„ფიორენტინას“ ხელმძღვანელობა შემადგენლობაში ნახევარმცველ ვალონ ბეჰრამის დაბრუნებაზე დაფიქრდა. ამის შესახებ „სქაი სპორტსი“ წერს.
გასული სეზონი შვეიცარელმა ფეხბურთელმა „ჰამბურგში“ გაატარა, თუმცა ახლა ფლორენციაში დასაბრუნებლად, სავარაუდოდ, მზადაა. გარდა ამისა, როგორც სანდო წყარო იტყობინება, ყოფილ კლუბში დასაბრუნებლად ვალონი ხელფასის შემცირებაზეც თანახმაა.
შეგახსენებთ, რომ ბეჰრამი ფლორენციულ კლუბში 2011-2012 წლების სეზონში თამაშობდა, რის შემდეგაც „ნაპოლიში“ გადავიდა.
