ბრიტანული ვებპორტალი “თაიმსი” იუწყება, რომ “ლივერპულის” მცველი დეიან ლოვრენი კარიერას სანქტ-პეტერბურგის “ზენიტში” გააგრძელებს.
წყაროს თანახმად, რუსები 31 წლის ხორვატი ფეხბურთელის სანაცვლოდ 10,7 მილიონ გირვანქა სტერლინგს გადაიხდიან.
დეიან ლოვრენი “ლივერპულის” რიგებში 2014 წლიდან თამაშობს. მან “ენფილდროუდელთა” შემადგენლობაში ჩემპიონთა ლიგა (2018-2019) და ინგლისის პრემიერლიგა (2019-2020) მოიგო. 2019-2020 წლების სეზონში ხორვატმა ფეხბურთელმა საკლუბო დონეზე 15 მატჩი ჩაატარა, ერთი გოლი გაიტანა და ერთი შედეგიანი გადაცემა მიითვალა.
