2016 წლის ევროპის ჩემპიონატის A ჯგუფის მესამე ტურის მატჩში ალბანეთის ნაკრებმა რუმინეთი ანგარიშით 1:0 დაამარცხა. შეხვედრის საუკეთესო მოთამაშედ ალბანელთა მცველი არლინდ აიეტი დასახელდა. მან მატჩი სრულად ჩაამთავრა.
#ALB defender Arlind Ajeti is the @carlsberg Man of the Match for #ROUALB. #EURO2016 list: https://t.co/gZ0dPB4ISc pic.twitter.com/5wITbJ5dsF
— UEFA EURO 2016 (@UEFAEURO) 19 June 2016
დღეს 2016 წლის ევროპის ჩემპიონატის შესარჩევ ეტაპზე ალბანეთის ნაკრები სერბეთს მიიღებს. მატჩამდე ერთი დღით ადრე არასასიამოვნო ინციდენტი მოხდა. უცნობმა პირებმა სერბეთის ნაკრების ავტობუსს ქვები დაუშინეს.
ალბანეთის ფეხბურთის ფედერაციაში აცხადებენ, რომ მომხდარის გამო არავინ დაშავებულა.
შეგახსენებთ, რომ სერბეთში ამ გუნდებს შორის გამართული მატჩი ტრიბუნაზე მომხდარი არეულობის გამო შეწყდა. უეფამ მაშინ ალბანეთს ტექნიკური წაგება ჩაუთვალა, სერბეთს კი სამი ქულა ჩამოაკლო და ორ მატჩში გულშემატკივრების გარეშე თამაში დააკისრა.
როგორც ცნობილია, ალბანეთის პოლიციამ დღევანდელ მატჩთან დაკავშირებით ტირანაში უსაფრთხოების ზომები გაამკაცრა.
ცნობისთვის, მატჩი ალბანეთისა და სერბეთის ნაკრებებს შორის დღეს, თბილისის დროით 22:45 საათზე დაიწყება.
რომის “ლაციოს” სერბმა და ალბანელმა ფეხბურთელებმა ერთობლივი ფოტო გადაიღეს ნიშნად იმისა, რომ მათი ქვეყნების ნაკრებებს შორის გამართული მატჩის მიმდინარეობის დროს მომხდარი კონფლიქტი დაუყოვნებლივ უნდა ამოიწუროს.
აღნიშნული აქციის საერთო სახელწოდებაა “ერთად”.
კამპანიაში მონაწილეობა მიიღეს “ლაციოს” სერბმა ფეხბურთელებმა ფილიპ ჯორჯევიჩმა და დუშან ბასტამ და კლუბის ალბანელმა მოთამაშეებმა ეტრიტ ბერიშამ, ლორიკ ცანამ და ტომას სტრაკოშამ.
