ბუდუ ზივზივაძე დინამოში დაბრუნდა. ამის შესახებ ინფორმაციას ქართული კლუბის ოფიციალური ვებგვერდი ავრცელებს.
23 წლის ფორვარდი დანიური ესბიერგის კუთვნილებაა და თბილისურ გუნდში ერთწლიანი იჯარით იასპარეზებს. ბუდუმ გასული 2017 წელი სწორედ სკანდინავიურ გუნდში გაატარა, დანიაში წასვლამდე კი საქართველოს ჩემპიონი, ეროვნული პირველობის საუკეთესო ფეხბურთელი და ბომბარდირი გახდა.
ბუდუ ესბიერგში ჩარიცხვამდე სამტრედიასა და ტორპედოში გამოდიოდა. 2011-2014 წლებში კი დინამოში თამაშობდა.
Fcdinamo.Ge
დღეს დანიის რანგით მეორე დივიზიონის მეჩვიდმეტე ტურში “როსკილდესმა” “ესბერგს” უმასპინძლა და 0:4 განადგურდა.
აღნიშნულ შეხვედრაში მონაწილეობა მიიღო ქართველმა ნახევარმცველმა ლაშა პარუნაშვილმა, რომელმაც სრული შეხვედრა ჩაატარა და 93-ე წუთზე თავიც გამოიჩინა, ეს მისთვის მიმდინარე სეზონში მეორე გოლია. რაც შეეხება “ესბერგის” მეორე ქართველ ფეხბურთელს, ბუდუ ზივზივაძეს, ის სათადარიგოთა შორის იყო და მინდორზე არ გამოჩენილა.
“ესბერგს” მეჩვიდმეტე ტურის შემდეგ 28 ქულა აქვს და მეოთხე ადგილს იკავებს და მესამე პოზიციაზე მყოფთან ჩამორჩენა, მხოლოდ ერთი ქულაა.
სამტრედიის “სამტრედიას” უკვე ყოფილი ფეხბურთელი, ბუდუ ზივზივაძე დანიის “ესბიერგში” ითამაშებს. ამის შესახებ გუნდის ოფიციალური გვერდი იტყობინება.
22 წლის ფეხბურთელმა ევროპულ კლუბთან ორწლიან კონტრაქტს მოაწერა ხელი. შესაბამისად, იგი 2019 წლის 31 დეკემბრამდე დარჩება “ესბიერგში”.
შეგახსენებთ, რომ დანიელთა რიგებში ქართველი ფეხბურთელი, ოთარ კაკაბაძე გამოდის, რომელიც მიმდინარე სატრანსფერო ფანჯარაზე ტარაგონას “ხიმნასტიკმა” იჯარის წესით გაუშვა.
დღეს უმაღლესი ლიგის მე-12 ტურის მატჩები გაიმართა. წითელ ჯგუფში “სამტრედიამ” ფოთის “კოლხეთი”, ანგარიშით, 3-1 დაამარცხა და საჩემპიონო პლეი-ოფში თამაში გაინაღდა. ნახსენებ მატჩში დუბლი შეასრულა ბუდუ ზივზივაძემ, რომელიც, ზოგადად, ძალიან კარგ სეზონს ატარებს. საქართველოს ჩემპიონობისთვის სამტრედიელები ორმატჩიან დუელში “ჩიხურას” დაუპირისპირდებიან.
Fanebi.Com-ი დაუკავშირდა ზივზივაძეს და მასთან ინტერვიუ ჩაწერა.
“შესანიშნავი მატჩი გამოვიდა. პირველ ტაიმში მწვრთნელის ყველა დავალება პირნათლად შევასრულეთ, რამაც ლოგიკურ და სასურველ შედეგამდე მიგვიყვანა. ველოდით, რომ ფოთის “კოლხეთი” დაცვიდან გვეთამაშებოდა, თუმცა ეს ასე არ მოხდა. მათ თამაში გაგვიხსნეს, რაც ანგარიშზეც აისახა.”
“ვულოცავ ყველა სამტრედიელს ჯგუფის ჩემპიონობას!”
“რაც შეეხება მთლიანად სეზონს, ვფიქრობ, რომ განვლილ პერიდოში ძალიან კარგად გამოვიყურებოდით. გვინდოდა, რომ წითელ ჯგუფში პირველი ადგილი დაგვეკავებინა და ამ მიზანს მივაღწიეთ! თანაც, ეს ისე გავაკეთეთ, რომ აქამდე ეროვნულ ჩემპიონატში შეხვერდა არ წაგვიგია! “
“რაც შეეხება საჩემპიონო პლეი-ოფს… ვფიქრობ, რომ შანსები 50/50-ზეა, რადგან “ჩიხურაც” ძალიან გამართულ ფეხბურთს თამაშობს. ორივე გუნდი დამსახურებულად მოვიდა აქამდე. ვფიქრობ, რომ საქართველოს ღირსეული ჩემპიონი ეყოლება!” – განუცხადა Fanebi.Com-ს ზივზივაძემ.
“სამტრედიას” თავდამსხმელი, ბუდუ ზივზივაძე აზერბაიჯანულ “გაბალაში” ითამაშებს. ამ ინფორმაცია Azerifootball.com ავრცელებს.
22 წლის ფეხბურთელმა, რომან გრიგორჩუკის ყურადღება ევროპის ლიგის პირველ საკვალიფიკაციო ეტაპზე, “სამტრედიასა” და “გაბალას” შორის გამართულ მატჩებში მიიპყრო. ზივზივაძემ 7 ივლისს აზერბაიჯანელთა კარის დალაშქვრაც მოახერხა.
ბუდუს, სხვადასხვა დროს, საქართველო 17, 19 და 21-წლამდელთა ნაკრებებში უთამაშია. “სამტრედიაში” გამოჩენამდე, ის თბილისის “დინამოსა” და ქუთაისის “ტორპედოს” ღირსებასაც იცავდა.
შეგახსენებთ, რომ “გაბალაში”, რომელიც ევროპის ლიგის ჯგუფურ ეტაპზე მოხვდა, კიდევ ერთი ქართველი ფეხბურთელი – ნიკა კვეკვესკირი ასპარეზობს.
თბილისის “დინამოს” ყოფილი ფორვარდი ბუდუ ზივზივაძე კარიერას “ტორპედოში” გაარძელეს.
ზივზივაძე მიმდინარე სეზონის დასაწყისში იჯარის წესით ბათუმის “დინამოში” უნდა გადასულიყო, თუმცა თბილისურმა კლუბმა გადაწყვეტილება ბოლო წამს შეცვალა და ფორვარდი საკუთარ შემადგენლობაში დააბრუნა.
გასაკვირია, რომ 20 წლის შემტევს, რომელიც გასულ სეზონში პირველი ლიგის საუკეთესო ბომბარდირი გახდა, სათამაშო დრო ფაქტობრივად არ მისცემია. პირველ ლიგაში დინამო 2-ის გაუქმების შემდეგ კი ზივზივაძე თავისუფალი აგენტი გახდა და ქუთაისურ გუნდს მიაშურა.
ზივზივაძის მიმართ ინტერესს მარტვილის “მერანიც” იჩენდა.
