გიორგი არაბიძე – გვერდი 3 – Fanebi.Com – ფეხბურთი, კალათბურთი, რაგბი, სხვა

თურქმა ფეხბურთელმა მალდივიზე დასასვენებლად ავადმყოფობა მოიმიზეზა და მატჩი გააცდინა (ფოტო)

Posted on დეკემბერი 29, 2018დეკემბერი 29, 2018 by ბექა დოგრაშვილი

თურქი ფეხბურთელი “შატალოზე” წავიდა. “გალათასარაის” მცველმა სერდარ აზიზმა ავადმყოფობა მოიმიზეზა და კლუბის ხელმძღვანელობას სატელეფონო კავშირით ამცნო, რომ “სივასპორთან” გასამართ მატჩზე ვერ გამოცხადდებოდა.

სინამდვილეში აზიზი მალდივის კუნძულებზე ისვენებდა, თუმცა ფეხბურთელს მეუღლის გაფრთხილება დაავიწყდა, რომელმაც სოციალურ ქსელში ამის ამსახველი ფოტო გამოაქვეყნა.

კლუბში სერდარ აზიზის საქციელით ძალზედ აღშფოთებულან და მის წინააღმდეგ დაუყოვნებლივ მიუღიათ სანქცია – “გალათასარაიმ” 28 წლის ფეხბურთელი ტრანსფერზე დააყენა.

უნაი ემერის “არსენალში” ბანეგას ხილვა სურს

Posted on დეკემბერი 28, 2018დეკემბერი 28, 2018 by ბექა დოგრაშვილი

ლონდონის “არსენლმა” ზამთრის სატრანსფერო პერიოდში შესაძლოა, “სევილიადან” ევერ ბანეგა გადმოიბაროს.

“თოქსპორტის” ცნობით, “მეთოფეთა” მთავარ მწვრთნელ უნაი ემერის ძალიან სურს საკუთარ გუნდში არგენტინელი ფეხბურთელის ხილვა, რომელსაც “ვალენსიასა” და “სევილიაში” მუშაობის პერიოდში თავკაცობდა.

ლონდონელები ევერ ბანეგას ტრანსფერის გაჩარხვას ჯერ კიდევ ზაფხულში ცდილობდნენ, თუმცა მაშინ გარიგება ჩაიშალა. 30 წლის ნახევარმცველის კონტრაქტის გამოსასყიდი თანხა 20 მილიონი ევროა.

ევერ ბანეგამ ესპანეთის პრიმერადივიზიონის მიმდინარე გათამაშებაში ჩატარებულ 16 მატჩში სამი გოლი გაიტანა და ორი საგოლე გადაცემა მიითვალა.

გიორგი არაბიძე შესაძლოა, უკრაინაში დაბრუნდეს

Posted on დეკემბერი 28, 2018 by ბექა დოგრაშვილი

გიორგი არაბიძე შესაძლოა, უკრაინის ჩემპიონატში დაბრუნდეს. ახალგაზრდა ქართველი ფეხბურთელით ჩერნიგოვის “დესნა” გახლავთ დაინტერესებული, რომელიც ზამთარში გუნდის გაძლიერებას აპირებს.

გიორგი არაბიძემ პროფესიული კარიერა თბილისის “ლოკომოტივში” დაიწყო, რომლის რიგებშიც ჩატარებულ 33 შეხვედრაში 21 გოლი გაიტანა და რამდენიმე უცხოური კლუბის ყურადღება მიიპყრო. არაბიძემ 2015 წელს კარიერა დონეცკის “შახტარში” გააგრძელა, თუმცა უკრაინული კლუბის მთავარ გუნდში მხოლოდ სამი მატჩი ჩაატარა. 2017 წელს არაბიძეს საქართველოს ეროვნული ნაკრების შემადგენლობაში დებიუტი ჰქონდა. მას “ჯვაროსანთა” რიგებში ჩატარებულ ოთხ შეხვედრაში სამი ბურთი აქვს გატანილი.

2018 წლის ზაფხულში გიორგი არაბიძე “შახტარიდან” პორტუგალიურ “ნასიონალში” გადაბარგდა”, თუმცა პირინეის ნახევარკუნზულზე ქართველმა ფეხბურთელმა ფეხი ვერ მოიკიდა. მას მიმდინარე სეზონში მხოლოდ ხუთი შეხვედრა აქვს ჩატარებული.

