“ლივერპულის” სათადარიგო მეკარის სიმონ მინოლეს აგენტი ადასტურებს ცნობებს, რომლის თანახმადაც, ბელგიელი კლიენტის გადაბირების ვარიანტზე “ნაპოლის” ხელმძღვანელები მუშაობენ.
“მათგან წინადადებას მომდევნო დღეებში ველი. იმის გათვალისწინებით, რომ სატრანსფერო ბაზარი მალე იხურება, შეთავაზება მალე უნდა წარმოადგინონ, წინააღმდეგ შემთხვევაში ძალიან საეჭვოა, მხარეები შეთანხმდნენ.
მათი ინტერესი მინოლესადმი ახალი ნამდვილად არ არის. კარგა ხანია, რაც “ნაპოლის” მინოლე მოსწონს. ისინი მუდმივად აკვირდებოდნენ მინოლეს გარშემო არსებულ სიტუაციას და მომავალშიც ასე იქნება,” – აცხადებს ნიკო ვაესენი.
