დღეს ლა ლიგა სანტანდერის მეცხრე ტურის შეხვედრაში მადრიდის “რეალი” საკუთარ მოედანზე “ეიბარს” დაუპირისპირდება.
საგულისხმოა, რომ “ბლანკოსი” აღნიშნულ მატჩს დიდი დანაკლისით ხვდება. გარეთ ბეილი, მატეო კოვაჩიჩი, დანი კარვახალი, კეილორ ნავასი, ლუკა ზიდანი – ეს იმ მოთამაშეთა ხუთეულია, რომლებიც დაპირისპირებაში მონაწილეობას ვერ მიიღებენ.
გუშინდელ ვარჯიშზე 20 სპორტსმენი ირჯებოდა. მათ შორის იყო 17 წლის მეკარე, მოჰა, რომელიც წინა რამდენიმე თამაშის მსგავსად, დღესაც განაცხადშია.
გუშინ ჩემპიონთა ლიგის შეხვედრები გაიმართა.
ერთ-ერთ მატჩში ვარშავის “ლეგიამ” მადრიდის “რეალი” მიიღო და მეტოქესთან ფრე – 3-3 გააგორა. აღსანიშნავია, რომ მადრიდელები წაგებას მატეო კოვაჩიჩმა გადაარჩინა: სწორედ მან გაიტანა 85-ე წუთზე მესამე გოლი და ანგარიში გაათანაბრა.
საგულისხმოა, რომ კოვაჩიჩი სხვა რამითაც გამოირჩა ნახსენებ მატჩში. ხორვატმა მოთამაშემ 88 პასი გააკეთა, საიდანაც 85 ზუსტი იყო. ეს მისი საუკეთესო პროცენტული მაჩვენებელია პასების მხრივ მადრიდის “რეალში”.
კრიშტიანო რონალდუ მადრიდულ დერბიში განცდილმა მარცხმა ძალიან განარისხა, იმდენად, რომ პრესასთან საუბრისას საკუთარი თანაგუნდელების გაკრიტიკებასაც არ მოერიდა.
Cope-სთან ჩაწერილ მატჩისშემდგომ ინტერვიუში რონალდუმ განაცხადა, რომ წარუმატებლობა კლუბის უიღბლობამ გამოიწვია ტრავმირებული ფეხბურთელების მხრივ. მას სხვა ფეხბურთელების შესაძლებლობები კითხვის ნიშნის ქვეშ არ დაუყენებია.
გთავაზობთ კრიშტიანო რონალდუს სრულ ინტერვიუს:
ჟურნალისტი: დღეს შეიძლება “ატლეტიკოზე” უკეთესები იყავით, თუმცა საბოლოოდ 0-1 წააგეთ.
რონალდუ: “არ ვიცი, შესაძლოა ეს უბრალოდ უიღბლობის ბრალი იყო, თუმცა ჩვენ მეტი შანსი გვქონდა და მოგებასაც ვიმსახურებდით. მაგრამ ფეხბურთი ასეთია. ვიცოდით, რომ ლიგის მოგება რთული იქნებოდა, თუმცა ეს ახლა კიდევ უფრო გართულდა.
მაგრამ ჩვენ მაინც უნდა განვაგრძოთ ბრძოლა. ჩვენ წინ კიდევ ერთი უმნიშვნელოვანესი ტურნირი გველის – ჩემპიონთა ლიგა, სადაც დანებება არ შეიძლება.”
ჟურნალისტი: მადრიდში ცვლილებებზე ძალიან დარდობენ, რა ხდება? პრობლემა მწვრთნელშია თუ დამოკიდებულებაში?
რონალდუ: ” არ მინდა რომელიმე ფეხბურთელი დავაკნინო, თუმცა როცა დიდი ფეხბურთელები გაკლია წარმატებულის მიღწევა ადვილი არ არის.
ჩვენ არ გვყავს კარიმი, არ გვყავს ბეილი, არ გვყავს მარსელო და არც პეპე. რა თქმა უნდა რთულია. არ ვამბობ, რომ ისინი ვინებიც თამაშობდნენ ცუდები იყვნენ, თუმცა საუკეთესოების ყოფნა უმნიშვნელოვანესია.
ალბათ უიღბლობა ლა ლიგის დაწყებიდანვე თან გვდევს, ტრავმამ ძალიან ბევრჯერ შეგვიშალა ხელი. ეს ძალიან მტკივნეულია, განსაკუთრებით კი გასვლით მატჩებში. რის გამოც საზღაური უკვე მივიღეთ. ბევრი ქულა დავკარგეთ, “ბარსასა” და “ატლეტიკოსთანაც”. ფაქტია, რომ ლიგა ფაქტიურად წაგებული გვაქვს.
სეზონის ბოლომდე ვიბრძოლებთ, თუმცა ადვილი არ იქნება. ჩემპიონთა ლიგა განსხვავებული ტურნირია, ძალიან აღელვებულნი ვართ. ვეცდებით რომ ჩემპიონთა ლიგაზე წარმატებას მივაღწიოთ. ვნახოთ რა მოხდება.”
