მადრიდის “რეალის” მთავარი მწვრთნელი რაფაელ ბენიტესი “ვალენსიას” მცველებით — ნიკოლას ოტამენდითა და შკოდრან მუსტაფით დაინტერესდა.
“ასის” ცნობით, “სამეფო კლუბის” წარმომადგენლებმა კრიშტიანუ რონალდუს აგენტ ჟორჟე მენდეშს, რომელიც “ვალენსიას” მფლობელ პიტერ ლიმას მრჩეველიც გახლავთ, სთხოვეს, რომ ამ ფეხბურთელებზე საჭირო ინფორმაცია შეეგროვებინა.
მენდეშმა მათ აცნობა, რომ ორივე მოთამაშის კონტრაქტში გამოსასყიდ თანხად 50 მილიონი ევრო წერია. “ვალენსია” ამ თანხის დაკლებას არ აპირებს.
იტალიური “სამპდორიას” აწ უკვე ყოფილი მცველი შკოდრან მუსტაფი კარიერას “ვალენსიაში” გააგრძელებს.
გერმანელმა ფეხბურთელმა ესპანურ კლუბთან კონტრაქტი 2019 წლის 30 ივნისამდე გააფორმა. არაოფიციალური ინფორმაციის თანახმად, “ღამურებმა” მუსტაფის სანაცვლოდ დაახლოებით 8 მილიონი ევრო გაიღეს.
შკოდრან მუსტაფიმ იტალიის სერია A-ს გასულ გათამაშებაში 33 მატჩი ჩაატარა, ერთი გოლი გაიტანა და ერთი საგოლე გადაცემა მიიწერა. ბრაზილიაში გამართულ მსოფლიოს ჩემპიონატზე გერმანიის ნაკრების წევრმა სამ შეხვედრაში მიიღო მონაწილეობა – პორტუგალიასთან (4:0), განასთან (2:2) და ალჟირთან (2:1 დ.დ.).
