ჭდე: Ghana

აფრიკის თასზე მესამე ადგილი ბურკინა ფასოს ნაკრებმა დაიკავა (ვიდეო)

Posted on by ბექა დოგრაშვილი

2017 წლის აფრიკის ერთა თასის მესამე ადგილისთვის ერთმანეთს ბურკინა ფასოსა და განის ნაკრებები დაუპირისპირდნენ.

პორტ-ჟენტილში გამართული შეხვედრა ბურკინა ფასოს ნაკრების გამარჯვებით, ანგარიშით 1:0 დასრულდა. ეს ერთადერთი გოლი შეხვედრის 89-ე წუთზე ალენ ტრაორემ მოჭრილი საჯარიმო დარტყმით გაიტანა.

ტურნირის ფინალური მატჩი ეგვიპტისა და კამერუნის ნაკრებებს შორის 5 თებერვალს გაიმართება და თბილისის დროით 23:00 საათზე დაიწყება.

აფრიკის ერთა თასი
მატჩი მესამე ადგილისთვის
ბურკინა ფასო — განა 1:0 (0:0)
გოლი: ალენ ტრაორე 89′.


განის ნაკრების თავკაცი: „ვწუხვარ, რომ ყველაფერი ასე დასრულდა“

Posted on by ბექა დოგრაშვილი

განის ნაკრების მთავარმა მწვრთნელმა კვესი აპიამ მსოფლიოს ჩემპიონატის ჯგუფურ ეტაპზე გერმანიის ნაკრების წინააღმდეგ გამართული მატჩი (2:2) შეაჯამა.

„ჩემმა ბიჭებმა შესანიშნავი მატჩი ჩაატარეს. ბევრი საგოლე მომნეტი გვქონდა, თუმცა ყველა ვერ გამოვიყენეთ. ვწუხვარ, რომ ყველაფერი ასე დასრულდა. ძალიან კარგი თამაში იყო. პორტუგალიელებსა და ამერიკელებს საკმაოდ კარგი ნაკრებები ჰყავთ. ვნახოთ, როგორ ითამაშებენ ისინი ხვალ“, – აღნიშნა აპიამ.

ცხრილს გერმანიის ნაკრები 4 ქულით უდგას სათავეში, მეორე ადგილზე 3 ქულით აშშ გახლავთ, რომელსაც ერთი მატჩით ნაკრები აქვს ჩატარებული. მესამე პოზიციაზე განის ნაკრებია, პორტუგალიელები კი უქულოდ არიან.

ამერიკელებსა და პორტუგალიელებს შორის გასამართი მატჩი 23 ივნისს, თბილისის დროით ღამის 02:00 საათზე დაიწყება.

 

გერმანია — განა (მატჩის გმირი)

Posted on by ბექა დოგრაშვილი

2014 წლის მსოფლიოს ჩემპიონატის ჯგუფურ ეტაპზე გერმანიისა და განის ნაკრებებს შორის გამართული შეხვედრა ფრედ, ანგარიშით 2:2 დასრულდა.

მატჩის საუკეთესო ფეხბურთელად „ბუნდესთიმის“ ნახევარმცველი მარიო გიოტცე დაასახელეს, რომელიც აღნიშნულ შეხვედრაში ანგარიში გახსნა.

გიოტცემ მოედანზე 69 წუტი დაჰყო, გააკეთა 41 გადაცემა და კარში 2-ჯერ დაარტყა.

 

კლოზემ რონალდოს შედეგი გაიმეორა

Posted on by ბექა დოგრაშვილი

გერმანიის ნაკრების თავდამსხმელი მიროსლავ კლოზე განის ნაკრების წინააღმდეგ გამართულ მატჩში (2:2) მოედანზე 69-ე წუთზე გამოვიდა, ორ წუთში გოლი გაიტანა და ანგარიში გაათანაბრა.

ეს გერმანელი ფეხბურთელის მიერ მსოფლიოს ჩემპიონატებზე გატანილი მე-15 გოლი გახლავთ. ამრიგად, კლოზე მუნდიალის ისტორიაში ყველა დროის საუკეთესო ბომბარდირს, ბრაზილიელ რონალდოს გაუთანაბრდა.

გერმანელმა ფეხბურთელმა პირველი ხუთი გოლი 2002 წლის მსოფლიოს ჩემპიონატზე გაიტანა, შემდეგი ხუთი – 2006 წლის მუნდიალზე, 2010 წლის მსოფლიოს ჩემპიონატზე კი ოთხი ბურთი შეაგდო. კიდევ ერთი გოლი გატანის შემთხვევაში, კლოზე მსოფლიოს ჩემპიონატის ყველა დროის საუკეთესო ბომბარდირი გახდება.

მიროსლავ კლოზეს გერმანიის ნაკრების რიგებში ჩატარებულ 133 მატჩში 70 გოლი აქვს გატანილი.

 

განა — აშშ (მატჩის გმირი)

Posted on by ბექა დოგრაშვილი

2014 წლის მსოფლიოს ჩემპიონატის ჯგუფურ ეტაპზე განისა და აშშ-ის ნაკრებებს შორის გამართული შეხვედრა ამერიკელთა გამარჯვებით, ანგარიშით 2:1 დასრულდა.

მატჩის საუკეთესო ფეხბურთელად აშშ-ის ნაკრების კაპიტანი კლინტ დემპსი დასახელდა, რომელმაც აღნიშნულ შეხვედრაში საკუთარი გუნდი 30-ე წამზე (!) დააწინაურა. მის მიერ გატანილი ბურთი მუნდიალის ყველა დროის ყველაზე სწრაფ გოლთა ხუთეულში შევიდა.

კლინტ დემპსიმ მატჩი სრულად ჩაატარა, გააკეთა 27 გადაცემა და კარში დაარტყა 2-ჯერ.

 

დემპსის მიერ გატანილი ბურთი მუნდიალის ყველაზე სწრაფ გოლთა ხუთეულში შევიდა

Posted on by ბექა დოგრაშვილი

2014 წლის მსოფლიოს ჩემპიონატის ჯგუფურ ეტაპზე განისა და აშშ-ის ნაკრებებს შორის კლინტ დემპსის მიერ 30-ე წამზე გატანილი გოლი მუნდიალის ისტორიაში ყველაზე სწრაფად გატანილ გოლთა ხუთეულში შევიდა.

ტურნირის არსებობის ისტორიაში ყველაზე სწრაფი გოლი თურქ თავდამსხმელ ჰაკან შუქურს აქვს გატანილი, რომელმაც 2002 წელს სამხრეთ კორეის ნაკრების კარი მე-11 წამზე აიღო. მეორე ადგილზე ჩეხი ვაცლავ მასეკი გახლავთ, რომელმაც 1962 წელს ჩილეს ნაკრებს მე-16 წამზე გაუტანა. გერმანელმა ერნსტ ლეჰნერმა 1934 წელს ავსტრიის ნაკრებში გატანილი გოლით თავი 25-ე წამზე გამოიჩინა. ინგლისელმა ბრაიან რობსონმა 1982 წელს ფრანგებს 27-ე წამზე გაუტანა.

კლინტ დემპსიმდე მეხუთე ადგილზე ფრანგი ემილ ვენანტი გახლდათ, რომელმაც 1938 წლის მსოფლიოს ჩემპიონატზე ბელგიის ნაკრებს 35-ე წამზე გაუტანა.