თბილისში „სევილიასთან“ უეფას სუპერთასის მატჩის წინ „ბარსელონას“ ნახევარმცველმა ივან რაკიტიჩმა თანაგუნდელი ლიონელ მესი, რომელიც „ოქროს ბურთის“ ოთხგზის მფლოელია, მსოფლიოს საუკეთესო ფეხბურთელად მოიხსენია.
„მესი? ყველამ ვიცით, თუ ვინ არის ის. ლეო ფეხბურთის ისტორიაში საუკეთესო მოთამაშეა“, – განაცხადა ხორვატიის ნაკრების წევრმა.
გამპერის თასზე, “რომას” წინააღმდეგ მიღებული ტრავმის გამო, თბილისში გასამართ სუპერთასზე მონაწილეობას ხორდი ალბა ვერ მიიღებს.
ალბა მოედანზე მეორე ტაიმში შევიდა და ალენ ჰალილოვიჩმა 30 წუთში მარჯვენა ფეხის დაზიანების გამო შეცვალა.
ასევე დღეს გაირკვა, რომ სუპერთასს ტრავმის გამო “სევილიას” ნახევარმცველიც, დანიელ კარისუც გამოტოვებს.
ბორის პაიჭაძის სახელობის „დინამო არენაზე“ უეფას სუპერთასის მატჩის დროს ვაკის პარკში დიდი ეკრანი დამონტაჟდება, რომლის დახმრებით მსურველებს ხსენებული შეხვედრის ხილვის საშუალება ექნებათ. ამის შესახებ საქართველოს ფეხბურთის ფედერაციის მარკეტინგის მენეჯერმა თათა ბურდულმა განაცხადა.
„ის გულშემატკვირები, რომლებმაც „ბარსელონა“ – „სევილიას“ მატჩზე ბილეთის შეძენას ვერ მოახერხეს, თამაშის დიდ ეკრანზე ხილვას შეძლებენ“, – განაცხადა ბურდულმა.
შეგახსენებთ, რომ უეფას სუპერთასის შეხვედრა 11 აგვისტოს შედგება.
დასრულდა ინგლისის სუპერთასის მატჩი, რომელშიც ერთმანეთს ლონდონის „არსენალი“ და „ჩელსი“ დაუპირისპირდნენ.
გუნდებს სახიფათო მომენტები ხანგრძლივი პერიოდის განამვლობაში არ შეუქმნიათ. 22-ე წუთზე საჯარიმო დარტყმის შემდეგ ჩაწოდებულს მეორე სართულზე თეო უოლკოტი გამოეხმაურა, რომლის დარტყმა ტიბო კრუტუამ ხელში უპრობლემოდ აიღ. სამაგიეროდ, ორ წუთში იმავე ულკოტმა კვლავ შეუტია, რომელმაც მარჯვენა ფლანგზე პასით ოექსლეიდ-ჩემბერლენი მოამარაგა, ეს უკანასკნელი მეტოქის საჯარიმოში შევიდა, მცველებს აჯობა და ძლიერად დარტყმის შემდეგ ბელგიელი მეკარე უშანსოდ დატოვა – 1:0 (იხილეთ ვიდეო). 33-ე წუთზე მეტოქის კარს რამირესმა დაუმიზნა, რის შემდეგაც ბურთი „არსენალის“ კარს სულ მცირე მანძილის ასცდა. სამ წუთში რამირესმა ბურთი ვილიანისგან მარცხენა ფლანგიდან მიიღო და თავით დაარტყა, მაგრამ ამჯერადაც არაზუსტად. 42-ე წუთზე იმავე ფლანგიდან შეჭრილმა ოქსლეიდ-ჩემბერლენმა ნაჩო მონრეალის მიმართლებით ჩააწოდა, თუმცა მეორე სართულზე „არსენალის“ მოთამაშეს ბრანისლავ ივანოვიჩმა აჯობა, რომელმაც ბურთი გამოიტანა. პირველი ნახევრის ბოლო წუთზე „მეთოფეებს“ ანაგრიშის გაზრდა შეეძლოთ, თუმცა საჯარიმოში ამჯერად საიმედოდ კეიჰილმა ითამაშა.