“დესნას” უკრაინის ჩემპიონატის სატურნირო ცხრილში მე-6 პოზიცია უკავია.

არაბიძემ “დნიპროს” ორი გოლი გაუტანა (ვიდეო)

Posted on ნოემბერი 27, 2016 by კახა ყიფიანი

26 ნოემბერს უკრაინის ახალგაზრდული ჩემპიონატის მე-16 ტურის შეხვედრები გაიმართა.

ერთ-ერთ მატჩში დონეცკის “შახტარის” 21-წლამდე გუნდი “დნიპროს” თანატოლებს სტუმრად დაუპირისპირდა და მეტოქე, ანგარიშით, 4-1 დაამარცხა. საგულისხმოა, რომ შახტარელთა შემადგენლობაში ორი გოლის გატანა ქართველმა ფეხბურთელმა, გიორგი არაბიძემ მოახერხა. მან ჯერ 50-ე წუთზე გაიტანა, ხოლო 55-ე წუთზე მეტოქის კარი მეორედ დალაშქრა.

არაბიძის გუნდს 16 ტურის შემდეგ 38 ქულა აქვს და მეორე ადგილზე იმყოფება.

გიორგი არაბიძემ “ბოკა რატონს” ორი გოლი გაუტანა (ვიდეო)

Posted on იანვარი 26, 2016 by -

26 იანვარს, ამერიკის შეერთებულ შტატებში შეკრებაზე მყოფი დონეცკის “შახტარი” ამერიკულ “ბოკა რატონს” დაუპირისპირდა და მეტოქე ანგარიშით 5:1 დაამარცხა.

დონეცკელთა მთავარმა მწვრთნელმა, მირჩა ლუჩესკუმ თავის გამოჩენის საშუალება რამდენიმე ახალგაზრდა ფეხბურთელს მისცა, მათ შორის იყო გიორგი არაბიძეც, რომელიც თამაშში მეორე ტაიმის დაწყებისთანავე ჩაერთო.

აღსანიშნავია, რომ 17 წლის ქართველმა შემტევმა 64-ე და 90-ე წუთებზე “ბოკა რატონის” კარში ორი გოლი გაიტანა.

როგორ მოიპოვა გიორგი არაბიძემ კუთხური “ჰეკენთან” გამართულ მატჩში (ვიდეო)

Posted on იანვარი 25, 2016 by -

24 იანვარს, დონეცკის “შახტარმა” ამერიკის შეერთებულ შტატებში შვედურ “ჰეკენთან” ამხანაგური მატჩი გამართა და მეტოქე ანგარიშით 3:1 დაამარცხა.

დონეცკელთა სათადარიგო შემადგენლობაში იყო გიორგი არაბიძე, რომელიც მოედანზე 70-ე წუთზე გამოჩნდა. ახალგაზრდა ქართველმა ფეხბურთელმა ერთ-ერთ ეპიზოდში კუთხური ასე მოიპოვა:

გიორგი არაბიძის ეფექტური თამაში მადრიდის “რეალთან” მატჩში (ვიდეო)

Posted on ნოემბერი 25, 2015ნოემბერი 25, 2015 by -

25 ნოემბერს, უეფას ახალგაზრდულ ლიგაზე, დონეცკის “შახტარმა” საკუთარ მოედანზე მადრიდის “რეალი” მიიღო და ანგარიშით 2:6 განადგურდა.

მატჩის მიმდინარეობისას, დოცენკელთა ქართველმა ფეხბურთელმა გიორგი არაბიძემ პასის გაკეთება ეფექტურად სცადა.

გიორგი არაბიძემ მადრიდის “რეალთან” მატჩში საგოლე გადაცემა გააკეთა (ვიდეო)

Posted on ნოემბერი 25, 2015 by -

25 ნოემბერს, უეფას ახალგაზრულ ლიგაზე, “შახტარის” 19-წლამდე გუნდმა საკუთარ მოედანზე მადრიდის “რეალი” მიიღო და ანგარიშით 2:6 განადგურდა.

