ზამთრის მთავარი ტრანსფერები

სულ რამდენიმე დღეა ზამთრის სატრანსფერო ფანჯარა გაიხსნა და უკვე განხორციელდა გამორჩეული ტრანსფერები.

რაიან ბაბელი, “დეპორტივო” – “ბეშიქთაში”, უფასოდ 

30 წლის ჰოლანდიელი, რომელიც ამსტერდამის “აიაქსში” ძალიან პერსპექტიულ მოთამაშედ ითვლებოდა. იგი დედაქალაქური კლუბის შემდეგ, “ლივერპულშიც” იყო, სადაც ბოლომდე იმედები ვერ გაამართლა. ბაბელმა ძალიან ბევრი იმოგზაურა. იგი არაბთა გაერთიანებული ემირატების ჩემპიონატშიც კი თამაშობდა. გასულ ზაფხულზე ჰოლანდიელმა მცირეხნიანი კონტრაქტი გააფორმა ესპანურ “დეპორტივოსთან”, სადაც 11 მატჩში 4 გოლი გაიტანა. სეზონის პირველი ნახევრის შემდეგ ბაბელი უფასოდ გადავიდა თურქულ “ბეშიქთაშში”.

იაგო ფალკე, “რომა” – “ტორინო”, 6 მილიონი ევრო

ფალკე 2015 წლის ზაფხულიდან “რომას” ეკუთვნოდა. პირველი, არც ისე წარმატებული სეზონის შემდეგ, 27 წლის ესპანელი ფეხბურთელი რომაელებმა “ტორინოში” გაანათხოვრეს, სადაც სერია ა-ში ჩატარებულ 15 მატჩში 8 გოლი გაიტანა და 3 საგოლე გადაცემა გააკეთა. სუპერშედეგიანი ფალკე ზამთარში “ტორინომ” 6 მილიონად იყიდა.

ტიმოტე კოლოჯეიჩაკი, “სევილია” – მიუნხენგლადბახის “ბორუსია”, – 7.5 მილიონი ევრო

როგორც ცნობილი ჟურნალისტი, მაიკლ იოხინი იტყოდა, როგორც იქნა, ფრანგმა მცველმა იპოვა ისეთი გუნდი, რომლის სახელწოდებაც მის გვარზე დიდია. კოლოჯეიჩაკმა ეს ტრანსფერი ტვიტერზე დაადასტურა.

ტომას რინკონი, “ჯენოა” – “იუვენტუსი”, 8 მილიონი ევრო

ვენესუელელი, რომელიც “იუვემ” იყიდა ვიტსელის მაგივრად.

ადემოლა ლუკმანი, “ჩარლტონი” – “ევერტონი”, 7.5 მილიონი ფუნტიდან 11 მილიონ ფუნტამდე

კიდევ ერთი ახალგაზრდა ინგლისელი ტალანტი. 18 წლის ადემოლა წელიწად-ნახევრის მანძილზე “ჩარლტონში” გამოდიოდა. ამ ზამთარში კი, ყველა გრანდს “ევერტონმა” აჯობა და ლუკმანი არც ისე იაფად შეიძინა.

კარლოს ტევესი, “ბოკა ხუნიორსი” – “შანხაი შენჰუა”, 10.5 მლიონი ევრო

როგორც არგენტინის პრეზიდენტმა თქვა, კარლიტოს განტვირთვა სჭირდება. ტევესმა დასასვენებლად შესანიშნავი ადგილი იპოვა ჩინეთის სახით, სადაც იგი მსოფლიოს ყველაზე მაღალანაზღაურებადი ფეხბურთელი გახდება.

უილფრიდ ნდიდი, “გენკი” – “ლესტერი”, 17.6 მილიონი ევრო

კიდევ ერთი მცდელობა “ლესტერ სიტისა”, რომ გუნდში ახალი კანტე მიიყვანონ.

რიხედლი ბაზური, “აიაქსი” – “ვოლფსბურგი”, 12 მილიონი ევრო

20 წლის ჰოლანდიელი ნახევარმცველი, რომელიც დიდ ტალანტს ფლობს. მისით რამდენიმე პრემიერლიგური გრანდი ინტერესდებოდა, თუმცა ახალგაზრდა სპორტსმენმა ბუნდესლიგა აირჩია.

ლეონარდო პავოლეტი, “ჯენოა” – “ნაპოლი”, 18 მილიონი ევრო

კიდევ ერთი მცდელობა “ნაპოლის” მხრიდან, რომ იყიდონ ახალი გინსალო იგუაინი.

