“მალაგას” კიპერ გილერმო ოჩოას ესპანური კლუბის დატოვება სურს.
“ასის” თანახმად, 29 წლის მექსიკელი მეკარე უკმაყოფილოა იმით, რომ სათანადო სათამაშო დრო არ ეძლევა. ესპანეთის პრიმერადივიზიონის გასულ გათამაშებაში ოჩოას არცერთი შეხვედრა არ აქვს ჩატარებული.
წყაროს ცნობით, გილერმო ოჩოათი დაინტერესებულნი არიან “ბეშიქთაში”, პაოკი და “ოლიმპიაკოსი”, რომლის ღირსებასაც საქართველოს ეროვნული ნაკრების მეკარე გიორგი ლორია იცავს.
ბრაზილიაში გამართული მსოფლიოს ჩემპიონატის ერთ-ერთი გმირი გილერმო ოჩოა ფრანგული “აიაჩოდან” “მალაგაში” გადავიდა. მექსიკის ეროვნული ნაკრების 29 წლის მეკარემ ესპანურ კლუბთან სამწლიანი კონტრაქტი გააფორმა.
ოჩოა “მალაგას” თავისუფალი აგენტის სტატუსით შეუერთდა, ვინაიდან მას “აიაჩოსთან” ხელშეკრულება ჯერ კიდევ ივნისის ბოლოს დაუმთავრდა.
ბრაზილიის მუნდიალზე ოჩოამ ოთხი მატჩი ჩაატარა 3 გოლი გაუშვა და ორ შეხვედრაში კარი მშრალად შეინახა. ბრაზილიისა და ჰოლანდიის ნაკრებების წინააღმდეგ გამართულ მატჩებში საუკეთესო მოთამაშედ დაასახელეს.
2014 წლის მსოფლიოს ჩემპიონატის მერვედფინალურ ეტაპზე ჰოლანდიისა და მექსიკის ნაკრებებს შორის გამართული შეხვედრა დრამატულ ბრძოლაში წარიმართა და „ნარინჯისფერთა“ გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად მექსიკელთა მეკარე გილერმო ოჩოა დაასახელეს, რომელმაც საკუთარი გუნდი რამდენჯერმე გადაარჩინა გაშვებული გოლისგან.
ოჩოამ მატჩი სრულად ჩაამათვრა.
2014 წლის მსოფლიოს ჩემპიონატის ჯგუფურ ეტაპზე ბრაზილიისა და მექსიკის ნაკრებებს შორის გამართული მატჩის (0:0) საუკეთესო მოთამაშედ მექსიკელთა კიპერი გილერმო ოჩოა დაასახელეს, რომელმაც შესანიშნავად წარმოაჩინა თავი და საკუთარი გუნდი რამდენჯერმე იხსნა გაშვებული გოლისგან.
„ეს ჩემი კარიერის საუკეთესო მატჩი იყო. მსოფლიოს ჩემპიონატზე ასეთი თამაშის ჩატარება, თან როცა შენს წინააღმდეგ ტურნირის მასპინძლები გამოდიან და კარს მშრალად ინახავ, ადვილი არაა. მადლობა ღმერთს, რომ ყველაფერი ასე წარიმართა. გახარებული ვარ. მატჩის მიმდინარეობისას არ მოვდუნებულვარ, ვაგრძელებდი ბურთის მოგერიებას. ახლა უბრალოდ მინდა, რომ დავტკბე თანაგუნდელებთან და ოჯახის წევრებთან ერთად, რომლებმაც იგივე განიცადეს, რაც მე“, – აღნიშნა გილერმო ოჩოამ.
შეგახსენებთ, რომ A ჯგუფს სათავეში ბრაზილიისა და მექსიკის ნაკრებები 4-4 ქულით უდგანან, კამერუნისა და ხორვატიის ნაკრებები უქულოდ არიან.
მექსიკის ნაკრები ჯგუფური ეტაპის ბოლო შეხვედრას ხორვატების წინააღმდეგ ჩაატარებს.
2014 წლის მსოფლიოს ჩემპიონატის ჯგუფურ ეტაპზე ბრაზილიისა და მექსიკის ნაკრებებს შორის გამართული შეხვედრა უგოლოდ დასრულდა.
მატჩის საუკეთესო ფეხბურთელად მექსიკელთა მეკარე გილერმო ოჩოა დაასახელეს, რომელმაც მართლაც შესანიშნავად წარმოაჩინა თავი და საკუთარი გუნდი რამდენჯერმე იხსნა გაშვებული გოლისგან.
