ჭდე: ლესტერ სიტი

მიმდინარე სეზონის დაწყების წინ „ლესტერ სიტის“ ერთ-ერთმა გულშემატკივარმა თავისი საყვარელი გუნდის ჩემპიონობაზე ნახევარი ფუნტი დადო, მაშინ, როდესაც ამ მოვლენის კოეფიციენტი 5000-ს შეადგენდ, იუწყება „ევროსპორტი“. პირველ ტურში „ლესტერის“ „სანდერლენდთან“ ანგარიშით 4:2 მოგების შემდეგ გულშემატკივარმა  თანხის მთლიანად გამოტანა გადაწყვიტა. აქედან გამომდინარე, „ლესტერის“ ჩემპიონობის ძალიან დიდი ალბათობით გათვალისწინებით, მან ხელიდან 2500 ფუნტის მოგების შანსი გაუშვა. ამასთან დაკავშირებით საბუკმეკერო კომპანია „Ladbrokes“-მა სპეციალური განცხადებაც გამოაქვეყნა:

„ეს ისტორიაში როგორც თანხის ყველაზე ცუდი განაღდება შევა. ბევრმა თანხა სეზონის შუა ნაწილში დაიბრუნდა, თუმცა პირველი მატჩის შემდეგ ასე მხოლოდ ის მოიქცა. მზად ვართ, მას გასვლით შეხვედრებზე დასწრება დავუფინანსოთ და შემდეგი სეზონისთვის კიდევ ერთი ფსონის გაკეთებას ვთავაზობთ“.

იმ შემთხვევაში, თუ „ლესტერ სიტი“ ინგლისის ჩემპიონი გახდება, ბრიტანელ ბუკმეკერებს ათ მილიონ ფუნტამდე გადახდა მოუწევთ, იუწყება BBC.

სეზონის წინ „ლესტერის“ ჩემპიონობაზე კოეფიციენტი 5000-ს შეადგენდა, შობისთვის კი ეს მაჩვენებელი 1000-მდე შემცირდა.

„ლესტერის“ გამარჯვება ფსონების ისტორიაში ყველაზე დიდი იმედგაცრუება იქნება. ჩვენთვის ეს საშინელი ფინანსური შედეგი გამოდგება, რეკორდული თანხების გადახდა მოგვიწევს“, – განაცხადა საბუკმეკერო კომპანია „Ladbrokes“-ის დირექტორმა ალექს დონაჰიუმ.

ერთ-ერთმა ბრიტანულმა კომპანია „Betfred“-მა უკვე ყველას გადაუხადა, ვინც ფსონი „ლესტერის“ მოგების სასარგებლოდ გააკეთა. „არამგონია, ვინმემ მათი გასწრება შეძლოს“, – განაცხადა „Betfred“-ის ხელმძღვანელმა ფრედ დანმა.

სეზონის დასრულებამდე 4 ტურით ადრე „ლესტერ სიტი“ ცხრილს 73 ქულით ლიდერობს და მეორე ადგილზე მყოფ „ტოტენჰემს“ 5 ქულით უსწრებს.

“ლესტერ სიტის” ლიდერი, რომელიც “ვესტ ჰემთან” მატჩში გაძევებულ იქნა, ვარჯიშზე ახალი მანქანით გამოცხადდა.

ჯეიმი ვარდიმ, რომელიც საკმაოდ მშვიდად გამოიყურებოდა, გულშემატკივრებთან სასიამოვნო გასაუბრებაც მოაწყო და ავტოგრაფებიც დაურიგა.

რაც შეეხება თავად ავტომობილს, საუბარია Bentley Continental GT-ზე, რომელიც 168.000 ფუნტად არის შეფასებული. აღნიშნული მანქანის მაქსიმალური სიჩქარე 318 კმ/სთ გახლავთ. რაც შეეხება ნომერს (J9 VDY), მის მისაღებად ვარდის 250 ფუნტის გადახდა დასჭირდა.