ჭდე: მასიმილიანო ალეგრი

ტურინის “იუვენტუსის” დირექტორმა, ბეპე მაროტა კატეგორიულად უარყოფს პრესაში გავრცელებულ ბოლოდროინდელ ინფორმაციას, რომლის მიხედვითაც მასიმილიანო ალეგრი იტალიური გრანდის მიტოვებას აპირებს.

ამ ინფორმაციას იტალიის ერთ-ერთი წამყვანი გამოცემა, Rai Sport, ავრცელებს: “რამდენიმე საათის წინ ბეპე მაროტას ვესაუბრეთ და მან საკმაოდ გარკვევით განგვიცხადა, რომ მასიმილიანო ალეგრი მომავალ სეზონშიც “იუვეს” მწვრთნელი იქნება.

მან პრესაში გავრცელებული ჭორები უარყო და განაცხადა, რომ ტურინის “იუვენტუსი” უახლოეს მომავალში იტალიელ სპეციალისტთან გამომშვიდობებას არ გეგმავს.”

შეგახსენებთ, რომ “მილანის” ყოფილ თავკაცს “პარი სენ-ჟერმენის”, “ჩელსის”, “არსენალისა” და “ტოტენჰემის” ჩაბარებას უწინასწარმეტყველებდნენ.

ტურინის “იუვენტუსის” მთავარმა მწვრთნელმა, მასიმილიანო ალეგრიმ, რომლის გადაბირების სურვილსაც “არსენალისა” და “პარი სენ-ჟერმენის” ხელმძღვანელები გამოთქვამენ, პრესასთან საკუთარ მომავალზე ისაუბრა.

“ყველაფერი შედეგებზეა დამოკიდებული. თუ მოვიგებთ, მაშინ ყველაფერი კარგადაა, ხოლო თუ წავაგებთ, სიტუაცია გართულდება. დანამდვილებით მხოლოდ იმის თქმა შემიძლია, რომ ბედნიერი ვარ და კლუბთან კონტრაქტი 2020 წლამდე მაკავშირებს,” – აცხადებს მასიმილიანო ალეგრი.

როგორც იცით, “მილანის” ყოფილი თავკაცი ახლახან 2017 წლის სერია ა-ს საუკეთესო მწვრთნელად დაასახელეს. მისი გუნდი კი მიმდინარე სეზონში საკმაოდ კარგად გამოიყურება და ჩემპიონთა ლიგის მეოთხედფინალშიც თამაშობს.

ტურინის “იუვენტუსის” მთავარმა მწვრთნელმა, მასიმილიანო ალეგრიმ კატეგორიულად უარყო მოსაზრება “ბებერი ქალბატონის” კრიზისში ყოფნის შესახებ და აღნიშნა, რომ მათთვის დაკარგული ჯერ არაფერი არ არის.

“იუვენტუსი” კრიზისში არ არის. ჩვენ ჩემპიონატში ჯერ არაფერი დაგვიკარგავს, “ნაპოლისთან” სხვაობა რამდენიმე ქულაა და ესეც იმიტომ, რომ ისინი ბრწყინვალე თამაშს აჩვენებენ.

ჩემპიონთა ლიგის მომდევნო ეტაპის საგზურს,ვფიქრობ, მომდევნო ტურში მოვიპოვებთ, ამის კარგი შანსები გვაქვს. ორი წლის წინ ნამდვილად ახლოს ვიყავით კრიზისთან, ახლა კი ყველაფერი კაგად არის,” – ციტირებს ალეგრის სიტყვებს Football Italia.

“იუვენტუსის” მთავარმა მწვრთნელმა, მასიმილიანო ალეგრიმ “სპორტინგთან” ძნელად მოპოვებული გამარჯვების (2-1) შემდეგ პრესასთან ისაუბრა და აღიარა, რომ მისი გუნდი ამჟამად არც თუ ისე კარგ ფორმაში იმყოფება.

“საუკეთესო ფორმაში ნამდვილად არ ვართ. გუნდის ლიდერები ახლახან დაბრუნდნენ ლაზარეთიდან, სხვებს კი სანაკრებო პაუზის შემდეგ დრო სჭირდებოდათ, რათა ფორმა ბოლომდე აღედგინათ. ასე რომ, ეს ყველაფერი არ არის და მუშაობა უნდა გავაგრძელოთ.

გასული სეზონი წარსულს ჩაბარდა. ჩვენ უმაღლესი დონე უნდა შევინარჩუნოთ და ყოველდღე უნდა ვიბრძოლოთ წარმატებისთვის. ჩემპიონთა ლიგის მოგება ადვილი ნამდვილად არ იქნება, მაგრამ ამისთვის ყველაფერი უნდა გავაკეთოთ.

შეიძლება ითქვას, რომ ნოემბრამდე და მის შემდეგ სიტუაცია რადიკალურად იცვლება. ჩვენ უშუალო ბრძოლაში მომდევნო სანაკრებო პაუზის შემდეგ ჩავერთვებით,” – აცხადებს იტალიელი სპეციალისტი.

ტურინის “იუვენტუსის” მთავარმა მწვრთნელმა, მასიმილიანო ალეგრიმ იტალიის სერია ა-ს ახალი სეზონის დაწყებამდე პრესასთან ისაუბრა და აღნიშნა, რომ წელს ჩემპიონობისთვის 6 კლუბი აცხადებს პრეტენზიას.

“როდესაც ზედიზედ ექვსი წელია, რაც ჩემპიონატს იგებ და ამავდროულად ევროპაშიც წარმატებულად გამოდიხარ, ძალიან რთული ხდება უფრო მაღალ საფეხურზე გადასვლა.

თუ ჩემპიონატის დაწყების პირველივე დღიდან რაციონალურ გადაწყვეტილებებს მივიღებთ და ყველანაირ შეცდომას გამოვასწორებთ, დიახ, ჩვენ ტიტულის მოგების მთავარი ფავორიტები ვართ.

წელს სერია ა გაცილებით უფრო დაბალანსებული იქნება. ჩემპიონობაზე პრეტენზიას 5-6 კლუბი აცხადებს, ჩვენ კი ბოლო მატჩამდე ვაპირებთ ბრძოლას,” – აცხადებს “მილანის” ყოფილი თავკაცი.