აქსელ ვიტსელი, “ზენიტი” – “ტიანცზინ ციუანცზიანი”, 20 მილიონი ევრო

“იუვე” სთავაზობდა, თუმცა მისთვის სხვა რამეა პრიორიტეტული.

იულიან დრაზქსლერი, “ვოლფსბურგი” – “პსჟ”, 40 მილიონი ევრო

იმედია, დრაქსლერი პარიზულ კლუბში მაინც აჩვენებს იმას, რასაც მისგან დიდი ხანია ელიან.

ოსკარი, “ჩელსი” – “შანხაი ტელეისი”, 60 მილიონი ევრო

კიდევე ერთი ფეხბურთელი, რომლისთვისაც კარიერაზე უფრო მნიშვნელოვანი სხვა რამეა.

Daily Telegraph: ვინ ჩაანაცვლებს ოსკარს?

ლონდონის “ჩელსის” ხელმძღვანელები გუნდში ორი ახალი ფეხბურთელის დამატებას აპირებენ, რაც ოკარის ჩინეთში გადაბარგებითაა გამოწვეული. ამ ინფორმაციას Daily Telegraph-ის რედაქცია ავრცელებს.

შეგახსენებთ, რომ ლონდონელთა ბრაზილიელი ფეხბურთელი ჩინურ “შანხაიში” აპირებს კარიერის გაგრძელებას, რომელიც მზადაა, მის სანაცვლოდ 60 მილიონი ფუნტი გადაუხადოს “სტემფორდ ბრიჯის” ბინადრებს.

“ჩელსის” ინტერესთა სფეროში კი “მონაკოელთა” წყვილი, ჯიბრილ სიდიბე და ტიმუ ბაკაიოკოა მოქცეული, რომლებმაც თავი მიმდინარე სეზონში კარგი ასპარეზობით გამოიჩინეს.

ანტონიო რუდიგერი, სიმონ კიაერი, მაიკლ კინი და ნიკლას სულე – ფრანგული კლუბის ფეხბურთელების გარდა, ანტონიო კონტეს სამიზნეთა სიაში სწორედ ეს ფეხბურთელები იმყოფებიან.

კარიკატურა: ფულიანი ოსკარი (ფოტო)

ვრცელდებოდა ინფორმაცა, რომ ჩინური “შანხაი” ლონდონის “ჩელსის” ფეხბურთელით, ოსკარით ინტერესდებოდა. უკვე რამდენიმე გამოცემამ დაადასტურა, რომ ბრაზილელი 2017 წლიდან აზიურ კლუბში იასპარეზებს და ხელფასის სახით რეკორდულ თანხას  – 400 000 ევრო კვირაში – მიიღებს. ჩინელები ნახევარმცველში 60 მილიონ ფუნტს იხდიან.

ომარ მომანიმ ასე წარმოგვიდგინა ფულიანი ოსკარი

 

 

 

ჩინური გუნდი ოსკარში სერიოზულ თანხას ჩამოდის

ინგლისური წყარო, Daily Telegraph-ი იტყობინება, რომ ჩინურ კლუბს, “შანხაის”, რომელსაც ანდრე ვილაშ-ბოაში უდგას სათავეში, ბრაზილიელი ოსკარი სურს. როგორც ცნობილია, აზიელები ბრაზილიელ ფეხბურთელში 60 მილიონ ფუნტს იხდიან.

ოსკარს “ჩელსიში” ნამდვილად არ მისდის კარგად საქმე. მან მიმდინარე სეზონში, მხოლოდ და მხოლოდ, 5 შეხვედრა დაიწყო ძირითადიდან. ხოლო, მას შემდეგ, რაც კონტემ გუნდი 3-4-3 სქემაზე გადაიყვანა, ბრაზილიელის ადგილი სასტარტო თერთმეტეულში არ დარჩა.

საინტერესოა, რა გდაწყვეტილებას მიიღებს ოსკარი: მოიხიბლება ფულით და გადავა აზიურ კლუბში, თუ ევროპაში განვითარებას გააგრძელებს.

 

Calciomercato: ოსკარი “იუვენტუსის” რადარზე დაბრუნდა

Calciomercato-ს მიერ გავრცელებული უახლესი ინფორმაციის თანახმად, ტურინის “იუვენტუსის” ხელმძღვანელებს კვლავ სურთ “არისტოკრატთა” ბრაზილიელი ნახევარმცველის, ოსკარის გადაბირება.

შეგახსენებთ, რომ გასულ ზაფხულს ოსკარს ძალიან ბევრი გამოცემა აკავშირებდა ტურინულ კლუბთან, მაგრამ სატრანსფერო ფანჯრის ბოლო დღემ ისე ჩაიარა, რომ ოსკარს “სტემფორდ ბრიჯი” ერთხელაც არ დაუტოვებია.

