„დალასის“ ფორვარდი დირკ ნოვიცკი მოახლოებულ ოლ სტარზე ტრავმირებულ ენტონი დევისს შეცვლის.
„პელიკანსის“ ლიდერი მხრის ტრავმის შემდეგ ჯერ არ გამოჯანმრთელებულა. მოთამაშე „ჩიკაგოსთან“ გასული კვირის მატჩში დაშავდა. აღსანიშნავია, რომ დირკი თამაშს დასავლეთ კოფნერენციის გუნდის ხუთეულში დაიწყებს.
მიმდინარე სეზონში 36 წლის ვეტერანმა 51 მატჩი ჩაატარა, რომელშიც მისმა მონაგარმა 18,3 ქულა, 6 მოხსნა და 2 გადაცემა შეადგინა.
„დალას მავერიკსის“ ფორვარდმა დირკ ნოვიცკიმ „საკრამენტო კინგსთან“ შეხვედრაში თავისი 26 953-ე ქულა დააგროვა, რითაც ეროვნული საკალათბურთო ასოციაციის ისტორიაში ყველა დროის ყველაზე შედეგიანი ლეგიონერი გახდა.
ამ მაჩვენებლით გერმანელმა ნიგერიელ ჰაკიმ ოპლაჯუვონს გაუსწრო, რომლის შედეგიც 26 946 ქულას შეადგენდა. ლიგის მოქმედ მოთამაშეებს შორის ყველაზე ახლოს 24 962 ქულით ნოვიცკისთან „სან-ანტონიო სპურსის“ ფორვარდი ტიმ დანკანია, რომელიც ვირჯინიის კუნძლებზე დაიბადა.
გარდა ამისა, ამჟამად ნოვიცკი NBA-ს ყველა დროის ყველაზე შედეგიან მოთამაშეებს შორის მეცხრე ადგილს იკავებს. მერვე საფეხურზე ელვინ ჰეისია, რომელმაც 27 313 ქულა დააგროვა, ხოლო რეკორდი „ლეიკერსის“ ლეგენდარულ ცენტრს კარიმ აბდულ-ჯაბარს ეკუთვნის – მისი მონაგარი 38 387 ქულას შეადგენს.
„დალას მავერიკსის“ ლიდერმა დირკ ნოვიცკიმ „კლივლენდ კავალიერსის“ უკანახაზელს მეთიუ დელავედოვას შანსი არ დაუტოვა
„დალას მავერიკსის“ ფორვარდი დირკ ნოვიცკი თვლის, რომ მაღალ დონეზე თამაშს კიდევ ორი სეზონის განმავლობაში შეძლებს.
„მიხარია, რომ განვლილ სეზონში 80 მატჩი ჩავატარე. წინა სეზონის შემდეგ ამის ბევრს არ სჯეროდა. თუმცა მაინც ვიმედოვნებ, რომ მაღალ დონეზე კიდევ რამდენიმე სეზონის განმავლობაში ვითამაშებ“, – განუცხადა დირკმა Mavs.com-ს.
„დალას მავერიკსის“ ფორვარდმა დირკ ნოვიცკიმ განაცხადა, რომ კლუბთან ახალ კონტრაქტს სულ მალე გააფორმებს.
„ჩვენ სწრაფად შევთანხმდებით. კიუბანმა იცის, რომ არსად წასვლას არ ვაპირებ, ეს არც მას სურს. ვფიქრობ, ყველაფერი სწრაფად მოხდება და ჩვენ გუნდზე ფიქრს გავაგრძელებთ. რაც შეეხება „ჰიუსტონის“ მხრიდან ინტერესს, „როკეტსის“ შესახებ არასდროს მისაუბრია. ჩემი ამ კლუბში გადასვლის ალბათობა ნულს უდრის“, – განუცხადა ნოვიცკიმ „The Dallas Morning News“-ს.
„დალას მავერიკსის“ ფორვარდმა დირკ ნოვიცკიმ ნაციონალური საკალთბურთო ასოციაციის ისტორიაში ყველაზე შედეგიანი მოთამაშეების სიაში ოსკარ რობერტსონს გაუსწრო და მეათე ადგილზეც გავიდა. ეს გამთენიისას, „იუტა ჯაზთან“ მატჩის ბოლო მეოთხედში მოხდა, რომელშიც გერმანელმა 21 ქულა დააგროვა.
ამჟამად ნოვიცკის ანგარიშზე 26 714 ქულაა. მიმდინარე სეზონში ამ მაჩვენებლით მან ასევე ჯერი უესტს, კევინ გარნეტს, რეჯი მილერს, ალექს ინგლიშს, ჯონ ჰავლიჩეკსა და დომინიკ უილკინსს აჯობა.
„დალას მავერიკსის“ ვარსკვლავი დირკ ნოვიცკი კლუბთან ახალი კონტრაქტის გაფორმებას გეგმავს.
„ზაფხულში თავისუფალი აგენტი გავხდები და, დიდი ალბათობით, ახალ კონტრაქტსაც მოვაწერ ხელს, რომელიც 2-3 წლით იმოქმედებს. სანამ ჩემი ორგანიზმი დატვირთვებს გაუძლებს, კალათბურთს ვითამაშებ. როდესაც ახალი კონტრაქტის ვადა ამოიწურება 38 ან 39 წლის ვიქნები. სავარაუდოდ, კარიერას სწორედ ამ პერიოდში დავასრულებ“ – ნოვიცკის ეს სიტყვები Sport1.de-ს მოჰყავს.
ალექსანდრე მატევოსოვი
აშშ-ს მოსახლეობა მსოფლიოს გაოცებას აგრძელებს.
„დალას მავერიკსის“ ერთ-ერთმა გულშემატკივარმა თავისი საყვარელი კლუბის მატჩის დროს ბანერი აპინა, რომლის დახმარებითაც, გუნდის ლიდერ დირკ ნოვიცკის მიმართა.
„დირკ, ჩემი ცოლი ფეხმძმედაა. იმედია, ეს შენი შვილია“, – ნათქვამია პოსტში.
ალექსანდრე მატევოსოვი
