Marca-ს ცნობით მადრიდის “რეალის” ხელმძღვანელობამ დიეგო ლოპესის გაშვება გადაწყვიტა. დიდი ალბათობით მეკარე გუნდს ამერიკული ტურნეს შემდეგ დაემშვიდობება.
მოსალოდნელია, რომ “რეალი” ფეხბურთელს კომპენსაციას გადაუხდის და თავისუფალი აგენტის სტატუსს მიანიჭებს.
ლოპესის გასხვისების შემდეგ მადრიდელები კეილორ ნავასს წარადგენენ, რომლის ტრანსფერი ფაქტობრივად გადაწყვეტილია.
მადრიდის “რეალი” უახლოეს მომავალში ესპანური “ლევანტეს” და კოსტა-რიკის ნაკრების მეკარეს, კეილორ ნავასს შეიძენს.
სატრანსფერო თანხა 10 მილიონ ევროს შეადგენს. “რეალი” მზად არის მეკარეს 5-წლიანი კონტრაქტი გაუფორმოს და ხელფასის სახით წელიწადში 2,5 მილიონი ევრო გადაუხადოს.
შეგახსენებთ, რომ ნავასისადმი ინტერესს “ბაიერნიც” იჩენს.
უკვე ცნობილია, მსოფლიოს 2014 წლის ჩემპიონატზე მოასპარეზე რომელი მეკარეები იბრძოლებენ “ოქროს ხელთათმანის” მოსაგებად. კანდიდატებს შორის გერმანელი მანუელ ნოიერი, არგენტინელი სერხიო რომერო და კოსტა რიკელი კეილორ ნავასი მოხვდნენ.
შეგახსენებთ, რომ კოსტა რიკის ნაკრებმა მუნდიალის მეოთხედფინალში გასვლა შეძლო, კეილორ ნავასმა კი მართლაც მშვენივრად იასპარეზა. ნავასი ტურნირის მიმდინარეობისას მატჩის საუკეთესო მეკარედ სამჯერ დაასახელეს.
მიუხედავად იმისა, რომ ნოიერის შესაძლებლობების შესახებ თითქმის ყველამ იცის, მან გულშემატკივრების გაკვირვება მაინც შეძლო. გერმანელი კარის დარაჯი რამდენიმე მატჩის განმავლობაში მცველის პოზიციაზეც გვევლინებოდა.
რაც შეეხება სერხიო რომეროს, მან მსოფლიოს ჩემპიონატის ნახევარფინალში, ჰოლანდიის ნაკრების წინააღმდეგ გამართულ პენალტების სერიაში, თერთმეტმეტრიანები სნეიდერსა და ვლაარს აუღო, რის შემდეგაც მისი გუნდი ფინალში გავიდა.
მსოფლიოს ჩემპიონატის მეოთხედფინალურ ეტაპზე ჰოლანდიისა და კოსტა რიკის ნაკრებებს შორის გამართული მატჩი ფრედ, ანგარიშით 0:0 დასრულდა, პენალტების სერიაში კი ევროპელებმა 4:3 იმარჯვეს და ნახევარფინალური რაუნდის საგზური მოიპოვეს.
მატჩის საუკეთესო ფეხბურთელად კოსტა რიკელთა მეკარე კეილორ ნავასი დაასახელეს, რომელმაც საკუთარი გუნდი რამდენჯერმე გადაარჩინა გაშვებული გოლისგან. შეგახსენებთ, რომ ნავასი საბერძნეთის ნაკრების წინააღმდეგ ერთი კვირის წინათ გამართული მატჩის გმირიც გახდა.
ტურნირის ნახევარფინალურ ეტაპზე ჰოლანდიის ნაკრები არგენტინის ეროვნულ გუნდს დაუპირისპირდება. მატჩი 10 ივლისს, თბილისის დროით 00:00 საათზე აიღებს სტარტს.
კოსტა-რიკის ნაკრების მეკარე კეილორ ნავასი საფეხბურთო ფურთების გარდა, ჩოგბურთის ბურთებსაც იგერიებს.
ბრაზილიაში მიმდინარე მსოფლიოს ჩემპიონატზე ამერიკული გუნდების დომინაცია გრძელდება. ტურნირის მერვედფინალურ ეტაპზე კოსტა რიკისა და საბერძნეთის ნაკრებებს შორის გამართული მატჩი ფრედ, ანგარიშით 1:1 დასრულდა, პენალტების სერიაში კი ხორხე ლუის პინტოს გუნდმა 5:3 იმარჯვა და მეოთხედფინალურ რაუნდზე თამაშის უფლება მოიპოვა.
მატჩის საუკეთესო ფეხბურთელად კოსტა რიკელთა მეკარე კეილორ ნავასი დაასახელეს, რომელმაც საკუთარი გუნდი რამდენჯერმე გადაარჩინა გაშვებული გოლისგან, თერთმეტმეტრიანების სერიაში კი თეოფანის გეკასის დატყმული მოიგერია.
ტურნირის მეოთხედფინალურ ეტაპზე კოსტა რიკა ჰოლანდიის ნაკრებს დაუპირისპირდება. მატჩი 6 ივლისს, თბილისის დროით 00:00 საათზე აიღებს სტარტს.
2014 წლის მსოფლიოს ჩემპიონატის ჯგუფურ ეტაპზე კოსტა რიკისა და ინგლისის ნაკრებებს შორის გამართული შეხვედრა ფრედ, ანგარიშით 0:0 დასრულდა.
მატჩის საუკეთესო ფეხბურთელად კოსტა რიკელთა მეკარე კეილორ ნავასი დაასახელეს.
ესპანურ „ლევანტეში“ მოთამაშე კიპერმა მატჩი სრულად ჩაამთავრა.
