უბედური შემთხვევა მოხდა მექსიკაში. ავტობუსი, რომელსაც ფეხბურთის სამოყვარულო გუნდი გადაჰყავდა, მდინარეში გადავარდა. ოფიციალური ცნობით, დაღუპულია 16 ადამიანი, კიდევ ათმა პირმა კი სხვადასხვა სახის დაზიანება მიიღო.
წინასწარი გამოძიებით დადგინდა, რომ ავტობუსი გადაჭარბებული სიჩქარით მოძრაობდა, ასე გაიარა ხელოვნური უსწორმასწორობაც, რის შემდეგაც მძღოლმა საჭე ვეღარ დაიმორჩილა და ტრანსპორტი მდინარეში გადავარდა. მგზავრთა შორის იყვნენ ბავშვებიც.
საფეხბურთო კლუბ ბათუმის “დინამოს” საჩუქრად “მერსედესის” მარკის ავტობუსი გადაეცა. გუნდმა თანამედროვე სტანდარტების შესაბამისი სატრანსპორტო საშუალება კომპანია “მეტრო ჯორჯიასგან” მიიღო. ტრანსპორტი 150 ათასი ლარის ღირებულებისაა.
ბათუმის “დინამოს” საკუთრებაში არსებული ძველი ავტობუსი ბავშვთა გუნდს გადაეცემა.
მხარეებს შორის ურთიერთთანამშრომლობის მემორანდუმიც გაფორმდა. “მეტრო” გუნდის სატიტულო სპონსორი გახდა.
დღეს 2016 წლის ევროპის ჩემპიონატის შესარჩევ ეტაპზე ალბანეთის ნაკრები სერბეთს მიიღებს. მატჩამდე ერთი დღით ადრე არასასიამოვნო ინციდენტი მოხდა. უცნობმა პირებმა სერბეთის ნაკრების ავტობუსს ქვები დაუშინეს.
ალბანეთის ფეხბურთის ფედერაციაში აცხადებენ, რომ მომხდარის გამო არავინ დაშავებულა.
შეგახსენებთ, რომ სერბეთში ამ გუნდებს შორის გამართული მატჩი ტრიბუნაზე მომხდარი არეულობის გამო შეწყდა. უეფამ მაშინ ალბანეთს ტექნიკური წაგება ჩაუთვალა, სერბეთს კი სამი ქულა ჩამოაკლო და ორ მატჩში გულშემატკივრების გარეშე თამაში დააკისრა.
როგორც ცნობილია, ალბანეთის პოლიციამ დღევანდელ მატჩთან დაკავშირებით ტირანაში უსაფრთხოების ზომები გაამკაცრა.
ცნობისთვის, მატჩი ალბანეთისა და სერბეთის ნაკრებებს შორის დღეს, თბილისის დროით 22:45 საათზე დაიწყება.
ჩემპიონთა ლიგის მერვედფინალურ ეტაპზე “პარი სენ-ჟერმენსა” და ლონდონის “ჩელსის” შორის გამართული მატჩის (1:1) დაწყებამდე ინგლისელთა ავტობუსს სტადიონზე ავარია მოუვიდა.
მძღოლი სტადიონის ავტოსადგომზე ავტობუსის დაყენებას ცდილობდა, თუმცა ვიწრო მოსახვევში ხეირიანად ვერ მოუხვია და კედელს შეეჯახა.
ავტობუსს ძირითადად ფანჯრის მინა დაუზიანდა.
