39 წლის კოლუმბიელმა მცველმა მარიო იეპესმა არგენტინულ „სან-ლორენცოსთან“ კონტრაქტის გახანგრძლივება იუარა. პარასკევს „მილანის“ ექს-ფეხბურთელი გუნდთან ბოლო ვარჯიშს ჩაატარებს, რის შემდეგაც თავისუფალი აგენტი გახდება.
იეპესი „სან-ლორენცოში“ გასულ წელს გადავიდა და გუნდთან ერთად 2014 წლის მსოფლიო საკლუბო ჩემპიონატზე თამაშიც მოასწრო, სადაც არგენტინელები ფინალში მადრიდის „რეალთან“ დამარცხდნენ.
არგენტინული „სან-ლორენცოს“ კაპიტანმა ხუან მერსიემ მადრიდის „რეალის“ ფეხბურთელები ქალაჩუნებად მოიხსენია.
შეგახსენებთ, რომ შაბათს „რეალმა“ სამხრეთამერიკული კლუბი მსოფლიოს საკლუბო ჩემპიონატის ფინალში ანგარიშით 2:0 დაამარცხა.
„ყოველთვის, როდესაც ამ ქალაჩუნებს ვეხებოდით, ისინი ვარდებოდნენ. მათ დაფარებას ვცდილობდით, მსაჯი კი მაშინვე უსტვენდა. ისინი აქ უნდა ჩამოვიდნენ. აქ ისე ვთამაშობთ, როგორც შეგვიძლია, „რეალი“ კი, ფიზიკურ დატვირთვას შეჩვეული არაა“, – ციტირებს მერსიეს გამოცემა „Marca“.
