დღეს ავსტრიის ბუნდესლიგის მე-14 ტურის შეხვედრები გაიმართა. გრაცში, ადგილობრივი “შტურმი” ვენის “რაპიდს” მასპინძლობდა. მატჩი გარდამავალი უპირატესობით წარიმართა. ორივე გუნდმა შექმნა მომენტები, თუმცა გოლი არ გასულა. საბოლოოდ, 0-0 დასრულდა.
საგულისხმოა, რომ ვენელთა ძირითად შემადგენლობაში იყო ქართველი თავდამსხმელი, გიორგი ქვილითაია. მან 73 წუთი ითამაშა, რის შემდეგაც მთავარმა მწვრთნელმა ბრაზილიელი ჟოელინტონით შეცვალა.
ამ ფრის შემდეგ გიორგის გუნდი 26 ქულით მესამე პოზიციაზე იმყოფება.
თურქეთში შეკრებაზე მყოფმა თბილისის „დინამომ“ პირველი საკონტროლო მატჩი ჩაატარა. თბილისელთა მეტოქე ავსტრიული გრაცის „შტურმი“ იყო.
შეხვედრა საინტერესო გამოდგა. დინამოელებს პირველ ნახევარში, მეტოქის მსგავსად, რამდენიმე მომენტი ჰქონდათ. თბილისელთა ერთ-ერთი შეტევა გოლით დასრულდა – 41-ე წუთზე ზუსტად ჯაბა ჯიღაურმა დაარტყა – 1:0.
სამწუხაროდ, ანგარიში მეორე ტაიმში გათანაბრდა, როდესაც მე-60 წუთზე დანიშნულ პენალტი ედონვონმა გაიტანა.
ამის შემდეგ ანგარიში არ შეცვლილა, რამდენიმე შანსი ორივე გუნდს ჰქონდა, თუმცა ტაბლოზე ფრე 1:1 დაფიქსირდა.
შემდეგ შეხვედრას „დინამო“ 30 იანვარს ჩაატარებს – „ლურჯ-თეთრების“ მეტოქე პოლტავას „ვორსკლა“ იქნება.