ამასთანავე ნიშანდობლივია ის ფაქტიც, რომ ტურინელები 25 წლის ნახევარმცველს სასტარტო შემადგენლობაში ადგილს სთავაზობენ, რაც მას ლონდონში ნამდვილად აკლია. შესაძლოა, ტრანსფერში გადამწყვეტი როლი სწორედ ამ ფაქტორმა ითამაშოს.

ოსკარი: “კონტემ თვითრწმენა დამიბრუნა”

ლონდონის “ჩელსის” ბრაზილიელმა ნახევარმცველმა, ოსკარმა განაცხადა, რომ “ჩელსიში” ანტონიო კონტეს მისვლამ მასზე დადებითად იმოქმედა.

“კონტემ თვითრწმენა დამიბრუნა. ახლა, თავს მშვენივრად ვგრძნობ და კარგადაც ვთამაშობ. იმედია, ყველაფერი ასევე გაგრძელდება.

ბოლო დროს, 10-იანის ან ვინგერის პოზიციაზე მიწევდა თამაში, ახლა კი ჩემს მშობლიურ პოზიციას დავუბრუნდი. კონტეს თაოსნობით, კვლავ რვიანის ფუნქციებს შევასრულებ.

“ჩელსიში” საკმაოდ კარგი დრო გავატარე და ბევრ წარმატებასაც მივაღწიე – კლუბთან ერთად პრემიერ ლიგა, ლიგის თასი და ევროპა ლიგა მოვიგე.

მხოლოდ წინა სეზონი იყო გამონაკლისი. ვიმედოვნებ, რომ მიმდინარე სეზონში იგივე არ განმეორდება.”

“ჩელსიმ” “მილანზე” იმარჯვა (ვიდეო)

დღეს დილაადრიან აშშ-ში მიმდინარე ამხანაგურ ტურნირზე, “ჩემპიონთა საერთაშორისო თასზე” გაიმართა მატჩი, რომელშიც ერთმანეთს “მილანი” და “ჩელსი” დაუპირისპირდნენ.

როგორც მოსალოდნენლი იყო, პირველი წუთებიდანვე “ჩელსი” დაეუფლა უპირატესობას. ლონდონელებმა მალე ეს გოლშიც ასახეს – 24-ე წუთზე ტრაორემ წინ გაიყვანა მისი გუნდი. ზუსტად 14 წუთში “მილანმა” ანგარიში გაათანაბრა – ამის გაკეთება ბონავენტურამ შეძლო.

მეორე ტაიმში კიდევ ორი გოლი გავიდა – ორივე იტალიელელბის კარში. 70-ე წუთზე ოსკარმა პენალტი ზუსტად შეასრულა, ხოლო 79-ეზე კი ბრაზილიელმა მოთამაშემ დუბლი გაიფორმა და საბოლოო ანგარიში, 1-3 დააფიქსირა.

 

დღის მთავარი სატრანსფერო ამბები (1 აგვისტო)

5454

გიორგი აბურჯანია დღეს “სევილიას” ფეხბურთელი გახდება

საქართველოს ეროვნული ნაკრების ნახევარმცველი, გიორგი აბურჯანია დღეს “სევილიაში” სამედიცინო შემოწმებას გაივლის, შემდეგ კი კლუბთან კონტრაქტს გააფორმებს.

diarimes.com-ის ცნობით, თავდაპირველად, ქართველი ნახევარმცველი “სევილიას” მეორე გუნდთან ერთად ესპანეთის სეგუნდა დივიზიონში დაიწყებს თამაშს. თუმცა, ნებისმიერ დროს, შესაძლებელია, რომ 21 წლის ფეხბურთელი პირველ გუნდში ვიხილოთ.

ოსკარი “ინტერში”?

The Sun-ის მიერ გავრცელებული ინფორმაციის თანახმად, ლონდონის “ჩელსის” მთავარი მწვრთნელი, ანტონიო კონტე ოსკარის თამაშით უკმაყოფილოა. ამრიგად, შესაძლებელია, რომ ბრაზილიელი ნახევარმცველი “ინტერში” ვიხილოთ. “ჩელსი” 24 წლის ფეხბურთელში 30 მილიონ ფუნტ სტერლინგს ითხოვს.

ვენგერმა მარეზის მიმართ ინტერესი არ დაადასტურა… არც უარყო…

ლონდონის “არსენალის” მთავარმა მწვრთნელმა, არსენ ვენგერმა beIN SPORTS-თან რიად მარეზის შესახებ ისაუბრა.

