოპოვებისთვის “ოქროს ბუცი” გადაეცა. შეგახსენებთ, რომ შვეიცარიის ნაკრების წინააღმდეგ გამართულ შეხვედრაში 29 წლის ფორვარდმა 50-ე სანაკრებო გოლი გაიტანა და “სამი ლომის” ყველა დროის საუკეთესო მეგოლე გახდა. რუნიმ ბობი ჩარლტონის რეკორდი მოხსნა. სწორედ ჩარლტონმა გადასცა ახალ რეკორდსმენს “ოქროს ბუცი”.
ცნობისთვის, ბობი ჩარლტონის შედეგი მიუღწეველი იყო 47 წლის განმავლობაში.
უეინ რუნის კარიერის განმავლობაში ჩატარებულ 669 მატჩში სულ 300 გოლი აქვს გატანილი: “ევერტონის” შემადგენლობაში 17, “მანჩესტერ იუნაიტედის” რიგებში 233, ხოლო ინგლისის ნაკრებში 50 გოლი გაიტანა.
სერ ბოიბი ჩარლტონი დარწმუნებულია, რომ ლუი ვან გაალი წინა სეზონის შეცდომებს გამოასწორებს და კლუბს ჩვეულ ადგილზე დააბრუნებს.
“ძალიან კმაყოფილი ვარ იმით, თუ როგორ მუშაობს ვან გაალი კლუბში, ეს აღმაფრთოვანებელია. წინა წელს ჩვენს საქმეს ვაკეთებდით და წარმატებების მიღწევას ვლამობდით, მაგრამ ზოგიერთმა შეცდომამა სერიოზულად შეგვიშალა ხელი. დარწმუნებული ვარ, ასეთი შეცდომები ლუის არ ექნება.”
“ჩვენ ნამდვილად ჭკვიანი ადამიანი ჩაგვიდგა სათავეში, რომელმაც იცის, როგორ მიაღწიოს გამარჯვებას.”
წყარო: მანჩესტერ იუნაიტედის ქართული ფან-კლუბი – http://redarmy.ge/
1996 წლის მსოფლიო ჩემპიონატის გამარჯვებული, სერ ბობი ჩარლტონი მხარდაჭერას უცხადებს “მანჩესტერ იუნაიტედის” თავდამსხმელს, უეინ რუნის.
პერუს ნაკრების წინააღმდეგ გამართულ შეხვედრაში, რუნიმ უნიათო მატჩი ჩაატარა, რის გამოც კრიტიკის ქარცეცხლში მოექცა. მანამდე კი პოლ სკოულზმა, რუნის ყოფილმა თანაგუნდელმა განაცხადა, რომ 28 წლის ინგლისელის ფორმის პიკი წარსულში დარჩა.
ინგლისურ პრესაში კი აქტიურად ისმის კითხვა – არის თუ არა უეინ რუნი საერთოდ ღირსი, რომ ბრაზილიაში ძირითად შემადგენლობაში მოხვდეს. თავად ჩარლტონს კი არავითარი ეჭვი არ აქვს.
“როცა ფიქრდები თუ საიდან მოდის ჩვენი ესოდენ მაღალი დონის ფეხბურთელები – უეინ რუნი ერთადერთია ვინც გონებაში ტივტივდება. უეინ რუნიმ უნდა ითამაშოს. მას რაღაც განსაკუთრებული აქვს”
სერ ბობი, რომელიც “იუნაიტედის” დირექტორი გახლავთ ფიქრობს, რომ ლუი ვან გაალი მხოლოდ ერთადერთ ფეხბურთელში უნდა იყოს დარწმუნებული.
“ჩემი აზრით თითოეულ პოზიციაზე არსებობს ეჭვის საფუძველი, გარდა უეინ რუნის პოზიციისა. იმის გათვალისწინებითაც კი, რომ მას გარკვეულ პოზიციებზე სურს თამაში. მაგრამ ეს მწვრთნელის გადასაწყვეტია” – აცხადებს ჩარლტონი BBC – სთან ინტერვიუში.
წყარი: მანჩესტერ იუნაიტედის ქართული ფან-კლუბი – http://redarmy.ge/