ჟურნალისტი: ტრავმების მიუხედავად გუნდი მაინც ცუდად თამაშობს …
რონალდუ: “ამას ნამდვილად არ ვეთანხმები. ჩემის აზრით გუნდი უკეთ გამოიყურება, ვიდრე ეს ადრე იყო. მართალია ზოგ მატჩში ნაკლებად, მაგრამ მაინც.”
ჟურნალისტი: “რეალს” 22 გასაოცარი ფეხბურთელი ჰყავს. რატომ არ ჩანს ეს მოედანზე?
რონალდუ: “ეს თქვენი საკუთარი ხედვაა, რომელსაც მე არ ვიზიარებ.
უკვე ვთქვი და კიდევ გავიმეორებ, არავის დაკნინება არაა საჭირო, უბრალოდ რთულია როცა გუნდი საუკეთესო ფეხბურთელების გარეშე თამაშობს. გრძელვადიან ტურნირში თამაში რთულია. არ ვიცი რატომ, მაგრამ რთულია. მაგალითად, პირადად მე ძალიან მიყვარს კარიმთან ერთად თამაში.
მიყვარს ბეილთან ერთად თამაშიც. ძალიან რთულია, როდესაც ის მოედანზე არ არის.
მარსელოს გვერდითაც მომწონს თამაში, როცა ის არაა ძალიან რთულია. დანილო დღეს საუკეთესო იყო. ცუდად არც ხესე, ლუკასი და კოვაჩიჩი თამაშობს. ეს ჩემი პოზიციაა.”
ჟურნალისტი: ასეთი ტრავმიანობის მიზეზი იცით?
რონალდუ: ნამდვილად არ ვიცი, თუ როგორ ავხსნა ეს ყველაფერი. მაგრამ ფაქტი სახეზეა. შესაძლოა ეს პრესეზონიდან მოგვყვება. მხოლოდ ის ვიცი, რომ ისინი ვინც გვაკლია ძალიან დიდ დახმარებას გვიწევდნენ.”
ჟურნალისტი: რონალდო, რომლის ხილვაც “რეალის” ყველა ფანს სურს არის ის, რომელმაც “რომას” წინააღმდეგ ითამაშა. ბურთის აღება და დაცვის გარღვევა. მაგრამ რატომ ვერ ნახეს იგივე რონალდო “მალაგასთან”, “ბეტისთან”, “გრანადასთან” ან თუნდაც დღს?
რონალდუ: სხვები ძალიან კარგ სეზონს ატარებენ, მეც ძალიან ახლოს ვარ მათთან. თუ ასეთი ცუდი ვარ, როგორც თქვენ ამბობთ, მაშინ ჩემპიონთა ლიგაზე ჩემთან ახლოს არავინ ყოფილა.
ეს ყველაფერი ძალიან მაბრაზებს, რადგანაც ამას საზღვარიც არ აქვს. ყველა ჩემს დონეზე რომ თამაშობდეს, შესაძლოა ახლა ცხრილის სათავეშიც ვყოფილიყავით.
“თქვენ ხშირად უსამართლონი ხართ, ძალიან რთულ კითხვებს მისვამთ. ჩემს ნიჭს ყოველთვის კითხვის ნიშნის ქვეშ აყენებთ. თითქოს ნაგავი ვიყო, თუმცა რიცხვები არ იტყუებიან. დააკვირდით სტატისტიკურ მონაცემებს, ეს ადვილია.”
ჟურნალისტი: თუმცა ფანები ყველაფერს სხვაგვარად ხედავენ – თუკი არსებობს მაგიური ღილაკი, რომელიც ჩემპიონთა ლიგაზე გასაოცრად თამაშის უფლებას გაძლევთ, რატომ არ იყენებთ მას ლა ლიგაში? ესპანეთში ხომ ძალიან ცუდად თამაშობთ.
რონალდუ: ” მე კიდევ ერთხელ არ ვიზიარებ თქვენს მოსაზრებას, ცუდად არ ვთამაშობთ.
თუ იმას გულისხმობთ, რომ პრობლემა ფსიქოლოგიაშია, თქვენ მართალი ხართ. რთულია მოტივირებულმა იტამაშო, როცა იცი, რომ 9 ქულით გისწრებენ. ჩემპიონთა ლიგაზე კი ყველაფერი სხვაგვარადაა. განსხვავება ძალიან დიდია. ”
ჟურნალისტი : “ბოლო კითხვა არ ისმის”
რონალდუ: “იქნებ შეგვიძლია კიდეც, ადრეც მითქვამს რომ ამ ტურნირის მოგება შეგვიძლია. თუმცა საუკეთესო ფეხბურთელების გარეშე მსგავსი ტურნირის მოგება შეუძლებელია.”
მადრიდის “რეალის” ახალწვეულმა მატეო კოვაჩიჩმა ახალ კლუბში ჩატარებულ პირველივე ვარჯიშზე გოლების გატანა მოახერხა.
