იტალიური “რომას” მთავარ მწვრთნელს, ლუჩიანო სპალეტის სჯერა, რომ კევინ სტროტმანი საკმარისად ძლიერია, “ბარსელონასა” და “ბაიერნის” დონის გუნდებში თავის გატანა რომ შეძლოს.
“ვფიქრობ, სტროტმანს შეუძლია ისეთი დონის გუნდებში თამაში, როგორებიც “ბარსელონა” და “ბაიერნი” არიან. მიეცით მას თავის წარმოჩენის შანსი და ამას დაგიმტკიცებთ. მას ამ დონის ნებისმიერ კლუბში შეუძლია თამაში.
კევინი განსაკუთრებული ფეხბურთელი და ფანტასტიკური კაცია. ამ დასკვნამდე მისასვლელად, იმის ხილვაც საკმარისია, თუ რაოდენ დიდი შემართებით ვარჯიშობს ის ყოველდღიურად.
ის ნამდვილად გუნდის ფეხბურთელია, რომელიც ადვილად ჯდება რიტმში და ყოველთვის მზადაა. თუ მზად ხარ, მოიგებ კიდეც. სხვა შემთხვევაში, რთულია სასურველი შედეგის მიღება.”