დონეცკელთა ძირითად შემადგენლობაში იყო გიორგი არაბიძე, რომელმაც 73-ე წუთზე თანაგუნდელ ბორიაჩუკს საგოლე გადაცემა გაუკეთა.

გიორგი არაბიძის გოლი “ალექსანდრიას” 19-წლამდე გუნდის კარში (ვიდეო)

Posted on ნოემბერი 23, 2015 by -

22 ნოემბერს, უკრაინის 19-წლამდე ჩემპიონატში, დონეცკის “შახტარმა” საკუთარ მოედანზე “ალექსანდრია” მიიღო და მეტოქე ანგარიშით 2:0 დაამარცხა.

დონეცკელთა ძირითად შემადგენლობაში იყო გიორგი არაბიძე. 17 წლის ქართველმა ფეხბურთელმა 39-ე წუთზე სტუმართა კარი საჯარიმო დარტყმით დალაშქრა. ოთხ წუთში მისი დარტყმული “ალექსანდრიას” მეკარემ მოიგერია, თუმცა დამატებაზე არტურ ავაგიმიანმა თავისი გუნდის უპირატესობა ორამდე გაზარდა.

არაბიძემ „ალექსანდრიას“ 19-წლამდელებს გაუტანა

Posted on ნოემბერი 22, 2015 by Alix

უკრაინის 19-წლამდელთა ჩემპიონატის გათამაშების მე-17 ტურში დონეცკის „შახტარმა“ „ალექსანდრიას“ უმასპინძლა და ანგარიშით 2:0 მოუგო.

პირველი გოლი „შახტარის“ ახალგაზრდული გუნდის ქართველმა ლეგიონერმა გიორგი არაბიძემ გაიტანა, რომელმაც 39-ე წუთზე დანიშნული საჯარიმო დარტყმა ზუსტად შეასრულა. სათქმელია, რომ გიორგიმ წვლილი მეორე გოლის გატანაშიც შეიტანა – ოთხ წუთში მისი დარტყმული „ალექსანდრიას“ მეკარემ მოიგერია, თუმცა დამატებაზე არტურ ავაგიმიანმა თავისი გუნდის უპირატესობა ორამდე გაზარდა.

შემდეგ მატჩს „შახტარის“ 19-წლამდელთა გუნდი უეფას ახალგაზრდულ ლიგაზე მადრიდის „რეალის“ წინააღმდეგ გამართავს.

გიორგი არაბიძის შესანიშნავი საგოლე გადაცემა “მალმოსთან” მატჩში (ვიდეო)

Posted on ნოემბერი 3, 2015 by -

3 ნოემბერს, უეფას ახალგაზრდულ ჩემპიონთა ლიგაზე, დონეცკის “შახტარის” 19-წლამდე გუნდმა საკუთარ მოედანზე “მალმო” მიიღო.

შეხვედრის მე-40 წუთზე, უკრაინული გუნდის ფეხბურთელებმა ანგარიში გაათანაბრეს, საგოლე გადაცემა კი ქართველმა ფეხბურთელმა, გიორგი არაბიძემ გააკეთა.

გიორგი არაბიძის გოლი თვის საუკეთესოებში მოხვდა (ვიდეო)

Posted on ნოემბერი 2, 2015ნოემბერი 1, 2015 by -

დონეცკის “შახტარის” ოფიციალურმა ვებ-გვერდმა ოქტომბერში გუნდის ფეხბურთელების მიერ გატანილი გამორჩეული გოლები დაასახელა, რომელთა შორის გიორგი არაბიძის გოლიც მოხვდა.

შეგახსენებთ, რომ ქართველმა ფეხბურთელმა ახალგაზრდულ ჩემპიონთა ლიგაზე “მალმოს” კარი დალაშქრა.

საუკეთესო გოლის არჩევა ამ ბმულზე შეგიძლიათ: http://shakhtar.com/en/poll/?idv=412

Красивейшие голы Кобина, Степаненко и Арабидзе – претенденты на звание лучшего гола октября!Принимайте участие в голосовании: shakhtar.com/ru/poll/?idv=412Brilliant goals from Kobin, Stepanenko and Arabidze, who are contenders for the scorer of the best goal in October!Take part in the poll: shakhtar.com/en/poll/?idv=412

Posted by FC SHAKHTAR on Sunday, 1 November 2015