მილანის “ინტერისა” და ლონდონის “ჩელსის” ექს-შემტევმა, ერნან კრესპომ გარი ნევილზე ისაუბრა, რომლის ესპანური კარიერაც ისე ვერ აეწყო, როგორც ამ უკანასკნელს სურდა.
“ტელევიზორის წინ ჯდომა და მატჩის ყურება ადვილია, თუმცა მწვრთნელის სკამიდან ყველაფერი სხვაგვარად მოჩანს.
მოხარული ვარ, რომ გარი ნევილი ჩაფლავდა. მახსოვს, ის ტელევიზორის ეკრანიდან ძალიან სასტიკი და ულმობელი იყო სხვების მიმართ.” – განუცხადა “მოდენას” თავკაცმა FOX Sports-ს.
წარსულში ცნობილი არგენტინელი თავდამსხმელი ერნან კრესპო იტალიური „მოდენას“ მთავარი მწვრთნელი გახდა. მხარეებმა კონტრაქტი ერთი წლით გააფორმეს. გარდა ამისა, ხელშეკრულების მიხედვით, მხარეებს თანამშრომლობის ავტომატურად კიდევ ერთი სეზონის გახანგრძლივების შანსი აქვთ.
აღსანიშნვია, რომ განვლილ სეზონში კრესპომ „პარმას“ ახალგაზრდულ შემადგენლობას უთავკაცა.
რაც შეეხება „მოდენას“, ბოლო სეზონში კლუბმა სერია ბ-ს მე-18 პოზიცია დაიკავა.
არგენტინის ნაკრების ყოფილმა თავდამსხმელმა ერნან კრესპომ, რომელიც ამჟამად „პარმას“ ახალგაზრდულ გუნდს თავკაცობს, პროფესიონალურ გუნდთან მუშაობის სურვილი გამოთქა.
არგენტინის ნაკრების ყოფილმა თავდამსხმელმა ერნან კრესპომ თანამემამულეების სამუნდიალე შანსები შეაფასა და იმედი გამოთქვა, რომ ბრაზილიის მსოფლიოს ჩემპიონატს სწორედ „ალბისელესტე“ მოიგებს. ამასთან, კრესპო არგენტინელ ფეხბურთელებს ხუმრობით ურჩევს, თუ მუნდიალს მოიგებთ, უსაფრთხოების განსაკუთრებული ზომები მიიღეთო.
„თუ ბრაზილიაში არგენტინის ნაკრები გახდება ჩემპიონი, თანამემამულეებს ვურჩევდი, რომ ვერტმფრენი ახლოს ჰყავდეთ. ეს ყოველი შემთხვევისთვის, არგენტინელები ვინმემ რომ არ დახოცოს (იცინის).
რა თქმა უნდა, მოგება შესანიშნავი იქნებოდა. არგენტინას მშვენიერი გუნდი ჰყავს. ყოველთვის გვაქვს ჩემპიონობის კარგი შანსები, თუმცა მხოლოდ ორჯერ მოვიგეთ მსოფლიოს ჩემპიონატი.
ღმერთმა ქნას, ეს მესის მუნდიალი აღმოჩნდეს“, – კრესპოს სიტყვებს Goal.com-ი აქვეყნებს.
შეგახსენებთ, რომ ტურნირის ჯგუფურ ეტაპზე არგენტინას მეტოქეებად ბოსნია-ჰერცეგოვინის, ირანისა და ნიგერიის ნაკრებები ჰყავს. არგენტინელები პირველ შეხვედრას 16 ივნისს ბოსნიელების წინააღმდეგ ჩაატარებენ.
ბექა დოგრაშვილი