“ჩვენს ინტერესს ვერც დავადასტურებ და ვერ ვერც ვუარყობ, რადგან “არსენალის” სატრანსფერო გეგმებზე საჯაროდ არ ვსაუბრობთ. ყველაზე სწორი მიდგომა, საქმის წყნარად კეთებაა”, – ამბობს ფრანგი სპეციალისტი.

aa

“ევერტონი” ლუკაკუში 75 მილიონს ითხოვს

Daily Mirror-ის ცნობით, “ევერტონი” რომელუ ლუკაკუში 75 მილიონ ფუნტ სტერლინგს ითხოვს. მიუხედავად ამისა, “ჩელსი” ბელგიელ თავდამსხმელში 68 მილიონის გადახდას აპირებს.

“არსენალი” “ინტერისთვის” 50 მილიონი ფუნტის გადახდას აპირებს

მას შემდეგ, რაც “ლიონმა” არსენ ვენგერის 29.3 მილიონიანი წინადადება ლაკაზეტის ტრანსფერის თაობაზე უარყო, “მეთოფეებმა” 42 მილიონ ფუნტად შეფასებულ ფრანგ ფორვარდზე ხელი აიღეს.

ნაცვლად ლაკაზეტისა, ლონდონელები “ინტერის” 23 წლის ფორვარდის, მაურო იკარდის გადაბირებას აპირებენ, რომლის სანაცვლოდაც ერიკ ტოჰირი 50 მილიონ ფუნტს ითხოვს.

Tuttosport: “იუვენტუსმა” თვალი აზარს, ვილიანსა და ოსკარს დაადგა

ტურინის “იუვენტუსს” იმედი აქვს, რომ ლონდონის “ჩელსის” შემტევი ნახევარდაცვის რომელიმე წევრს მაინც გადაიბირებს ზაფხულის სატრანსფერო ფანჯარაზე. ამ ინფორმაციას Tuttosport ავრცელებს.

როგორც იცით, ხუან კუადრადოს კონტრაქტის თანახმად “სტემფორდ ბრიჯზე” დაბრუნება მოუწევს, სადაც დიდი ალბათობით ანტონიო კონტე დახვდება, რომლის ინტერესზე ლეონარდო ბონუჩისა და სიმონე ძაძას მიმართ ძალიან ბევრს საუბრობენ.

ამიტომაც “ბებერი ქალბატონი” ეცდება ამ სიტუაციიდან მოგებული გამოვიდეს და “არისტოკრატთა” რომელიმე ნახევარმცველი (უილიანი, ოსკარი ან აზარი) გადაიბიროს. რასაც ხელს ის ფაქტიც შეუწყობს, რომ მომავალ სეზონში “ლურჯები” ევროპულ სარბიელზე დიდი ალბათობით ვერ იასპარეზებენ.

ოსკარი: “დიეგო კოშტა ჩემი საუკეთესო მეგობარია”

ლონდონის “ჩელსის” ნახევარმცველი ოსკარი სოციალურ ქსელ Twitter-ში პოსტს აქვეყნებს, რომელიც რამდენიმე საათის წინ გავრცელებულ ინფორმაციას ეხება.

ინგლისურ პრესაში დაიწერა, რომ დიეგო კოშტამ და ოსკარმა “ჩელსის” ვარჯიშზე ერთმანეთთან იჩხუბეს, ისინი კი თანაგუნდელებმა გააშველეს.

“ის, ვინც ამბობს, რომ მე და დიეგო კოშტამ ერთმანეთთან ვიჩხუბეთ, იტყუება. დიეგო კოშტა ჩემი საუკეთესო მეგობარია და მასთან არასოდეს მიჩხუბია”, – წერს ოსკარი.

როგორ მოატყუა ოსკარმა “ტოტენჰემის” ფეხბურთელები (ვიდეო)

29 ნოემბერს, ინგლისის პრემიერ ლიგაში, “ჩელსისა” და “ტოტენჰემს” შორის გამართულ მატჩში, ოსკარმა მეტოქე გუნდის ფეხბურთელი ბრწყინვალედ მოატყუა.

ოსკარმა “სუონსის” ულამაზესი ჯარიმა გაუტანა (ვიდეო)

ამ წუთებში მიმდინარეობს პრემიერ ლიგის პირველი ტურის შეხვედრა ლონდონის “ჩელსისა” და “სუონსის” შორის, სადაც მასპინძლები პირველი ტაიმის შესვენებაზე უელსელებს 1-0 ამარცხებენ.

მატჩის 23-ე წუთზე, “ჩელსის” ბრაზილიელმა ნახევარმცველმა, ოსკარმა “სუონსის” ულამაზესი გოლი გაუტანა.