გთავაზობთ ვიდეოს, რომელშიც მსოფლიოს 20 ყველაზე ძვირადღირებული ახალგაზრდა ფეხბურთელია დასახელებული.
“ინტერის” ნახევარმცველი მატეო კოვაჩიჩი “ლივერპულში” გადასვლას უახლოვდება. მერსიასიდელები 21 წლის ფეხბუთელს ტრანსფერში 22,6 მილიონ ევროს გადაიხდის, კიდევ 2 მილიონს კი მილანალები ბონუსების სახით მიიღებენ.
იტალიის ჩემპიონატის დასრულებულ სეზონში კოვაჩიჩმა 35 შეხვედრა ჩაატარა და 5 გოლის გატანა შეძლო.
“ინტერის” ნახევარმცველი მატეო კოვაჩიჩი კარიერას “ლივერპულში” გააგრძელებს. შეთანხმების დეტალები ჯერჯერობით უცნობია, თუმცა უცხოური პრესის ცნობით მილანელები 21 წლის ნახევარმცველმს 24 მილიონ ევროდ აფასებენ.
გასულ სეზონში კოვაჩიჩმა სერია ა-შ 35 შეხვედრა ჩაატარა და 5 გოლის გატანა შეძლო.
მილანელთა მთავარი მწვრთნელი რობერტო მანჩინი კოვაჩიჩის დარჩენის სურვილს გამოთქვამდე, თუმცა როგორც ჩანს ტრანსფერი ნებისმიერ შემთხვევაში განხორციელდება.
“ბარსელონას” ფორვარდი პედრო, შესაძლოა, მიმდინარე სეზონის დასრულების შემდეგ “ინტერში” გადაბარგდეს. შეგახსენებთ, რომ ესპანელი შემტევი მუდმივი სათამაშო პრაქტიკის არქონის გამო უკმაყოფილოა.
გავრცელებული ინფორმაციით კატალონიური კლუბი პედროს ჩართვას ბარტერში გეგმავს და “ინტერიდან” მის ნაცვლად მატეო კოვაჩიჩის მიღება სურს.
პედროს მიმართ ინტერესს ლონდონის “არსენალიც” იჩენს.
მილანის „ინტერმა“ ნახევარმცველ მატეო კოვაციჩთან კონტრაქტის გახანგრძლივებნა დაადასტურა.
ხორვატი ფეხბურთელს „ნერაძურისთან“ ახალი შეთანხმება 2019 წლამდე აკავშირებს.
ამჟამად შეთანხმების დეტალები საჯაროდ უცნობია. არაოფიციალური ინფორმაციით, ნახევარმცველი წელიწადში ორ მილიონ ევროს მიიღებს.
”ინტერის” ხორვატი ფეხბურთელი მატეო კოვაჩიჩი დარწმუნებულია, რომ მილანურ დერბიში მისი გუნდი გაიმარჯვებს.
”ჩვენ გვჭირდება კარგი შედეგი. ახლა გუნდს უფრო ძლიერი მთავარი მწვრთნელი ჰყავს. მე ძალიან მსურს ”ჩემპიონთა ლიგაზე” თამაში. ეს ჩვენი გულშემატკივარის სურვილიცაა. იქნება თუ არა ჩვენთვის დერბი გადამწყვეტი? დიახ, იქენება. გუნდის მიზანი ყველა თამაში სამი ქულის მოპოვებაა. ”ინტერი მოიგებს” მილანურ დერბის. ვფქირობ, რომ ჩვენ კარს მშრალად შევინახავთ და მატჩი ჩვენს სასარგებლოდ, ანაგრიშთ 2:0 დასრულდება”, – განაცხადა კოვაჩიჩმა La Gazzetta dello Sport-თან მიცემულ ინტერვიუში.
გეტყვით ასევე იმასაც, რომ მატჩი 23 ნოემბერს, თბილისი დროით 23:45 წუთზე დაიწყება.
ევროპის ლიგის ფლეი-ოფში “ინტერსა” და ისლანდიურ “სტიარნანს” შორის გამართულ მატჩში მატეო კოვაჩიჩმა მეტოქის კარში ლამაზი გოლი გაიტანა.
მილანის “ინტერის” ნახევარმცველი მატეო კოვაჩიჩი აცხადებს, რომ მას სეზონში ათი გოლის გატანა სჭირდება.
შეგახსენებთ, რომ 20 წლის ფეხბურთელს იტალიის სერია A-ში უკვე 45 მატჩი დაუგროვდა, თუმცა მის ანგარიშზე ჯერ-ჯერობით არცერთი გოლია.
“უნდა ითქვას, რომ ხშირად თამაშს ჩემს თავზე არ ვიღებდი და გოლის გატანა როცა მე შემეძლო, პასს თანაგუნდელს ვაძლევდი. ახლა, ვფიქრობ, უნდა შევიცვალო. სეზონში ათი გოლის გატანა მჭირდება”, – ამბობს კოვაჩიჩი.
