ჭდე: მანჩესტერ იუნაიტედი

“მანჩესტერ იუნაიტედის” ყოფილი ფეხბურთელი, დევიდ მეი (1994-2003), პოლ პოგბას ცუდ ფორმაზე საუბრისას აღნიშნავს, რომ ფრანგი ფეხბურთელი ზედმეტად დიდ ყურადღებას უთმობს საკუთარ გარეგნობაზე ზრუნვას.

“რიგ შემთხვევებსი პოგბა ძალიან საშიშ ფეხბურთელად გვევლინება, მაგრამ აქვს ცუდი პერიოდებიც. ზუსტად არ ვიცი, არის თუ არა მისი ჩავარდნა მოედნის მიღმა არსებულ სამყაროზე. მაგრამ ფაქტია, რომ მას ყოველდღე ახალი ვარცხნილობა აქვს, შეიძლება ცუდი ფორმა ამის შედეგიც იყოს.

ჟოზე მოურინიო ყველაფერს აკეთებს, რათა მისთვის შესაფერისი პოზიცია იპოვოს და პოგბასგან საუკეთესო მიიღოს. შესაძლოა, მას კიდევ ერთი საყრდენი ნახევარმცველი სჭირდებოდეს, რომელიც ზურგს გაუმაგრებს და მეტ თავისუფლებას მისცემს.

მჯერა, რომ ის ძალიან ბევრს მუშაობს და უნდა, რომ გუნდს დაეხმაროს. პოგბა ფანტასტიკური ფეხბურთელია, მაგრამ, ვფიქრობ, გამოცდილება აკლია,” – აცხადებს მეი.

მსგავსად ფეხბურთის სხვა ექსპერტებისა, არც “მანჩესტერ იუნაიტედის” ყოფილი ნახევარმცველი, როი კინი მოერიდა პოლ პოგბას საჯაროდ გაკრიტიკებას. როგორც იცით, საქმე “სევილიასთან” წაგებულ მატჩს ეხება, რის შემდეგაც “წითელი ეშმაკები” ჩემპიონთა ლიგიდან გამოვარდნენ.

“პოგბა “მანჩესტერ იუნაიტედისთვის” უდიდეს პრობლემას წარმოადგენს. მისი დონის ფეხბურთელებისგან მატჩის ბედის გადაწყვეტას ველით და როდესაც ამის ნაცვლად სასტარტოში ადგილის დამკვიდრებასაც ვერ ახერხებენ, რაღაც არასწორად კეთდება.

პოგბა მოედანზე გამოვიდა, თუმცა არაფერი გაუკეთებია. ის საფრთხეს ვერ გრძნობს. მისი რეაქცია პირველი გოლის დროს, სკოლის მოსწავლისას გავდა.

გუნდური თამაშის მიზანი ერთმანეთის შეცდომების გამოსწორებაა. აქ კი არავინ არ ეხმარება სხვას. ისინი ეგოისტურად თამაშობენ და როგორც ჩანს, არ შეუძლიათ ერთიანად მოქმედება,” – აცხადებს როი კინი.