მეორე ტაიმის პირველივე წუთიდან ჟოზე მოურინიომ ილოიკ რემის ნაცვლად, რომელმაც პირველ ტაიმში თავი ვერ გამოიჩნა და ოთხჯერ თამაშგარე მდგოამრეობაში მოხვდა, დებიუტანტი რადამელ ფალკაო გამოიყვანა. „ჩელსის“ თამაში უეკთესობისკენ არ შეცვლილა, რის გამოც 54-ე წუთზე რამირესის ადგილი ოსკარმა დაიკავა. მოედანზე გამოსვლის შემდეგ სამ წუთში ოსკარმა შორიდან არც თუ ისე ძლიერად და არაზუსტად დაარტყა. 61-ე წუთზე სესკ ფაბრეგასმა აზარი ჩინებული პასით მოამარაგა, ბელგიელი მეტოქის საჯარიმოში შეიჭრა და თითქოს ჩეხის კარში ურობლემოდ უნდა გაეტანა, თუმცა ძალიან დიდი მანძილით ააცილა. სათქმელია, რომ ამ ეპიზოდში აზარს აქტიურად ხელს კოშელნი უშლიდა. 65-ე წუთზე მსაჯს პირველი ყვითელი ბარათის ჩვენება მოუწია – ოქსლეიდ-ჩემბერლენის სწრაფი შეტევის შეჩერებისთვის ასპილიკუეტა დაჯარიმდა. ერთ წუთში ვენგერმა პირველი ცვლილება გაოიყენა – თეო უოლკოტი ილივიე ჟირუმ შეცვალა, რომელსაც ცოტა ხანში გოლის გატანამდე სულ ცოტა დააკლდა. 68-ე წუთზე ჩეხმა ოსკარის მიერ შესრულებული საჯარიმო დარტყმა მოიგერია, დანიშნული კუთხურის შედეგად კი „არსენალმა“ არეულობა თავიდან აიცილა და კონტშეტევაშიც წავიდა, რომელიც ოლივიე ჟირუს სახიფათო დარტყმით დასრულდა. 74-ე წუთზე ჩეხი ზუმას თავურ დარტყმას დაეუფლა. 77-ე წუთზე არსენ ვენგერმა ერთადერთი გოლის ავტორი ოქსლეიდ-ჩემბერლენი მიკელ არტეტათი შეცვალა. მატჩის ბოლოს „არსენალს“ ორი სახიფათო მომენტი ჰქონდა. 86-ე წუთზე კასორლა კურტუასთან ერთ-ერთზე გადიოდა, თუმცა ბელგიელმა მეკარემ ჩინებულად ითამაშა. თავისი შესაძლებლობები მსგავს ეპიზოდში მან მსაჯის მეირ კომპენსირებულ დროშიჩ გამოამჟღავნა, როდესაც თავისი გუნდისთვის მეორე გოლი გიბსს არ გაატანინა. რაც შეეხება „ჩელსის“ მოურინიოს გუნდმა, განსაკუთრებული ეპიზოდების შექმნა ბოლოს ვერ შეძლო.
საბოლოოდ, 1:0 და ვენგერის გუნდმა სეზონი სუპერთასის მოგებით ზედიზედ მეორედ დაიწყო. შეგახსენებთ, რომ გასულ სეზონში „არსენალმა“ „მანჩესტერ სიტი“ დაამარცხა.
„არსენალი“ – „ჩელსი“ 10
მაყურებლები: 85,437
გოლები: ოქსლეიდ-ჩემბერლენი 24′
„არსენალი“: ჩეხი, მერტესაკერი, მონრეალი, კოშელნი, ბელერინი, იოზილი (გიბსი 82′), კოკლენი,რემსი, ოქსლეიდ-ჩემბერლენი (არტეტა 77′), უოლკოტი (ჟირუ 66′)
„ჩელსი“: კურტუა, ტერი (მოზესი 82′), კეიჰილი, ივანოვიჩი, ასპილიკუეტა (ზუმა 69′), ფაბრეგასი, ვილიანი, რამირესი (ოსკარი 54′), მატიჩი, აზარი, რემი (ფალკაო 46′)
გაფრთხილებები: კოკლენი 68′ – ასპილიკუეტა 65′
„ჩელსისთან“ ინგლისის სუპერთასის მიმდინარე შეხვედრაში „არსენალის“ თავდამსხმელმა ალექს ოქსლეიდ-ჩემბლერნამა მეტოქის საჯარიმოში თეო უოლკოტის პასი მიიღო, მცველები მაოტყუა და უძლიერესი დარტყმით ჩინებული გოლი გაიტანა.
დღეს, თბილისის დროით 18:00 საათზე, ინგლისის სუპერთასის მატჩი გაიმართება, რომელშიც ერთმანეთს თანაქალაქელები „არსენალი“ და „ჩელსი“ შეხვდებიან. წარმოგიდგენთ ორივე გუნდის სასტარტო შემადგენლობას.
„არსენალი“: ჩეხი, მერტესაკერი, მონრეალი, კოშელნი, ბელერინი, იოზილი, კოკლენი,რემსი, ოქსლეიდ-ჩემბერლენი, უოლკოტი
„ჩელსი“: კურტუა, ტერი, კეიჰილი, ივანოვიჩი, ასპილიკუეტა, ფაბრეგასი, ვილიანი, რამირესი, მატიჩი, აზარი, რემი
მონრეალში საფრანგეთის სუპერთასის მატჩში „პარი სენ-ჟერმენმა“ „ლიონი“ ანგარიშით 2:0 დაამარცხა.
მე-11 წუთზე პარიზელები სერჟ ორიემ დააწინაურა. ექვს წუთში პსჟ-ს უპირატესობა ედინსონ კავანიმ გაზარდა. მეორე ტაიმის შუა ნახილში „ლიონი“ 10 კაცით დარჩა – უხეშობისთვის მსაჯმა მაქსიმ გონალონს პირდაპირ წითელი აბრათი უჩვენა.
აქედან გამომდინარე, პსჟ-მ თავის სიტორიაში ქვეყნის სუპერთასი მეხუთედ მოიგო. სათქმელია, რომ ამ ტიტულის მფლობელები პარიზელები ზედიზედ მესამედ გახდნენ.
პსჟ – „ლიონი“ – 2:0
გოლები: ორიე 11′, კავანი 17′
გაფრთხილებები: ვერატი 60, დავიდ ლუისი 81
გაძევება: გონალონი 64′
გერმანიის სუპერთასი „ვოლფსბურგმა“ მოიგო. მიუნხენის „ბაიერნთან“ შეხვედრის ძირითადი დრო ფრედ, 1:1 დასრულდა.
49-ე წუთზე ანგარიში არიენ რობენმა გახსნა, მატჩის ძირითადი დროის დასრულებამდე 1 წუთით ადრე კი თავი ნიკლას ბენდტნერმა გამოიჩინა. გამარჯვებულის ბედი პენალტების სერიაში გაირკვა, რომელშიც კოენ კასტელსმა ჩაბი ალონსოს დარტყმა მოიგერია. შედეგად, „მგლებმა“ სერიაში ანგარიშით 5:4 გაიმარჯვეს. სათქმელია, რომ „ვოლფსბურგმა“ ეს ტიტული თავის ისტორიაში პირველად მოიგო.
გასულ სეზონში „ბაიერნი“ გერმანიის ჩემპიონი გახდა, „ვოლფსბურგს“ კი ქვეყნის თასი ერგო.
როგორც გაირკვა, საქართველოს 2015 წლის სუპერთასი 25 აგვისტოს შედგება. აღნიშნული თარიღი უკვე საბოლოოდ დადასტურდა.
წელს სუპერთასი მიხეილ მესხის სახელობის სტადიონზე ბრუნდება. შეგახსენებთ, რომ გასული სეზონის სუპერთასი „დინამო არენაზე“ შედგა. აღსანიშნავია მატჩის ჩატარების თარიღიც – მოგეხსენებათ, წინა წლებში საქართველოს სუპერთასი ზამთარში ტარდებოდა.
შეგახსენებთ, რომ 2014/15 წლების სეზონის საქართველოს ჩემპიონატი გორის „დილამ“ მოიგო, ქვეყნის თასის გათამაშებაში კი საუკეთესო სუპერთასის მოქმედი მფლობელი, თბილისის „დინამო“ გახდა.
დღეს, მიხეილ მესხის სახელობის სალაროებში ბილეთების გაყიდვა დაიწყო.
ხალხი ბილეთებს ცოცხალი რიგის მეშვეობით ყიდულობდა. როგორც ზვიად სიჭინავამ განაცხადა, ჩაწერილი სიებით არ იქნებოდა რიგის ორგანიზება, მაგრამ დღეს ხალხი ამ ხერხით მიდის სალაროებთან.
მთელი დღის განმავლობაში მოქალაქეთა ნაკადი არ წყდება.
ღამის 22:00 საათზე, მიხეილ მესხის სალაროსთან შემდეგნაირი სიტუაციაა:
18:00 საათის მდგომარეობით გაყიდულია 8500 ბილეთი.
გულშემატკივართა ინტერესის გათვალისწინებითა და საქართველოს შინაგან საქმეთა სამინისტროსთან შეთანხმებით, საქართველოს ფეხბურთის ფედერაციის გადაწყვეტილებით სალაროები 21:00 საათზე არ დაიხურება და ისინი გააგრძელებენ მუშაობას ბილეთების ამოწურვამდე.
სუპერ თასზე დასასწრები ბილეთების გაყიდვა უკვე 9 საათია მიმდინარეობს. მიხეილ მესხის სტადიონის სალაროებში უეფას სუპერ თასის ბილეთებს გულშემატკივრები დილიდან უწყვეტ რეჟიმში ყიდულობენ.
აქვე გვსურს, კიდევ ერთხელ გავაფრთხილოთ ყველა ის პირი, რომლებიც ბილეთებს შემდგომში გადაყიდვის მიზნით ყიდულობენ, რომ შსს-სა და მერიის მობილური ჯგუფები გადამყიდველთა გამოვლენის მიზნით აქტიურად მუშაობენ და ყოველი ასეთი ფაქტის გამოვლენის შემთხვევაში, დამრღვევი პირი კანონის შესაბამისად დაისჯება.
სფფ-ის პრესსამსახური
ხვალ, 12 ივლისს მიხეილ მესხის სახელობის სალაროებში უეფას სუპერთასზე დასასწრები ბილეთების რეალიზაცია დაიწყება.
ცოცხალ რიგში ხალხმრავლობა უკვე დღეა შეინიშნება. დღეს კი ხალხი ერთმანეთს გადაწვდა და ნამდვილი აურზაური იყო.
![ხალხმა ვაკის პარკში ერთმანეთს “გადაუარა” [ფოტო]](https://fanebi.com/wp-content/uploads/2015/07/QQ2-1000x288.jpg)